കൂടല്മാണിക്യം കുലീപിനി തീര്ഥക്കുളത്തില് ആറാടി പൊഞ്ഞനം ഭഗവതി
കൂടല്മാണിക്യം കുലീപിനി തീര്ഥക്കുളത്തില് തന്ത്രി മണക്കാട്ട് പരമേശ്വരന് നമ്പൂതിരിപ്പാടിന്റെ മുഖ്യകാര്മികത്വത്തില് നടന്ന പൊഞ്ഞനം ഭഗവതിയുടെ ആറാട്ട്
ഇരിങ്ങാലക്കുട: കൂടല്മാണിക്യം കുലീപിനി തീര്ഥക്കുളത്തില് പൊഞ്ഞനം ഭഗവതിയുടെ ആറാട്ട് നടന്നു. കുലീപിനി തീര്ഥക്കുളത്തില് ആറാട്ട് നടത്താനുള്ള ഏക അവകാശിയാണ് പൊഞ്ഞനം ഭഗവതി. സംഗമേശന്റെ സഹോദരിയാണ് പൊഞ്ഞനത്തമ്മയെന്നാണ് വിശ്വാസം. രാവിലെ നടന്ന ചടങ്ങില് ക്ഷേത്രംതന്ത്രി മണക്കാട്ട് പരമേശ്വരന് നമ്പൂതിരിപ്പാട് മുഖ്യകാര്മികത്വം വഹിച്ചു. തുടര്ന്ന് മേളത്തോടുകൂടിയ പ്രദക്ഷിണം, തിരിച്ചെഴുന്നള്ളിപ്പ് എന്നിവ നടന്നു. കിഴക്കേടത്ത് മന ശ്രീപാര്വതി തിടമ്പേറ്റി. ജിമേഷ് കാരേക്കാടിന്റെ നേതൃത്വത്തില് മേളം നടന്നു. കൊച്ചിന് ദേവസ്വം ബോര്ഡ് അംഗം എം.ബി. മുരളീധരന്, ഡെപ്യൂട്ടി കമ്മിഷണര് സുനില് കര്ത്ത, അസിസ്റ്റന്റ് കമ്മിഷണര് മിനി, ഓഫീസര് ടി. സുരേഷ് കുമാര്, ക്ഷേത്രം സെക്രട്ടറി കെ. സതീഷ്, കൂടല്മാണിക്യം മുന് ചെയര്മാന് യു. പ്രദീപ് മേനോന്, ഭരണസമിതി അംഗം അഡ്വ. കെ.ജി. അനില്കുമാര് എന്നിവര് ചടങ്ങില് പങ്കെടുത്തു. 25നാണ് പൂരം.


കാലിക്കട്ട് സര്വകലാശാല എന്എസ്എസ് അവാര്ഡില് ക്രൈസ്റ്റ് കോളജിന് അഭിമാന നേട്ടം
സെന്റ് ജോസഫ്സ് കോളജ് യൂണിയന് പ്രൗഢഗംഭീര തുടക്കം
സെന്റ് ജോസഫ്സ് കോളജില് കലാരവം 2026നു തിരിതെളിഞ്ഞു
ഇന്ദിരാഗാന്ധിജിയുടെ ജന്മദിനത്തിനോടനുബന്ധിച്ച് പുഷ്പാര്ച്ചനയും അനുസ്മരണ സമ്മേളനവും സംഘടിപ്പിച്ചു
പുരുഷദിനത്തില് ജീവനക്കാരെ ആദരിച്ച് ക്രൈസ്റ്റ് കോളജ് എന്എസ്എസ് വിദ്യാര്ഥികള്
കെസിബിസി മദ്യലഹരി വിരുദ്ധ സമിതി ബോധവല്ക്കരണ ക്ലാസ് നടത്തി