ഉണ്ണികൃഷ്ണന് കുറ്റിപ്പറമ്പില് വെള്ളാങ്കല്ലൂര് ബ്ലോക്ക് പഞ്ചായത്ത് വൈസ് പ്രസിഡന്റായി സ്ഥാനമേറ്റു
വെള്ളാങ്കല്ലൂര്: ബ്ലോക്ക് പഞ്ചായത്ത് വൈസ് പ്രസിഡന്റായി സിപിഐഎമ്മിലെ ഉണ്ണികൃഷ്ണന് കുറ്റിപ്പറമ്പില് തെരഞ്ഞെടുക്കപ്പെട്ടു. വെള്ളാങ്കല്ലൂര് ഡിവിഷനെ പ്രതിനിധീകരിക്കുന്ന ഇദ്ദേഹം സിപിഐ(എം) വെള്ളാങ്കല്ലൂര് നോര്ത്ത് ലോക്കല് കമ്മിറ്റി അംഗവും കേരള കര്ഷകസംഘം മാള ഏരിയ സെക്രട്ടറിയുമാണ്. ഇടതുപക്ഷ മുന്നണി ധാരണ പ്രകാരം വൈസ് പ്രസിഡന്റായിരുന്ന സിപിഐ പ്രതിനിധി രാജിവച്ചതിനെ തുടര്ന്നാണ് തെരഞ്ഞെടുപ്പ് നടന്നത്. രണ്ടിനെതിരെ പത്തു വോട്ടുകള് നേടിയാണ് ഉണ്ണികൃഷ്ണന് കുറ്റിപ്പറമ്പില് വിജയിച്ചത്. ജില്ല പട്ടികജാതി വികസന ഓഫീസര് ലിസ ജെ. മങ്ങാട്ട് വരണാധികാരിയായിരുന്നു. ബ്ലോക്ക് പഞ്ചായത്ത് പ്രസിഡന്റ് വിജയലക്ഷ്മി വിനയചന്ദ്രന് സത്യപ്രതിജ്ഞ ചൊല്ലിക്കൊടുത്തു. തുടര്ന്ന് ബ്ലോക്ക് പഞ്ചായത്ത് ഹാളില് നടന്ന അനുമോദന യോഗത്തില് വിജയലക്ഷ്മി വിനയചന്ദ്രന് അധ്യക്ഷത വഹിച്ചു. സിപിഐ(എം) ജില്ലാ കമ്മിറ്റി അംഗം എം. രാജേഷ്, മാള ഏരിയ സെക്രട്ടറി ടി.കെ. സന്തോഷ്, ഏരിയ കമ്മിറ്റി അംഗങ്ങളായ ഷാജി നക്കര, അരവിന്ദന് മാസ്റ്റര്, ലോക്കല് കമ്മിറ്റി സെക്രട്ടറി എം.കെ. മോഹനന്, പഞ്ചായത്ത് പ്രസിഡന്റ് എം.എം. മുകേഷ്, കെ.സി. ബിജു, ആലീസ് തോമസ്, ശശികുമാര് ഇടപ്പുഴ, കെ.എസ്. തമ്പി, ധര്മ്മജന്, ടി.കെ. ഉണ്ണികൃഷ്ണന്, ഖാദര് പട്ടേപ്പാടം, രഞ്ജിനി ടീച്ചര്, സുധ ദിലീപ്, രമ രാഘവന് പ്രസന്ന അനില്കുമാര്, ബീന സുധാകരന്, ഫസ്ന റിജാസ്, നിഷ ഷാജി ബ്ലോക്ക് പഞ്ചായത്ത് സെക്രട്ടറി ദിവ്യ കുഞ്ഞുണ്ണി എന്നിവര് അനുമോദനങ്ങള് നേര്ന്നുകൊണ്ട് സംസാരിച്ചു.

കുട്ടംകുളം സമരഭൂമിയില് സ്മാരകം നിര്മ്മിക്കണം: കെ. രാജന് എംഎല്എ
എസ്പിസി വിസ്കിഡ് ചാമ്പ്യന്ഷിപ്പ് 2026; അറിവിന്റെ പോരാട്ടത്തില് മാറ്റുരച്ച് വിദ്യാര്ഥികള്
വീടുകയറി ആക്രമണശ്രമം; ഒമ്പത് ക്രിമിനല് കേസുകളില് പ്രതിയായ സ്റ്റേഷന് റൗഡി അറസ്റ്റില്
ഹാരിഷ് പോള് ജെസിഐ പ്രസിഡന്റ്, പി.ആര്. ഷാജു സെകട്ടറി
പുളിക്കലച്ചിറ പാലത്തിന്റെ കൈവരിയുടെ കാലുകള് വിണ്ടു
ഐടിയു ബാങ്ക്: ഇടപെടല് ശക്തമാക്കി തോമസ് ഉണ്ണിയാടന് എംഎല്എ