തന്മുദ്ര യുഡിഐഡി സമ്പൂര്‍ണ്ണ രജിസ്‌ട്രേഷന്‍ ക്യാമ്പയിനിന്റെ സംസ്ഥാനതല ഉദ്ഘാടനം മന്ത്രി ഡോ. ആര്‍. ബിന്ദു നിര്‍വഹിച്ചു
എല്ലാ ഭിന്നശേഷി വ്യക്തികള്‍ക്കും യുഡിഐഡി കാര്‍ഡ് വിതരണം ചെയ്യുന്ന സംസ്ഥാനതല രജിസ്‌ട്രേഷന്‍ ക്യാമ്പയിന്‍ മന്ത്രി ഡോ. ആര്‍. ബിന്ദു ഉദ്ഘാടനം നിര്‍വഹിക്കുന്നു.
ഇരിങ്ങാലക്കുട: എല്ലാ ഭിന്നശേഷി വ്യക്തികള്‍ക്കും യുഡിഐഡി കാര്‍ഡ് വിതരണം ചെയ്യുന്ന രാജ്യത്തെ ആദ്യത്തെ സംസ്ഥാനമായി മാറാനുള്ള ലക്ഷ്യത്തിലാണ് കേരളമെന്ന് ഉന്നത വിദ്യാഭ്യാസ സാമൂഹിക നീതി വകുപ്പ് മന്ത്രി ഡോ. ആര്‍. ബിന്ദു. മാപ്രാണം പി.കെ. ചാത്തന്‍മാസ്റ്റര്‍ മെമ്മോറിയല്‍ ഹാളില്‍ നടന്ന തന്മുദ്ര യുഡിഐഡി സമ്പൂര്‍ണ്ണ രജിസ്‌ട്രേഷന്‍ ക്യാമ്പയിനിന്റെ സംസ്ഥാനതല ഉദ്ഘാടനം നിര്‍വഹിച്ച് സംസാരിക്കുകയായിരുന്നു മന്ത്രി. ആദ്യഘട്ടത്തില്‍ തൃശൂര്‍ ജില്ലയിലും കോട്ടയം ജില്ലയിലുമാണ് പ്രവര്‍ത്തനങ്ങള്‍ ആരംഭിക്കുന്നത്.
ഇന്ത്യയിലെ ഏറ്റവും മികച്ച ഭിന്നശേഷി സൗഹൃദ സംസ്ഥാനമാക്കി കേരളത്തെ മാറ്റുകയെന്ന ലക്ഷ്യത്തോടുകൂടി വൈവിധ്യപൂര്‍ണ്ണമായ പദ്ധതികളും പരിപാടികളും ആവിഷ്‌കരിച്ച് ഭിന്നശേഷി ശാക്തീകരണത്തിന്റെയും പുനരധിവാസത്തിന്റെയും മേഖലയില്‍ പുതിയ മാതൃകകള്‍ സൃഷ്ടിച്ചുകൊണ്ടാണ് സാമൂഹ്യ നീതി വകുപ്പ് മുന്നോട്ടുപോകുന്നതെന്നും മന്ത്രി പറഞ്ഞു. സംസ്ഥാനത്തെ മുഴുവന്‍ ഭിന്നശേഷിക്കാര്‍ക്കും ഏകീകൃത തിരിച്ചറിയല്‍ കാര്‍ഡ് ലഭ്യമാക്കുക എന്നത് വകുപ്പിന്റെ വലിയ ചുമതലയാണ്. സംസ്ഥാനത്തെ മുഴുവന്‍ ഭിന്നശേഷിക്കാര്‍ക്കും യുഡിഐഡി കാര്‍ഡ് രജിസ്റ്റര്‍ ചെയ്യുന്നതിനും മെഡിക്കല്‍ ബോര്‍ഡില്‍ നിന്ന് സര്‍ട്ടിഫിക്കറ്റ് ലഭ്യമാക്കുന്നതിനും സഹായകമാവുകയാണ് തന്മുദ്രയിലൂടെയെന്നും മന്ത്രി ഡോ. ആര്‍. ബിന്ദു കൂട്ടിച്ചേര്‍ത്തു.
