സീഡ് പേപ്പറില്‍ ഡെലഗേറ്റ് പാസൊരുക്കി ദമ്പതികള്‍
ഫെസ്റ്റിവലിന്റെ ഭാഗമായി ഒരുക്കിയിരിക്കുന്ന സീഡ് പേപ്പറിലുള്ള ഡെലഗേറ്റ് പാസുമായി സൂരജും ഭാര്യയും.
ഇരിങ്ങാലക്കുട: അന്താരാഷ്ട്ര പരിസ്ഥിതി ചലച്ചിത്രോത്സവം അതിന്റെ പരിസ്ഥിതി സൗഹാര്‍ദ്ദപരത കൊണ്ട് വ്യത്യസ്തമായിരുന്നു. ഫെസ്റ്റിവലിന്റെ ഭാഗമായി ഒരുക്കിയിരിക്കുന്ന ഡെലഗേറ്റ് പാസുകളെല്ലാം സീഡ് പേപ്പറിലാണ് തയ്യാറാക്കിയിരുന്നത്. ആവശ്യം കഴിഞ്ഞ് ഉപേക്ഷിച്ചാലും ചെടികളായി മുളയ്ക്കുന്ന രീതിയില്‍ വിത്തുകള്‍ നിറച്ചു വെച്ചാണ് സീഡ് പേപ്പര്‍ ഒരുക്കിയിരിക്കുന്നത്. ഡല്‍ഹി ആസ്ഥാനമായി പ്രവര്‍ത്തിക്കുന്ന എക്കോ മെയ്ഡ് എന്ന സംരംഭത്തിന്റെ സ്ഥാപകനായ സൂരജാണ് സീഡ് പേപ്പറിലുള്ള പാസുകള്‍ ഒരുക്കി നല്‍കിയത്.
കാലുകള്‍ തളര്‍ന്ന് ശാരീരികമായ പരിമിതികള്‍ അനുഭവിക്കുന്ന സാഹചര്യത്തിലും വ്യത്യസ്തമായ ആശയങ്ങളുമായി മുന്നോട്ടു പോവുകയാണ് എടവിലങ്ങ് സ്വദേശിയായ സൂരജ്. ക്ഷണപത്രങ്ങളും നോട്ടീസുകളുമെല്ലാം അദ്ദേഹം സീഡ് പേപ്പറില്‍ തയ്യാറാക്കിയാണ് വ്യത്യസ്തനാകുന്നത്. ഹെലന്‍ കെല്ലര്‍ അവാര്‍ഡ്, ബെസ്റ്റ് സോഷ്യല്‍ എന്റര്‍പ്രണര്‍ അവാര്‍ഡ്, എന്നിവയടക്കം നിരവധി പുരസ്‌കാരങ്ങള്‍ ഇദ്ദേഹത്തെ തേടിയെത്തിയിട്ടുണ്ട്. അതോടൊപ്പം ഡല്‍ഹിയില്‍ നിന്ന് കാര്‍ഗില്‍ വരെ 2500 കിലോമീറ്റര്‍ സൈഡ് വീലര്‍ സ്‌കൂട്ടറില്‍ നടത്തിയ ബോധവത്കരണ യാത്രയുടെ പേരില്‍ ഗ്ലോബല്‍ ബുക്ക് ഓഫ് റെക്കോര്‍ഡും ഇന്ത്യ ബുക്ക് ഓഫ് റെക്കോര്‍ഡും കരസ്ഥമാക്കിയ വ്യക്തി കൂടിയാണ് സൂരജ്.
About Author
കരൂപ്പടന്ന എന്‍എസ്എസ് വളണ്ടിയര്‍മാര്‍ പല്ലൊട്ടി സിനിമയുടെ അണിയറ പ്രവര്‍ത്തകരുമായി സംവദിച്ചു 
സെന്റ് ജോസഫ്‌സ് കോളജിലെ സുവോളജി വിഭാഗം ശില്‍പ്പശാല സംഘടിപ്പിച്ചു 
വാര്‍ഡ് വിഭജനം; കരട് വിജ്ഞാപനമായി; ഇരിങ്ങാലക്കുട നഗരസഭയില്‍ ഇനി 43 വാര്‍ഡുകള്‍ 
കരുതിയിരിക്കുക, ഓണ്‍ലൈന്‍ തട്ടിപ്പുകളില്‍ വീഴരുതേ……ആദ്യം ഫോണ്‍ വിളി, താങ്ങളുടെ പേരില്‍ ക്രൈം കേസുകളുണ്ടെന്നു മുന്നറിയിപ്പ് 
ടൗണ്‍ അമ്പ് ഫെസ്റ്റ് 2025 സ്വാഗത സംഘം ഓഫീസ് ഉദ്ഘാടനം ചെയ്തു 
കേരള വ്യാപാരി വ്യവസായി ഏകോപനസമിതി എം.ഓ. ജോണ്‍ ഓര്‍മ്മദിനം ആചരിച്ചു 
