പുല്ലൂര്‍ ലിഫ്റ്റ് ഇറിഗേഷന്‍ നിര്‍മ്മാണം ആരംഭിച്ചു
പുല്ലൂര്‍ പൊതുമ്പുചിറ ലിഫ്റ്റ് ഇറിഗേഷന്‍പദ്ധതിയുടെ ആദ്യഘട്ട നിര്‍മ്മാണ പ്രവര്‍ത്തനങ്ങള്‍ക്കായി പൈപ്പ് കൈമാറികൊണ്ട് ബ്ലോക്ക് പഞ്ചായത്ത് പ്രസിഡന്റ് ലളിത ബാലനും പഞ്ചയാത്ത് പ്രസിഡന്റ് ജോസ് ജെ ചിറ്റിലപ്പിള്ളിയും നിര്‍മ്മാണ ഉദ്ഘാടനം നിര്വ്വഹിക്കുന്നു.
പുല്ലൂര്‍: പുല്ലൂര്‍ പൊതുമ്പുചിറ ലിഫ്റ്റ് ഇറിഗേഷന്‍പദ്ധതിയുടെ നിര്‍മ്മാണ പ്രവര്‍ത്തനങ്ങള്‍ ആരംഭിച്ചു. മുരിയാട് കായലില്‍ നിന്നും മൂരിക്കോള്‍ വഴി പുല്ലൂര്‍ പൊതുമ്പുചിറയിലേക്ക് നേരിട്ട് വെള്ളം എത്തിക്കുക വഴി പൊതുമ്പ്ചിറയുടെ ജല വിതാനം നിലനിര്‍ത്തുകയാണ് പദ്ധതിയുടെ ലക്ഷ്യം. പദ്ധതി പൂര്‍ത്തിയാകുന്നതോടെ പുല്ലൂര്‍ പ്രദേശത്തും ഊരകം ദേശത്തും ശുദ്ധജലത്തിനും കൃഷിക്കും ഉപകാരപ്രദമാകുന്ന തരത്തില്‍ ഗ്രൗണ്ട് വാട്ടര്‍ നിലവാരം ഉയര്‍ത്താന്‍ കഴിയുമെന്നാണ് പ്രതീക്ഷിക്കുന്നത്. മൂന്ന് ഘട്ടമായാണ് പദ്ധതി പൂര്‍ത്തീകരിക്കുക. ആദ്യഘട്ട നിര്‍മ്മാണ പ്രവര്‍ത്തനങ്ങള്‍ക്കായി പൈപ്പ് കൈമാറികൊണ്ട് ബ്ലോക്ക് പഞ്ചായത്ത് പ്രസിഡന്റ് ലളിത ബാലനും പഞ്ചയാത്ത് പ്രസിഡന്റ് ജോസ് ജെ ചിറ്റിലപ്പിള്ളിയും നിര്‍മ്മാണ ഉദ്ഘാടനം നിര്‍വ്വഹിച്ചു. പഞ്ചായത്ത് അംഗം നിഖിത അനൂപ് അധ്യക്ഷത വഹിച്ചു. ക്രൈസ്റ്റ് കോളേജ് മുന്‍ പ്രിന്‍സിപ്പാള്‍ ഫാ. ജോസ് ചുങ്കന്‍, പഞ്ചായത്ത് വൈസ് പ്രസിഡന്റ് രതി ഗോപി, ബ്ലോക്ക് പഞ്ചായത്ത് അംഗം മിനി വരിക്കശ്ശേരി, സെന്റ് സേവിയേഴ്‌സ് ഐടിസി പ്രിന്‍സിപ്പാള്‍ ഫാ.യേശുദാസ് കൊടകരക്കാരന്‍, ആരോഗ്യ വിദ്യാഭ്യാസ സ്റ്റാന്റിംഗ് കമ്മിറ്റി ചെയര്‍മാന്‍ കെ യു വിജയന്‍, പാടശേഖര സമിതി ഭാരവാഹികളായ ടി ഡി ആന്റണി, വിത്സണ്‍ ആലപ്പാടന്‍, ചാര്‍ളി കുന്നത്തുപറമ്പില്‍, പഞ്ചായത്ത് അംഗങ്ങളായ എഎസ് സുനില്‍ കുമാര്‍, മനീഷ മനീഷ്, മുന്‍ പഞ്ചായത്ത് വൈസ് പ്രസിഡന്റ് കെ സി ഗംഗാദരന്‍, കൃഷി അസിസ്റ്റന്റ് നിതിന്‍ രാജ് എന്നിവര്‍ സംസാരിച്ചു. പഞ്ചായത്ത് അംഗം മണി സജയന്‍ സ്വാഗതവും, അസിസ്റ്റന്റ് എഞ്ചിനീയര്‍ സിമി സെബാസ്റ്റ്യന്‍ നന്ദിയും പറഞ്ഞു.
About Author
ആനന്ദപുരം ശ്രീകൃഷ്ണ ഹയര്‍സെക്കന്ററി സ്‌കൂളിന്റെ എഴുപത്തിരണ്ടാമത് വാര്‍ഷികാഘോഷം 
മികച്ച വില്ലേജ് ഓഫീസര്‍ക്കുള്ള സംസ്ഥാന സര്‍ക്കാരിന്റെ പുരസ്‌കാരം നേടി കാട്ടൂര്‍ വില്ലേജ് ഓഫീസര്‍ ആഷ ഇഗ്നേഷ്യസ് 
മികച്ച വില്ലേജ് ഓഫീസര്‍ക്കുള്ള സംസ്ഥാന സര്‍ക്കാരിന്റെ പുരസ്‌കാരം നേടി മുരിയാട് വില്ലേജ് ഓഫീസര്‍ സിജു ജോസഫ് 
ക്രൈസ്റ്റ് കോളജിലെ കാര്‍ഷിക ഉദ്യാനത്തിന് അക്ഷയശ്രീ പുരസ്‌കാരം 
കേന്ദ്രബജറ്റ് ജനകീയം; ഇരിങ്ങാലക്കുടയില്‍ പ്രധാനമന്ത്രിക്ക് പോസ്റ്റ് കാര്‍ഡുകള്‍ അയച്ച് ബിജെപി 
ചാലക്കുടി നഗരസഭ ചെയര്‍മാന്‍ ചെയര്‍മാന്‍ ഷിബു വാലപ്പന് വാലപ്പന് ട്രസ്റ്റിന്റെ സ്വീകരണം 
