ഉണ്ണികൃഷ്ണന്‍ നമ്പൂതിരി പുരസ്‌കാരം നടന്‍ ഇന്നസെന്റിന്റെ കുടുംബാംഗങ്ങള്‍ക്ക് കൈമാറി
ഇരിങ്ങാലക്കുട: നടന്‍ ഉണ്ണികൃഷ്ണന്‍ നമ്പൂതിരിയുടെ പേരില്‍ ഉണ്ണികൃഷ്ണന്‍ നമ്പൂതിരി സ്മാരക ട്രസ്റ്റ് എര്‍പ്പെടുത്തിയ പുരസ്‌കാരം അന്തരിച്ച നടന്‍ ഇന്നസെന്റിന്റെ കുടുംബാംഗങ്ങള്‍ എറ്റ് വാങ്ങി. ചലച്ചിത്ര മേഖലയിലെ സമഗ്ര സംഭാവന പരിഗണിച്ചാണ് ഇന്നസെന്റിനെ തിരഞ്ഞെടുത്തത്. ജനുവരി 20 ന് ഉണ്ണികൃഷ്ണന്‍ നമ്പൂതിരിയുടെ രണ്ടാം ചരമവാര്‍ഷിക ദിനത്തില്‍ പുരസ്‌കാരം നല്‍കാന്‍ തീരുമാനിച്ചിരുന്നുവെങ്കിലും ചികില്‍സയിലായതിനെ തുടര്‍ന്ന് പയ്യന്നൂരില്‍ നടന്ന ചടങ്ങില്‍ പങ്കെടുക്കാന്‍ അദ്ദേഹത്തിന് കഴിഞ്ഞിരുന്നില്ല. ഇന്നസെന്റിന്റെ വസതിയില്‍ നടന്ന ചടങ്ങില്‍ നിയമകാര്യ വകുപ്പ് മന്ത്രി പി രാജീവില്‍ നിന്ന് ഇന്നസെന്റിന്റെ ഭാര്യ ആലീസും മകന്‍ സോണറ്റും ചേര്‍ന്ന് പുരസ്‌കാരം എറ്റ് വാങ്ങി. സിപിഎം ജില്ലാ സെക്രട്ടറി എം എം വര്‍ഗ്ഗീസ് അധ്യക്ഷനായിരുന്നു. ഉന്നത വിദ്യാഭ്യാസ വകുപ്പ് മന്ത്രി ഡോ ആര്‍ ബിന്ദു അനുസ്മരണ പ്രഭാഷണം നടത്തി. കൈതപ്രം നാരായണന്‍ നമ്പൂതിരി, ഉണ്ണികൃഷ്ണന്‍ നമ്പൂതിരിയുടെ മകനും ഹൈക്കോടതി ജഡ്ജിയുമായ പി വി കുഞ്ഞികൃഷ്ണന്‍, യു പി ജോസഫ്, ജോസ് ജെ ചിറ്റിലപ്പിള്ളി, വി എ മനോജ്കുമാര്‍, ടി വി രാജേഷ് തുടങ്ങിയവര്‍ പങ്കെടുത്തു.
About Author
കരൂപ്പടന്ന എന്‍എസ്എസ് വളണ്ടിയര്‍മാര്‍ പല്ലൊട്ടി സിനിമയുടെ അണിയറ പ്രവര്‍ത്തകരുമായി സംവദിച്ചു 
വാര്‍ഡ് വിഭജനം; കരട് വിജ്ഞാപനമായി; ഇരിങ്ങാലക്കുട നഗരസഭയില്‍ ഇനി 43 വാര്‍ഡുകള്‍ 
കരുതിയിരിക്കുക, ഓണ്‍ലൈന്‍ തട്ടിപ്പുകളില്‍ വീഴരുതേ……ആദ്യം ഫോണ്‍ വിളി, താങ്ങളുടെ പേരില്‍ ക്രൈം കേസുകളുണ്ടെന്നു മുന്നറിയിപ്പ് 
മുനമ്പം ജനതയുടെ റവന്യൂ അവകാശങ്ങള്‍ പുന:സ്ഥാപിക്കും വരെ സമരം തുടരും സി.എല്‍.സി. 
മണ്ണിനടിയിലെ മൃതദേഹങ്ങള്‍ മണത്തറിയും; നായപരിശീലകര്‍ക്ക് പരിശീലനവുമായി കെ. നയന്‍ സ്‌ക്വാഡ് 
ഞാറ്ററിവിന്റെ പാഠങ്ങള്‍തേടി ഗവ. ഗേള്‍സ് ഹയര്‍ സെക്കന്‍ഡറി സ്‌ക്കൂളിലെ എന്‍എസ്എസ് വിദ്യാര്‍ഥികള്‍ 
