കല്ലംകുന്ന് ദേവാലയത്തില്‍ തിരുനാളിന് കൊടിയേറി
കല്ലംകുന്ന്: കല്ലംകുന്ന് ദേവാലയത്തില്‍ ഇടവക മധ്യസ്ഥനായ വിശുദ്ധ സെബാസ്ത്യാനോസിന്റെ തിരുനാളിന് കൊടിയേറി. ഫാ. ജോര്‍ജ് പാറേമന്‍ കൊടിയേറ്റുകര്‍മം നിര്‍വഹിച്ചു. അമ്പ് എഴുന്നള്ളിപ്പ് ദിനമായ 31ന് രാവിലെ 6.30 ന് നടക്കുന്ന ദിവ്യബലിക്ക് ഫാ. പോളി കണ്ണൂക്കാടന്‍ കാര്‍മികത്വം വഹിക്കും. രണ്ടിന് വീടുകളിലേക്ക് അമ്പ് എഴുന്നള്ളിപ്പ്. വൈകീട്ട് എട്ടിന് അമ്പ് പ്രദക്ഷിണം പള്ളിയിലേക്ക് എത്തിച്ചേരും. തുടര്‍ന്ന് കൂടുതുറക്കല്‍, പള്ളിചുറ്റി പ്രദക്ഷിണം, രൂപം എഴുന്നള്ളിച്ചുവക്കല്‍ എന്നിവ ഉണ്ടായിരിക്കും. തിരുനാള്‍ ദിനമായ ജനുവരി ഒന്നിന് പത്തിന് പ്രസുദേന്തി വാഴ്ച്ച തുടര്‍ന്നുള്ള ആഘോഷമായ തിരുനാള്‍ ദിവ്യബലിക്ക് ഫാ. റാഫേല്‍ പഞ്ഞിക്കാരന്‍ മുഖ്യകാര്‍മികത്വം വഹിക്കും. ഫാ. ജോജോ കുറ്റിക്കാടന്‍ വചന സന്ദേശം നല്‍കും. വൈകീട്ട് നാലിന് ആരംഭിക്കുന്ന തിരുനാള്‍ പ്രദക്ഷിണം ഏഴിന് പള്ളിയില്‍ എത്തിച്ചേരും. തുടര്‍ന്ന് തിരുശേഷിപ്പിന്റെ ആശീര്‍വാദവും വര്‍ണമഴയും ഉണ്ടായിരിക്കും. തിരുനാളിന്റെ വിജയത്തിനായി വികാരി ഫാ. ജിജോ മേനോത്ത്, ജനറല്‍ കണ്‍വീനര്‍ പൊഴോലിപറമ്പില്‍ റപ്പായി പോള്‍സണ്‍, കൈക്കാരന്‍മാരായ തെക്കൂടന്‍ ലോന ഡേവീസ്, നെടുംപറമ്പില്‍ റപ്പായി ബെന്നി എന്നിവരുടെ നേതൃത്വത്തില്‍ വിപുലമായ കമ്മിറ്റിയാണ് പ്രവര്‍ത്തിക്കുന്നത്.
About Author
ടൗണ്‍ അമ്പ് ഫെസ്റ്റ് 2025 സ്വാഗത സംഘം ഓഫീസ് ഉദ്ഘാടനം ചെയ്തു 
ക്രൈസ്റ്റ് ആശ്രമ ദേവാലയത്തില്‍ ക്രിസ്തുരാജന്റെ തിരുനാളിന് കൊടിയേറി 
മുനമ്പം ജനതയുടെ റവന്യൂ അവകാശങ്ങള്‍ പുന:സ്ഥാപിക്കും വരെ സമരം തുടരും സി.എല്‍.സി. 
ഇരിങ്ങാലക്കുട രൂപത കെസിവൈഎമ്മിന്റെ നേതൃത്വത്തില്‍ വനിത സംഗമം നടന്നു 
തുറവന്‍കുന്ന് സെന്റ് ജോസഫ് ഇടവക കത്തോലിക്ക കോണ്‍ഗ്രസിന്റെയും മാതൃ സംഘത്തിന്റെയും നേതൃത്വത്തില്‍ അമ്മക്കൊരു പൂചെണ്ട് 
മുനമ്പം തീരദേശവാസികളുടെ റവന്യു അവകാശങ്ങള്‍ പുനസ്ഥാപിക്കണം, മുഖ്യമന്ത്രിക്ക് ഒരു ലക്ഷം പേര്‍ ഒപ്പിട്ട ഭീമഹര്‍ജിയുമായി സിഎല്‍സി 
