ആരോഗ്യമന്ത്രി വീണാ ജോര്‍ജ് ഇരിങ്ങാലക്കുട ജനറല്‍ ആശുപത്രിയിലെത്തി പ്രവര്‍ത്തനങ്ങള്‍ വിലയിരുത്തി
നിര്‍ദേശങ്ങളുമായി ജനപ്രതിനിധികളും രോഗികളും
ഇരിങ്ങാലക്കുട: ആരോഗ്യമന്ത്രി വീണാ ജോര്‍ജ് പ്രവര്‍ത്തനങ്ങള്‍ വിലയിരുത്തുന്നതിന്റെ ഭാഗമായി ജനറല്‍ ആശുപത്രിയിലെത്തി. ആശുപത്രി വികസനവുമായി ബന്ധപ്പെട്ട നിര്‍ദേശങ്ങള്‍ ജനപ്രതിനിധികളും രോഗികളും മന്ത്രിയുടെ ശ്രദ്ധയില്‍പെടുത്തി. ആശുപത്രിയില്‍ അത്യാവശ്യമായി ഒരു ഫോറന്‍സിക് സര്‍ജനേയും, അതിന്റെ അനുബന്ധ തസ്തികകളും അനുവദിക്കണമെന്നും നിലവിലെ പഴയ കെട്ടിടങ്ങള്‍ പൊളിച്ച് പുതിയ കെട്ടിടങ്ങള്‍ നിര്‍മ്മിച്ച് രോഗികള്‍ക്കുള്ള സൗകര്യങ്ങള്‍ വിപുലീകരിക്കണമെന്നും നഗരസഭ ചെയര്‍പേഴ്‌സണ്‍ സുജ സഞ്ജീവ്കുമാര്‍ മന്ത്രിയോട് ആവശ്യപ്പെട്ടു.
ജനറല്‍ ആശുപത്രിയെന്ന നിലയില്‍ ഇക്കാര്യങ്ങള്‍ അനുഭാവപൂര്‍വ്വം പരിഗണിക്കാമെന്നു മന്ത്രി ഉറപ്പു നല്‍കി. ഒപി കെട്ടിടത്തിന്റെ നിര്‍മാണ പുരോഗതി വിലയിരുത്തി. ഏഴു നിലകളിലായുള്ള ഈ കെട്ടിയത്തിന്റെ പണി 2024 ജൂണില്‍ പൂര്‍ത്തിയാകുമെന്ന് ആശുപത്രി സൂപ്രണ്ട് ഡോ ശിവദാസ് മന്ത്രിയെ ധരിപ്പിച്ചു. ഒരു മാസമായി നിര്‍ത്തിവച്ചിരിക്കുന്ന ഡയാലിസിസ് സെന്ററിന്റെ പണി പുരാരംഭിക്കുന്നതിനുള്ള തുക അനുവദിക്കണമെന്ന് സൂപ്രണ്ട് മന്ത്രിയോട് ആവശ്യപ്പട്ടു. ഗര്‍ഭിണികളായ സ്ത്രീകളോടൊപ്പം വരുന്ന പുരുഷന്മാര്‍ക്കു വേണ്ടി ഒരു കൂട്ടിരിപ്പു കേന്ദ്രം സ്ഥാപിക്കുക, പുതിയ ബ്ലോക്കിനു സമീപമുള്ള കെട്ടിടാവശിഷ്ടങ്ങള്‍ നീക്കി രോഗികള്‍ക്കും മറ്റുള്ളവര്‍ക്കും സഗമമായി നടന്നു പോകുന്നതിനുള്ള സൗകര്യങ്ങള്‍ ഒരുക്കുക, സ്‌കാനിങ്ങ് തുടങ്ങിയ അത്യാധുനീക സംവിധാനങ്ങള്‍ ആരംഭിക്കുന്നതിനുള്ള നടപടി സ്വീകരിക്കുക തുടങ്ങിയ നിര്‍ദ്ദേശങ്ങളാണ് രോഗികള്‍ മന്ത്രിയോട് പറഞ്ഞത്.
നഗരസഭാ ചെയര്‍പേഴ്‌സണ്‍ സുജ സഞ്ജീവ്കുമാര്‍, വൈസ് ചെയര്‍മാന്‍ ടി.വി ചാര്‍ലി, പ്രതിപക്ഷ നേതാവ് കെ.ആര്‍ വിജയ, കൗണ്‍സിലര്‍മാര്‍മാരായ ജെയ്‌സണ്‍ പാറേക്കാടന്‍, പി.ടി ജോര്‍ജ്, അംബിക പള്ളിപ്പുറത്ത്, കെ.ആര്‍ ലേഖ, സി.എം സാനി, ആശുപത്രി വികസന സമിതി അംഗങ്ങളായ അഡ്വ. വി.സി വര്‍ഗീസ്, മാഗി വിന്‍സന്റ്, ആശുപത്രി സൂപ്രണ്ട് ഡോ ശിവദാസ് എന്നിവരും മന്ത്രിയോടൊപ്പം ഉണ്ടായിരുന്നു.
About Author
നവജാതശിശു സംരക്ഷണ വാരാചരണത്തിന് തുടക്കമായി 
മുനമ്പം ജനതയുടെ റവന്യൂ അവകാശങ്ങള്‍ പുന:സ്ഥാപിക്കും വരെ സമരം തുടരും സി.എല്‍.സി. 
മണ്ണിനടിയിലെ മൃതദേഹങ്ങള്‍ മണത്തറിയും; നായപരിശീലകര്‍ക്ക് പരിശീലനവുമായി കെ. നയന്‍ സ്‌ക്വാഡ് 
ഞാറ്ററിവിന്റെ പാഠങ്ങള്‍തേടി ഗവ. ഗേള്‍സ് ഹയര്‍ സെക്കന്‍ഡറി സ്‌ക്കൂളിലെ എന്‍എസ്എസ് വിദ്യാര്‍ഥികള്‍ 
ദേശീയ പല്ലാവൂര്‍ താള വാദ്യോത്സവത്തിന്റെ ഭാഗമായി നല്‍കുന്ന പുരസ്‌കാരങ്ങള്‍ പ്രഖ്യാപിച്ചു 
കാട്ടൂര്‍ ലയണ്‍സ് ക്ലബ് സൗജന്യ മെഗാ മെഡിക്കല്‍ ക്യാമ്പ് സംഘടിപ്പിച്ചു 
