ധനകാര്യ സ്ഥാപനത്തില് മുക്കുപണ്ടം പണയപ്പെടുത്തി പണം തട്ടിയെടുക്കാന് ശ്രമിച്ച യുവാവ് അറസ്റ്റില്
ഇരിങ്ങാലക്കുട: മാപ്രാണം ജംഗ്ഷനിലെ ധനകാര്യ സ്ഥാപനത്തില് 13 പവനോളം വരുന്ന 12 മുക്കുപണ്ട വളകള് പണയപ്പെടുത്തി നാലര ലക്ഷം രൂപ തട്ടിയെടുക്കാന് ശ്രമിച്ച പുത്തൂര് പൊന്നൂക്കര ലക്ഷം വീട് കോളനിയില് വിജേഷ് (30)എന്നയാളെ അറസ്റ്റു ചെയ്തു. ഇരിങ്ങാലക്കുട ഡിവൈഎസ്പി യുടെ ചുമതലയുള്ള ഡിവൈഎസ് പി സി ആര് സന്തോഷിന്റെ നിര്ദ്ദേശപ്രകാരം ഇരിങ്ങാലക്കുട സി ഐ അനിഷ് കരീം, എസ് ഐ എം എസ് ഷാജന് എന്നിവരുടെ നേത്യത്വത്തിലാണഅ അറസ്റ്റ് ചെയ്തത്. ഒറിജിനല് സ്വര്ണ്ണത്തെ വെല്ലുന്ന വളകളില് ഹാള്മാര്ക്ക് ചിഹ്നം രേഖപ്പെടുത്തിയിട്ടുണ്ട്. ജില്ലയില് പല ധനകാര്യ സ്ഥാപനങ്ങളിലും സമാനമായ തട്ടിപ്പുകള് നടത്തി ലക്ഷങ്ങള് തട്ടിയെടുത്തതായി പോലീസ് അന്വേഷണത്തില് വ്യക്തമായിട്ടുണ്ട്. ഇത്തരം വ്യാജ ആഭരണങ്ങള് നിര്മ്മിച്ച് നല്കുന്ന വന് മാഫിയ സംഘത്തെ പറ്റി വിവരം ലഭിച്ചതനസരിച്ച് ജില്ലാ പോലീസ് മേധാവി ഐശ്വര്യ ഡോംഗ്രേ ഐപിഎസിന്റെ നിര്ദ്ദേശപ്രകാരം പ്രത്യേക പോലീസ് സംഘം രൂപീകരിച്ച് അന്വേഷണം ആരംഭിച്ചിട്ടുണ്ട്. പ്രതിയെ പിടി കൂടിയ സംഘത്തില് ഉദ്യോഗസ്ഥരായ എന് കെ അനില് കുമാര്, ഉല്ലാസ് പൂതോട്ട് , രഞ്ജിത്ത്,വിപിന് ഗോപി , രാകേഷ് എന്നിവരും ഉണ്ടായിരുന്നു.

എസ്പിസി വിസ്കിഡ് ചാമ്പ്യന്ഷിപ്പ് 2026; അറിവിന്റെ പോരാട്ടത്തില് മാറ്റുരച്ച് വിദ്യാര്ഥികള്
ഹാരിഷ് പോള് ജെസിഐ പ്രസിഡന്റ്, പി.ആര്. ഷാജു സെകട്ടറി
വിജയത്തിന്റെ തിളക്കത്തില് സെന്റ് ആന്സ് വീണ്ടും അഭിമാനത്തിന്റെ നെറുകയിലേക്ക്
ആള്ക്കൂട്ട അരാജകത്വത്തിനെതിരെ ഇരിങ്ങാലക്കുടയില് ബിജെപി തെരുവ് ജനസഭ സംഘടിപ്പിച്ചു
ഡോ.കെ.ജെ. വര്ഗീസിന് ഫിലിപ്പൈന് യൂണിവേഴ്സിറ്റികള് സന്ദര്ശിക്കാന് ക്ഷണം
ക്രൈസ്റ്റ് വിദ്യാനികേതന് സ്കൂള് രജത ജൂബിലി ആഘോഷം; വിളംബര ഘോഷയാത്ര നടത്തി