ലൈഫില് മുരിയാട് പഞ്ചായത്തിന് ഒന്നര കോടിയുടെ പദ്ധതി; 65 വീടുകളുടെ നിര്മ്മാണം ഉടന് ആരംഭിക്കും
ഇരിങ്ങാലക്കുട: മുരിയാട് പഞ്ചായത്തില് ലൈഫ് പദ്ധതി പ്രകാരം സംസ്ഥാന സര്ക്കാര്, ജില്ല, ബ്ലോക്ക് പഞ്ചായത്ത് എന്നിവയുടെ സഹകരത്തോടെ ഒന്നര കോടി രൂപയുടെ പദ്ധതിയാണ് നടപ്പിലാക്കുന്നത്. നിര്മ്മാണം പുരോഗമിക്കുന്ന വീടുകള് പൂര്ത്തീകരിക്കുന്നതോടൊപ്പം പുതിയതായി ഏകദേശം 65 വീടുകള് ക്ക് കൂടി പദ്ധതിയുടെ ആനുകൂല്യം ഈ വര്ഷം ലഭിക്കും. സര്ക്കാര് നിര്ദ്ദേശത്തിന്റെ അടിസ്ഥാനത്തില് മുന് ലിസ്റ്റ് പൂര്ത്തീകരിക്കുകയും പുതിയ ലിസ്റ്റില് പെട്ട അതി ദരിദ്ര വിഭാഗത്തില്പ്പെട്ടവര്ക്കും എസ്സിഎസ്ടി വിഭാഗത്തില് പെട്ടവര്ക്കും മുന്ഗണന കൊടുത്തു കൊണ്ടാണ് പദ്ധതി നടപ്പിലാക്കുക. ഇത് സംബന്ധിച്ച് ചേര്ന്ന ഗുണഭോക്തൃ സംഗമം പഞ്ചായത്ത് ഹാളില് പ്രസിഡന്റ് ജോസ് ജെ. ചിറ്റിലപ്പിള്ളി ഉദ്ഘാടനം ചെയ്തു. വൈസ് പ്രസിഡന്റ് സരിതാ സുരേഷ് അധ്യക്ഷത വഹിച്ചു. സ്റ്റാന്ഡിംഗ് കമ്മറ്റി ചെയര്മാന്മാരായ കെ.പി. പ്രശാന്ത്, കെ.യു. വിജയന്, രതി ഗോപി, പഞ്ചായത്തംഗങ്ങളായ തോമാസ് തൊകലത്ത്, എ.എസ്. സുനില്കുമാര്, നിജി വത്സന്, ശ്രീജിത്ത് പട്ടത്ത്, നിഖിതാ അനൂപ്, സേവ്യര് ആളൂക്കാരന്, മണി സജയന്, സെക്രട്ടറി റെജി പോള്, എ.എസ്. പുഷ്പലത, വിഇഒമാരായ തനൂജ, സിനി എന്നിവരും പങ്കെടുത്തു. സമയബന്ധിതമായി നിര്മ്മാണം പൂര്ത്തീകരിക്കാനുള കര്മ്മപദ്ധതിക്ക് യോഗം രൂപം നല്കി.

മുരിയാട് പഞ്ചായത്ത് കൃഷിഭവന്റെ നേതൃത്വത്തില് പാഠം ഒന്ന് പാടത്തേയ്ക്ക് ഞാറ് നടീല് ഉത്സവം സംഘടിപ്പിച്ചു
മുരിയാട് പഞ്ചായത്ത് കേരളോത്സവം സമാപിച്ചു
മാലിന്യക്കൂമ്പാരത്തില്നിന്ന് കിട്ടിയ സ്വര്ണലോക്കറ്റ് ഉടമയ്ക്ക് തിരികെ നല്കി; സത്യസന്ധതയുടെ തിളക്കമായി ഹരിതകര്മസേനാംഗം
മുരിയാട് പഞ്ചായത്ത് പൊതുജലാശയങ്ങളില് മത്സ്യകുഞ്ഞുങ്ങളെ നിക്ഷേപിക്കുന്ന പദ്ധതി ഉദ്ഘാടനം ചെയ്തു
ഫെഡറല് ബാങ്കിന്റെ സിഎസ്ആര് ഫണ്ട് വഴി കാറളം പഞ്ചായത്തിന് അനുവദിച്ച വാഹനത്തിന്റെ ഉദ്ഘാടനം നിര്വഹിച്ചു
മുരിയാട് പഞ്ചായത്ത് ഭരണസമിതി നെല്കൃഷിയിലേക്ക്