ആളൂര്‍ പഞ്ചായത്തിലെ അഞ്ച് റോഡുകളുടെ നിര്‍മ്മാണോദ്ഘാടനം നടത്തി
1.16 കോടി ചെലവില് നവീകരിക്കുന്ന ആളൂര്‍ പഞ്ചായത്തിലെ അഞ്ച് റോഡുകളുടെ നിര്‍മ്മാണോദ്ഘാടനം മന്ത്രി ഡോ. ആര്‍. ബിന്ദു നിര്വഹിക്കുന്നു.
ആളൂര്‍: ഇരിങ്ങാലക്കുട നിയോജകമണ്ഡലത്തിലെ ഏഴ് പഞ്ചായത്തുകളിലും നഗരസഭയിലുമായി വിവിധ കാരണങ്ങളാല്‍ തകര്‍ന്ന 30 റോഡുകള്‍ക്കായി 8.39 കോടി രൂപയാണ് പുനരുദ്ധാരണത്തിനായി മുഖ്യമന്ത്രിയുടെ തദ്ദേശ റോഡ് പുനരുദ്ധാരണ പദ്ധതി പ്രകാരം അനുവദിച്ചിട്ടുള്ളത്. ആളൂര്‍ പഞ്ചായത്തിലെ സെന്റ് ആന്റണീസ് റോഡ് 28 ലക്ഷം, റെയില്‍വേ ഗേറ്റ് പെരടിപ്പാടം റോഡ് 15 ലക്ഷം, വടക്കേക്കുന്ന് റോഡ് 20 ലക്ഷം, കണ്ണിക്കര അത്ഭുതകുളങ്ങര അമ്പലം റോഡ് 31 ലക്ഷം, കണ്ണിക്കര കപ്പേള എരണപ്പാടം റോഡ് 22 ലക്ഷം എന്നീ തദ്ദേശ റോഡുകളുടെ പുനരുദ്ധാരണത്തിന്റെ നിര്‍മ്മാണോദ്ഘാടനമാണ് മന്ത്രി ഡോ. ആര്‍. ബിന്ദു വ്യാഴാഴ്ച നിര്‍വഹിച്ചത്. കണ്ണിക്കര കപ്പേള പരിസരത്ത് നടന്ന ചടങ്ങില്‍ പഞ്ചായത്ത് പ്രസിഡന്റ് കെ.ആര്‍. ജോജോ അധ്യക്ഷത വഹിച്ചു. വൈസ് പ്രസിഡന്റ് രതി സുരേഷ്, മാള ബ്ലോക്ക് ക്ഷേമകാര്യ ചെയര്‍മാന്‍ ജോസ് മാഞ്ഞൂരാന്‍, ആരോഗ്യ വിദ്യാഭ്യാസ സ്റ്റാന്‍ഡിംഗ് കമ്മിറ്റി ചെയര്‍മാന്‍ ബിന്ദു ഷാജു, ജനപ്രതിനിധികളായ ജുമൈല സഗീര്‍, ഷൈനി വര്‍ഗീസ് പൊതുപ്രവര്‍ത്തകരായ എം.സി. സന്ദീപ്, എം.ബി. ലത്തീഫ്, സി.ജെ. നിക്‌സന്‍ എന്നിവര്‍ സംസാരിച്ചു.
About Author
ഊരകം സെന്റ് ജോസഫ് ദേവാലയത്തില്‍ തിരുന്നാളിന് കൊടികയറി, തിരുനാള്‍ 10, 11 തീയതികളില്‍ 
ചുണ്ണാമ്പ് കേസില്‍ പ്രതികളുടെ അപ്പീല്‍ തള്ളി കൊലക്കുറ്റത്തിനുള്ള ശിക്ഷ ഹൈക്കോടതി ശരി വെച്ചു 
കൂടല്‍മാണിക്യം ഇല്ലംനിറ; വിത്തുവിതച്ചു 
വാര്‍ഷിക വര്‍ധനവ് സഹിതം ജീവനാംശം നല്‍കുവാന്‍ കുടുംബ കോടതി ഉത്തരവ് 
പഞ്ചായത്ത് പറയുന്ന റൂട്ടില്‍, പറയുന്ന സമയത്ത് സര്‍വീസ്; കെഎസ്ആര്‍ടിസിയുടെ ഗ്രാമവണ്ടി തയ്യാര്‍ നിയോജകമണ്ഡലത്തില്‍ ആദ്യത്തേത് 
കെപിഎസ്ടിഎ അധ്യാപക മന്ദിരത്തിന് തറക്കല്ലിട്ടു 
