കെഎല്ഡിസി കനാല് കരകവിഞ്ഞു; കൃഷിയെ ബാധിക്കുമെന്ന് കര്ഷകര്
കെഎല്ഡിസി കനാലിനു സമീപമുള്ള പൊഞ്ഞനം ലിഫ്റ്റ് ഇറിഗേഷന് കിണര് കരകവിഞ്ഞ് സമീപത്തെ പാടശേഖരത്തിലേക്ക് വെള്ളം ഒഴുകുന്നു
കാറളം: കെഎല്ഡിസി കനാല് കരകവിഞ്ഞ് സമീപത്തെ പാടശേഖരങ്ങളില് വെള്ളം കയറുന്നത് കൃഷിയെ ബാധിക്കുമെന്ന് കര്ഷകര്. കാറളം ചെമ്മണ്ട കായല് കടുംകൃഷി കര്ഷക സഹകരണസംഘത്തിന്റെ കീഴിലുള്ള താണിശേരി പാവടി പാടശേഖരത്തിലേക്കാണ് കനാലിന്റെ ബണ്ട് കരകവിഞ്ഞ് ഒഴുകുന്നത്. കഴിഞ്ഞ ദിവസം ഉച്ചതിരിഞ്ഞ് മഞ്ഞാംകുഴി വഴി അധികമായി എത്തിയ വെള്ളമാണ് പൊഞ്ഞനം ലിഫ്റ്റ് ഇറിഗേഷന് കിണര് കവിഞ്ഞ് പാടശേഖരങ്ങളിലേക്ക് ഒഴുകുന്നത്. നെല്ല് കതിരിട്ട സമയത്ത് ഇത്തരത്തില് വെള്ളം കയറിവരുന്നത് കൃഷിയെ സാരമായി ബാധിക്കുമെന്ന് സംഘം പ്രസിഡന്റ് കെ.കെ. ഷൈജു പറഞ്ഞു. പാടശേഖരത്തില്നിന്ന് വെള്ളം ഒഴുകിപ്പോകാത്ത അവസ്ഥയിലാണ്. ഷട്ടര് തുറക്കുന്ന കാര്യം കര്ഷകരെ അറിയിക്കാതെ ഇറിഗേഷന് അനാസ്ഥ കാണിക്കുകയാണ്. കൂത്തുമാക്കലോ കൊറ്റംകോടോ ഷട്ടറുകള് തുറന്ന് അധികജലം ഒഴുക്കിക്കളയാന് അടിയന്തരമായി ഇടപെടണമെന്നും കര്ഷകര്ക്ക് നഷ്ടപരിഹാരം നല്കണമെന്നും ഷൈജു ആവശ്യപ്പെട്ടു.
About Author
ഇരിങ്ങാലക്കുട സബ് ജില്ലാ ബാസ്കറ്റ്ബോള് ടൂര്ണമെന്റ് നടത്തി 
ക്രൈസ്റ്റ് കോളജും ജിജിബി ബാറ്ററി ഇന്ത്യയും ഗവേഷണത്തിനായി ധാരണാപത്രത്തില് ഒപ്പുവച്ചു 
വെള്ളാനിയില് കുറുക്കന്റെ ആക്രമണത്തില് നാലുപേര്ക്ക് പരിക്ക് 
ഇരിങ്ങാലക്കുട ടൗണ് അര്ബന് സഹകരണ ബാങ്ക്; ഐടിയു ബാങ്ക് ഡെപ്പോസിറ്റേഴ്സ് അസോസിയേഷന് ധര്ണ നടത്തി 
വിടവാങ്ങിയത് രോഗത്തെ ഇച്ഛാശക്തികൊണ്ട് തോല്പ്പിച്ച് മാരകരോഗബാധിതര്ക്ക് പ്രതീക്ഷയും സാന്ത്വനവും പകര്ന്ന പോരാളി; ഫ്രാന്സിസ് അസീസി 
ബിജെപി യുഡിഎഫ് ഡീലിനെതിരെ സിപിഎം പ്രകടനം നടത്തി 
