കളഞ്ഞു പോയ സ്വര്ണ്ണമാല ഉടമയ്ക്ക് തിരിച്ചു നല്കി ഓട്ടോ ഡ്രൈവര് മാതൃകയായി
കളഞ്ഞു പോയ സ്വര്ണ്ണമാല ഉടമയ്ക്ക് തിരിച്ചു നല്കിയ ഓട്ടോ ഡ്രൈവര് രതീഷിനെ ആദരിക്കുന്നു.
ഇരിങ്ങാലക്കുട: മുരിയാട് പഞ്ചായത്ത് ആനന്ദപുരം സാമൂഹിക ആരോഗ്യ കേന്ദ്രത്തിലെ ലാബ് ടെക്നീഷ്യന് ലാവണ്യ ആശുപത്രി ജംഗ്ഷനില് നിന്ന് ബസില് കയറുമ്പോഴാണ് രണ്ട് പവനോളം വരുന്ന താലിമാല താഴെ വീണത്. ലാവണ്യ അതു പക്ഷേ അറിഞ്ഞിരുന്നില്ല. മാല താഴെ വീഴുന്നതു കണ്ട ഓട്ടോ ഡ്രൈവര് രതീഷ് തച്ചനാടന് ഉടന് തന്നെ അതു ആശുപത്രി ഓഫീസില് കൊണ്ടു കൊടുത്തു. പിറ്റേ ദിവസം ആശുപത്രി സൂപ്രണ്ട് ഡോ. കെ.കെ. ശ്രീവത്സന്റെ സാന്നിധ്യത്തില് രതീഷ് മാല ലാവണ്യയ്ക്ക് കൈമാറി. രതീഷിനെ പഞ്ചായത്ത് രണ്ടാം വാര്ഡ് മെമ്പര് നിജി വത്സന്, പഞ്ചായത്ത് ആരോഗ്യ വിദ്യാഭ്യാസ സ്റ്റാന്ഡിംഗ് കമ്മറ്റി ചെയര്മാന് കെ.യു. വിജയന്, ഒന്നാം വാര്ഡ് മെമ്പര് സുനില്കുമാര് എന്നിവര് വസതിയിലെത്തി അനുമോദിച്ചു.

കുട്ടംകുളം സമരഭൂമിയില് സ്മാരകം നിര്മ്മിക്കണം: കെ. രാജന് എംഎല്എ
എസ്പിസി വിസ്കിഡ് ചാമ്പ്യന്ഷിപ്പ് 2026; അറിവിന്റെ പോരാട്ടത്തില് മാറ്റുരച്ച് വിദ്യാര്ഥികള്
വീടുകയറി ആക്രമണശ്രമം; ഒമ്പത് ക്രിമിനല് കേസുകളില് പ്രതിയായ സ്റ്റേഷന് റൗഡി അറസ്റ്റില്
ഹാരിഷ് പോള് ജെസിഐ പ്രസിഡന്റ്, പി.ആര്. ഷാജു സെകട്ടറി
പുളിക്കലച്ചിറ പാലത്തിന്റെ കൈവരിയുടെ കാലുകള് വിണ്ടു
ഐടിയു ബാങ്ക്: ഇടപെടല് ശക്തമാക്കി തോമസ് ഉണ്ണിയാടന് എംഎല്എ