വാതില്മാടത്ത് വെള്ളക്കെട്ട് ഒഴിവാക്കാന് ശ്രമം
മാപ്രാണം വാതില്മാടം പ്രദേശത്ത് അഗ്നിരക്ഷാസേനയുടെ സഹായത്തോടെ പൈപ്പില് അടിഞ്ഞുകൂടിയ മാലിന്യം ഒഴിവാക്കാന് ശ്രമം നടത്തുന്നു
മാപ്രാണം: വാതില്മാടം പ്രദേശത്ത് വെള്ളം കയറിയത് ഒഴിവാക്കാന് ശ്രമം തുടരുന്നു. അഗ്നി രക്ഷാസേനയുടെ സഹായത്തോടെ പൈപ്പില് അടിഞ്ഞുകൂടിയ മാലിന്യം തള്ളിക്കളഞ്ഞ് വൃത്തിയാക്കാനാണ് നഗരസഭയുടെ നീക്കം. പ്രശ്നം പരിഹരിക്കണമെന്നാവശ്യപ്പെട്ട് നഗരസഭയ്ക്ക് പരാതി നല്കിയിട്ടും നടപടിയുണ്ടായില്ലെന്നാരോപിച്ച് സിപിഎം സമരം നടത്തിയിരുന്നു. കൗണ്സിലര് ലേഖയുടെ നേതൃത്വത്തില് റോഡ് മണ്ണുമാന്തി ഉപയോഗിച്ച് കുഴിച്ച് പൈപ്പ് തുറന്ന് അതിലെ മാലിന്യം നീക്കാന് ശ്രമിച്ചെങ്കിലും ഫലപ്രദമല്ലെന്ന് കണ്ട് പ്രവൃത്തി നിര്ത്തിവെച്ചു. തുടര്ന്ന് ചെയര്പേഴ്സണ് മേരിക്കുട്ടി ജോയിയും വാര്ഡ് കൗണ്സിലറും ഇരിങ്ങാലക്കുട അഗ്നി രക്ഷാസേനയുടെ സഹായം അഭ്യര്ഥിച്ചു. വൈകീട്ടോടെ സ്ഥലത്തെത്തിയ സേന പൈപ്പിലെ മാലിന്യങ്ങള് നീക്കാനുള്ള ശ്രമങ്ങള് നടത്തി.


കാലിക്കട്ട് സര്വകലാശാല എന്എസ്എസ് അവാര്ഡില് ക്രൈസ്റ്റ് കോളജിന് അഭിമാന നേട്ടം
കേരളത്തിന്റെ നവോഥാന ചരിത്രത്തില് അര്ഹമായ അംഗീകാരം ലഭിക്കാതെ പോയ മഹദ് വ്യക്തിത്വമാണ് പി.കെ. ചാത്തന് മാസ്റ്റര്, കേന്ദ്ര നിയമപാര്ലമെന്ററികാര്യ മന്ത്രി അര്ജുന് റാം മേഘ്വാള്
കുട്ടംകുളം സമരഭൂമിയില് സ്മാരകം നിര്മ്മിക്കണം: കെ. രാജന് എംഎല്എ
പുളിക്കലച്ചിറ പാലത്തിന്റെ കൈവരിയുടെ കാലുകള് വിണ്ടു
ഐടിയു ബാങ്ക്: ഇടപെടല് ശക്തമാക്കി തോമസ് ഉണ്ണിയാടന് എംഎല്എ
അപ്രോച്ച് റോഡിന്റെ മണ്ണ് കൊണ്ടുപോയതില് പ്രതിഷേധം