ഇരിങ്ങാലക്കുട രൂപത ദിവ്യകാരുണ്യ കോണ്‍ഗ്രസ്: ലോഗോ പ്രകാശനം
കേരളസഭ നവീകരണത്തിന്റെ ഭാഗമായി നടക്കുന്ന ദിവ്യകാരുണ്യ കോണ്‍ഗ്രസിന്റെ ലോഗോ പ്രകാശനം കര്‍ദിനാള്‍ മാര്‍ ബസേലിയോസ് ക്ലീമിസ് കാതോലിക്കാ ബാവ സീറോ മലബാര്‍ സഭ മേജര്‍ ആര്‍ച്ച് ബിഷപ് മാര്‍ റാഫേല്‍ തട്ടിലിനു നല്കി പ്രകാശനം ചെയ്യുന്നു. സിബിസിഐ പ്രസിഡന്റ് മാര്‍ ആന്‍ഡ്രൂസ് താഴത്ത്, സഹായ മെത്രാന്‍ മാര്‍ ടോണി നീലങ്കാവില്‍, കോതമംഗലം രൂപത ബിഷപ്പ് മാര്‍ ജോര്‍ജ് മഠത്തിക്കണ്ടത്തില്‍, മൂവാറ്റുപുഴ രൂപത ബിഷപ്പ് മാര്‍ യൂഹന്നാന്‍ തെയഡോഷ്യസ്, കെസിബിസി ജനറല്‍ സെക്രട്ടറി മാര്‍ അലക്‌സ് വടക്കുംതല, ഇരിങ്ങാലക്കുട രൂപത ബിഷപ്പ് മാര്‍ പോളി കണ്ണൂക്കാടന്‍ തുടങ്ങിയവര് സമീപം.
ഇരിങ്ങാലക്കുട: കേരളസഭ നവീകരണത്തിന്റെ ഭാഗമായി മേയ് 19ന് രൂപതയില്‍ നടക്കുന്ന ദിവ്യകാരുണ്യ കോണ്‍ഗ്രസിന്റെ ലോഗോ പ്രകാശനം കര്‍ദിനാള്‍ മാര്‍ ബസേലിയോസ് ക്ലീമിസ് കാതോലിക്കാ ബാവ നിര്‍വഹിച്ചു. സീറോ മലബാര്‍ സഭ മേജര്‍ ആര്‍ച്ച് ബിഷപ് മാര്‍ റാഫേല്‍ തട്ടില്‍ ലോഗോ ഏറ്റുവാങ്ങി. പരിശുദ്ധ കുര്‍ബാനയിലുള്ള വിശ്വാസമാണ് ക്രൈസ്തവ വിശ്വാസത്തിന്റെ വേര് എന്ന് പരിശുദ്ധ കുര്‍ബാനയില്‍ അധിഷ്ഠിതമായുള്ള ക്രൈസ്തവ വിശ്വാസം പടര്‍ന്നു പന്തലിക്കുന്നതാണ് ദിവ്യകാരുണ്യമെന്നും മേജര്‍ ആര്‍ച്ച് ബിഷപ് മാര്‍ റാഫേല്‍ തട്ടില്‍ ആശംസിച്ചു.
സിബിസിഐ പ്രസിഡന്റും തൃശൂര്‍ അതിരൂപത അധ്യക്ഷനുമായി മാര്‍ ആന്‍ഡ്രൂസ് താഴത്ത്, സഹായ മെത്രാന്‍ മാര്‍ ടോണി നീലങ്കാവില്‍, കോതമംഗലം രൂപത ബിഷപ്പ് മാര്‍ ജോര്‍ജ് മഠത്തിക്കണ്ടത്തില്‍, മൂവാറ്റുപുഴ രൂപത ബിഷപ്പ് മാര്‍ യൂഹന്നാന്‍ തെയഡോഷ്യസ്, കെസിബിസി ജനറല്‍ സെക്രട്ടറി മാര്‍ അലക്‌സ് വടക്കുംതല, ഇരിങ്ങാലക്കുട രൂപത ബിഷപ്പ് മാര്‍ പോളി കണ്ണൂക്കാടന്‍, വികാരി ജനറല്‍ മോണ്‍. ജോസ് മഞ്ഞളി, രൂപതയിലെ വൈദികരും വിവിധ മേഖലകളിലെ പ്രതിനിധികളും ചടങ്ങില്‍ പങ്കെടുത്തു.
ക്രൈസ്തവ ജീവിതത്തിന്റെ ഉറവിടവും ഉച്ചിയുമായ ദിവ്യകാരുണ്യത്തിന്റെ മാഹാത്മ്യം വ്യക്തമാക്കുന്ന തരത്തിസാണ് ലോഗോ രൂപകല്‍പന ചെയ്തിരിക്കുന്നത്. ദിവ്യകാരുണ്യ കോണ്‍ഗ്രസിന് 60 ദിവസങ്ങള്‍ ശേഷിക്കേ, തൃശൂര്‍ മേരി മാതാ മേജര്‍ സെമിനാരിയിലായിരുന്നു ലോഗോ പ്രകാശനം നിര്‍വഹിച്ചത്. ഇരിങ്ങാലക്കുട രൂപതയുടെ ചരിത്രത്തില്‍ ഇതാദ്യമായാണ് ദിവ്യകാരുണ്യ കോണ്‍ഗ്രസിന് വേദിയൊരുങ്ങുന്നത്.
About Author
കരുതിയിരിക്കുക, ഓണ്‍ലൈന്‍ തട്ടിപ്പുകളില്‍ വീഴരുതേ……ആദ്യം ഫോണ്‍ വിളി, താങ്ങളുടെ പേരില്‍ ക്രൈം കേസുകളുണ്ടെന്നു മുന്നറിയിപ്പ് 
ടൗണ്‍ അമ്പ് ഫെസ്റ്റ് 2025 സ്വാഗത സംഘം ഓഫീസ് ഉദ്ഘാടനം ചെയ്തു 
പിടികിട്ടാപ്പുള്ളി 26 വര്‍ഷത്തിന് ശേഷം അറസ്റ്റില്‍ 
നവജാതശിശു സംരക്ഷണ വാരാചരണത്തിന് തുടക്കമായി 
ക്രൈസ്റ്റ് ആശ്രമ ദേവാലയത്തില്‍ ക്രിസ്തുരാജന്റെ തിരുനാളിന് കൊടിയേറി 
ഐടി മേളയില്‍ രണ്ടാം സ്ഥാനം എ ഗ്രേഡ് നേടിയ ജെസ്‌ലെറ്റ് ജോബി 