ഇതുവരെ യുഡിഐഡി കാര്‍ഡിനായി രജിസ്റ്റര്‍ ചെയ്യാന്‍ കഴിയാത്തവരെ കണ്ടെത്തി യുഡിഐഡി പോര്‍ട്ടലില്‍ രജിസ്റ്റര്‍ ചെയ്യിപ്പിക്കുന്നതിനും ഭിന്നശേഷിക്കാരുടെ വിവരങ്ങള്‍ ശേഖരിക്കുന്നതിനായി കുടുംബശ്രീയുടെ സഹകരണത്തോടെ പുതിയൊരു ഡ്രൈവിനാണ് തുടക്കംകുറിക്കുന്നതെന്നും മന്ത്രി പറഞ്ഞു. ഭിന്നശേഷി വിഭാഗക്കാരെ കണ്ടെത്തി കേരള സാമൂഹ്യ സുരക്ഷ മിഷന്‍ തയ്യാറാക്കിയ തന്മുദ്ര പോര്‍ട്ടലില്‍ രജിസ്റ്റര്‍ ചെയ്യിപ്പിക്കും.ചടങ്ങില്‍ വാര്‍ഡ് കൗണ്‍സിലര്‍ സി.എം. സാനി അധ്യക്ഷത വഹിച്ചു.
കേരള സാമൂഹ്യ സുരക്ഷാ മിഷന്‍ റീജിയണല്‍ ഡയറക്ടര്‍ ഡോ. സൗമ്യ, സാമൂഹ്യനീതി വകുപ്പ് ജില്ലാ ഓഫീസര്‍ കെ.ആര്‍. പ്രദീപന്‍, ഡെപ്യുട്ടി ഡിഎംഒ ഡോ. സുജ്‌ല, കുടുംബശ്രീ ജില്ലാ മിഷന്‍ കോ ഓര്‍ഡിനേറ്റര്‍ കെ. രാധാകൃഷ്ണന്‍, കേരള സാമൂഹ്യ സുരക്ഷാ മിഷന്‍ ജില്ലാ കോ ഓര്‍ഡിേറ്റര്‍ കെ.പി. സജീവ്, വയോമിത്രം സ്റ്റേറ്റ് കോ ഓര്‍ഡിനേറ്റര്‍ റിനീഷ് തിരുവള്ളൂര്‍ എന്നിവര്‍ പങ്കെടുത്തു. യുഡിഐഡി രജിസ്‌ട്രേഷന്‍ ട്രെയിനിങ്ങിന് യുഡിഐഡി സ്റ്റേറ്റ് കോ ഓര്‍ഡിനേറ്റര്‍ സവിത വി. രാജ് നേതൃത്വം നല്‍കി.
About Author
കുവൈറ്റിലെ എണ്ണ കമ്പനിയില്‍ അപകടം; ഇരിങ്ങാലക്കുട സ്വദേശി മരിച്ചു 
കുടുംബശ്രീ എംഇആര്‍സി സെന്റര്‍ മുരിയാട് പ്രവര്‍ത്തനം ആരംഭിച്ചു 
നൃത്തരങ്ങുകളുടെ നിറവില്‍ നവ്യം 2025 അരങ്ങേറി 
റവന്യൂ ജില്ലാ സ്‌കൂള്‍ കലോത്സവ സംഘാടക സമിതി ഓഫീസ് ഉദ്ഘാടനം നടത്തി 
സെന്റ് ജോസഫ്‌സ് കോളജില്‍ കംമ്പ്യൂട്ടേഷനല്‍ ലാബ് ഉദ്ഘാടനം ചെയ്തു 
ശതാഭിഷിക്ത നിറവില്‍ ഡോ. സദനം കൃഷ്ണന്‍കുട്ടി; സ്‌നേഹസദനം സംഘടിപ്പിച്ചു 
