ആസ്പയര് 2023 മെഗാ തൊഴില്മേള 27ന്; 24 വരെ രജിസ്റ്റര് ചെയ്യാം
ഇരിങ്ങാലക്കുട: അസാപ് കേരളയുടെ ആസ്പയര് 2023 മെഗാ തൊഴില്മേള 27ന് ഇരിങ്ങാലക്കുട ക്രൈസ്റ്റ് കോളേജില് നടക്കുമെന്ന് മന്ത്രി ആര്. ബിന്ദു അറിയിച്ചു. ബഹുരാഷ്ട്ര കമ്പനികള് ഉള്പ്പെടെ പതിനഞ്ചോളം സ്ഥാപനങ്ങള് മേളയില് പങ്കെടുക്കും. ഐ.ടി., കൊമേഴ്സ്, ബാങ്കിങ് ആന്ഡ് ഫിനാന്സ്, ഇലക്ട്രിക്കല്, സിവില്, ഓട്ടോമോട്ടീവ് തുടങ്ങിയ വിവിധ തൊഴില്മേഖലകളില് എസ് എസ് എല് സി. മുതല് പ്ലസ്ടു, ഐ ടി ഐ., ഡിപ്ലോമ, ബിരുദ, ബിരുദാനന്തര യോഗ്യതയുള്ളവര്ക്ക് തൊഴില് കണ്ടെത്താനുള്ള അവസരമാണ് ഒരുക്കുന്നതെന്ന് മന്ത്രി ആര്. ബിന്ദു പറഞ്ഞു.
മേളയില് പങ്കെടുക്കാന് താത്പര്യമുള്ളവര് അസാപ് കേരളയുടെ വെബ്സൈറ്റില്നിന്ന് രജിസ്ട്രേഷന് ഫോം ഓണ്ലൈന് ആയി പൂരിപ്പിച്ച് സമര്പ്പിക്കണം. സമീപജില്ലകളിലെ ഉദ്യോഗാര്ഥികള്ക്കും പങ്കെടുക്കാം. പ്രായപരിധിയില്ല. നേരത്തെയുണ്ടായിരുന്ന ജോലി നഷ്ടപ്പെട്ട സ്ത്രീകള്ക്കും പങ്കെടുക്കാം. ഇരുപത്തിനാലാണ് രജിസ്ട്രേഷനുള്ള അവസാന തീയതി. രാവിലെ ഒമ്പതുമുതല് സ്പോട്ട് രജിസ്ട്രേഷനുണ്ട്. 10.30നാണ് ഉദ്ഘാടനച്ചടങ്ങ്. ക്രൈസ്റ്റ് കോളേജ് മാനേജര് ഫാ. ജോയ് പീനിക്കപ്പറമ്പില്, പ്രിന്സിപ്പല് ഫാ. ജോളി ആന്ഡ്രൂസ് അസാപ് പ്ലേസ്മെന്റ് മേധാവി ലൈജു പി. നായര്, എന്നിവരും പത്രസമ്മേളനത്തില് പങ്കെടുത്തു.

സെന്റ് ജോസഫ്സ് കോളജില് കലാരവം 2026നു തിരിതെളിഞ്ഞു
സെന്റ് ജോസഫ്സില് പൊയറ്റ്സ് ഡേ 2026 സംഘടിപ്പിച്ചു
ഡോ.കെ.ജെ. വര്ഗീസിന് ഫിലിപ്പൈന് യൂണിവേഴ്സിറ്റികള് സന്ദര്ശിക്കാന് ക്ഷണം
ഉപജില്ല കലോത്സവത്തില് എല്പി വിഭാഗത്തില് ഓവറോള് രണ്ടാം സ്ഥാനം നേടി അവിട്ടത്തൂര് ഹോളി ഫാമിലി എല്പി സ്കൂൾ
സെന്റ് ആന്റണീസ് ഹയര്സെക്കന്ഡറി സ്കൂളില് സ്മാര്ട്ട് ക്ലാസുകളുടെ ഉദ്ഘാടനം നടത്തി
മുകുന്ദപുരം പബ്ലിക് സ്കൂളില് എഎസ്ഐഎസ്സി സോണ് ഇ റീജിയന് കള്ച്ചറല് ഫെസ്റ്റ് ഇതിഹയ്ക്ക് ഉജ്ജ്വല തുടക്കം