യുവ സംരംഭകയുടെ ലോഗോ പ്രകാശനം ചെയ്തു കൊണ്ട് കൊമേഴ്സ് അസോസിയേഷന് പ്രവര്ത്തനങ്ങള്ക്ക് തുടക്കമായി
![](https://irinjalakuda.news/wp-content/uploads/2024/07/SJC-COMERA-2K24.jpg)
സെന്റ് ജോസഫ്സ് കോളജിലെ സ്വാശ്രയ വിഭാഗം കൊമേഴ്സ് അസോസിയേഷനായ കൊമേറ 2കെ24 ടിവി അവതാരകനും യുവ സംരംഭകനുമായ ബിനോയ് വര്ഗീസ് ഉദ്ഘാടനം ചെയ്ത് സംസാരിക്കുന്നു.
ഇരിങ്ങാലക്കുട: സെന്റ് ജോസഫ്സ് കോളജിലെ സ്വാശ്രയ വിഭാഗം കൊമേഴ്സ് അസോസിയേഷനായ കൊമേറ 2കെ24 ടിവി അവതാരകനും യുവ സംരംഭകനുമായ ബിനോയ് വര്ഗീസ് ഉദ്ഘാടനം ചെയ്തു. സോഫ്റ്റ് സ്കില് പരിശീലകരായ ാരദ്ധ സ്റ്റാര്ട്ടപ്പിന്റെ നേതൃത്വത്തില് യുവ സംരംഭകയായ രണ്ടാം വര്ഷ ബികോം വിദ്യാര്ഥിനി സഹല ഫാത്തിമയുടെ ആര്ട്ടിസ്റ്ററി ആല്ക്കമി എന്നാ ലോഗോ പ്രകാശനം ചെയ്തു. കോളജിലെ സെല്ഫ് ഫിനാന്സിംഗ് പ്രോഗ്രാം കോര്ഡിനേറ്റര് സിസ്റ്റര് ഡോ. റോസ് ബാസ്റ്റിന് അധ്യക്ഷത വഹിച്ചു. പ്രസ്തുത പരിപാടിയില് കൊമേഴ്സ് വിഭാഗം മേധാവി റോജി ജോര്ജ്, പ്രോഗ്രാം കോര്ഡിനേറ്റായ മൂന്നാം വര്ഷ ബികോം വിദ്യാര്ഥിനി ജാന്കി മേനോന് എന്നിവര് പ്രസംഗിച്ചു. തുടര്ന്ന് കൊമേഴ്സ് വിഭാഗം വിദ്യാര്ഥിനികള്ക്കായി ബെസ്റ്റ് മാനേജര് ഗെയിം സംഘടിപ്പിച്ചു. വിജയിയായ പി.എസ്. ആഗ്നക്ക് ക്യാഷ് അവാര്ഡും സര്ട്ടിഫിക്കറ്റും വിതരണം ചെയ്തു.