പോരൂ, പൊതുമ്പുചിറയോരത്തേക്ക്
പുല്ലൂര് പൊതുമ്പുചിറയോരം.
മുരിയാട് പൊതുമ്പുചിറയോരം ഡെസ്റ്റിനേഷന് ടൂറിസം യാഥാര്ഥ്യമായ്..
പുല്ലൂര്: സംസ്ഥാന ടൂറിസം ഭൂപടത്തിലേക്ക് മുരിയാട് പഞ്ചായത്തിലെ പുല്ലൂര് പൊതുമ്പുചിറയും. ഇരിങ്ങാലക്കുട മണ്ഡലത്തിലെ പ്രഥമ ടൂറിസം പദ്ധതിയാണ് മുരിയാട് പഞ്ചായത്തിന്റെ പുല്ലൂര് പൊതുമ്പുചിറയോരം ടൂറിസം പദ്ധതി. സംസ്ഥാന ടൂറിസം വകുപ്പിന്റെ ഡെസ്റ്റിനേഷന് ടൂറിസം പദ്ധതിയില് ഉള്പ്പെടുത്തി അംഗീകാരം ലഭിച്ച ജില്ലയിലെ രണ്ട് പഞ്ചായത്തുകളിലൊന്നാണ് മുരിയാട്.
ആദ്യ ഘട്ടത്തില് വ്യൂപോയിന്റ് കം ഹാപ്പിനസ് പാര്ക്ക്, ലൈറ്റിംഗ്, കനോപ്പി, ക്യാമറ, ടൈലിംഗ്, ടേക്ക് എ ബ്രേക്ക്, സെല്ഫി പോയിന്റ്, വാക് വേ എന്നിവയും രണ്ടാംഘട്ടത്തില് ഫൗണ്ടന്, ഓപ്പണ് ജിം എന്നിവയും പ്രതീക്ഷിച്ച സമയത്തിനു മുന്പേ പൂര്ത്തിയാക്കിയാണ് സമര്പ്പിച്ചത്.
മൂന്നാംഘട്ടത്തില് ബോട്ടിംഗ്, ചില്ഡ്രന്സ് പാര്ക്ക്, ഐസ്ക്രീം കോര്ണര് എന്നിവ നടപ്പാക്കും. 2022- 23-ല് സാങ്കേതികാനുമതി ലഭിച്ച പദ്ധതിക്ക് 2023- 24 വാര്ഷിക പദ്ധതിയില് ഉള്പ്പെടുത്തിയാണ് തുക അനുവദിച്ചത്. ടൂറിസം വകുപ്പിന്റെ 50 ലക്ഷം, എംഎല്എ ഫണ്ട് 25 ലക്ഷം, പഞ്ചായത്തിന്റെ 21 ലക്ഷം എന്നിങ്ങനെ 96 ലക്ഷം രൂപ ചെലവഴിച്ച് മൂന്നുഘട്ടങ്ങളിലായിട്ടാണ് പദ്ധതി നടപ്പാക്കിയത്.

കുട്ടംകുളം സമരഭൂമിയില് സ്മാരകം നിര്മ്മിക്കണം: കെ. രാജന് എംഎല്എ
എസ്പിസി വിസ്കിഡ് ചാമ്പ്യന്ഷിപ്പ് 2026; അറിവിന്റെ പോരാട്ടത്തില് മാറ്റുരച്ച് വിദ്യാര്ഥികള്
വീടുകയറി ആക്രമണശ്രമം; ഒമ്പത് ക്രിമിനല് കേസുകളില് പ്രതിയായ സ്റ്റേഷന് റൗഡി അറസ്റ്റില്
ഹാരിഷ് പോള് ജെസിഐ പ്രസിഡന്റ്, പി.ആര്. ഷാജു സെകട്ടറി
പുളിക്കലച്ചിറ പാലത്തിന്റെ കൈവരിയുടെ കാലുകള് വിണ്ടു
ഐടിയു ബാങ്ക്: ഇടപെടല് ശക്തമാക്കി തോമസ് ഉണ്ണിയാടന് എംഎല്എ