പുളിക്കലചിറ പ്രദേശത്തെ താത്കാലിക ബണ്ട് നിലനിര്ത്തി വെള്ളം ഒഴുക്കിവിടുന്നതിനുള്ള നടപടികള് ആരംഭിച്ചു
പടിയൂര് പുളിക്കലചിറ ബണ്ടില് ചാലുകീറുന്ന പണികള് ജെസിബി ഉപയോഗിച്ച് നടത്തുന്നു.
ഇരിങ്ങാലക്കുട: പടിയൂര് പഞ്ചായത്തിലെ രണ്ട് വാര്ഡുകളിലെ ജനങ്ങളെ ദുരിതത്തിലാക്കിയ വെള്ളക്കെട്ടിന് പരിഹാരം കാണാനുള്ള അടിയന്തര നടപടികള് തുടങ്ങി. പടിയൂര് പൂമംഗലം പഞ്ചായത്തുകളെ ബന്ധിപ്പിക്കുന്ന പുളിക്കലച്ചിറ പാലനിര്മ്മാണത്തോടനുബന്ധിച്ച് നിര്മ്മിച്ചിട്ടുള്ള താത്കാലിക ബണ്ട് റോഡ് നിലനിറുത്തി കൊണ്ട് തന്നെ പുളിക്കലച്ചിറ പാടത്തെ അധികം ജലം ഒഴുക്കി വിടാനുള്ള നിര്മ്മാണ പ്രവര്ത്തനങ്ങള്ക്കാണ് ജില്ലാ ഭരണകൂടത്തിന്റെ നിര്ദ്ദേശമനുസരിച്ച് ആരംഭിച്ചിരിക്കുന്നത്.
തോടിന്റെ ഇരുവശത്തുമായി ചാലുകള് കീറുന്ന പ്രവ്യത്തി പൂര്ത്തിയായിക്കഴിഞ്ഞു. ജലത്തിന്റെ ഒഴുക്ക് കുറയുന്നതോടെ പൈപ്പുകള് സ്ഥാപിക്കുന്ന പ്രവൃത്തി ഇന്ന് ആരംഭിക്കും. അധികജലം ഒഴുക്കി വിടാനുള്ള നിര്മ്മാണ പ്രവര്ത്തനങ്ങളോടൊപ്പം തന്നെ അടുത്ത മാസം ആരംഭിക്കുന്ന നാലമ്പലദര്ശനം സുഗമമാക്കാന് വേണ്ടി താത്കാലിക ബണ്ട് റോഡ് ശക്തിപ്പെടുത്തുന്ന പ്രവൃത്തികളും അടിയന്തരമായി പൂര്ത്തീകരിക്കും. ചാലക്കുടി സ്വദേശിയായ ജിന്സനാണ് ഇപ്പോള് നടക്കുന്ന നിര്മ്മാണ പ്രവര്ത്തനങ്ങളുടെ കരാര് എറ്റെടുത്തിരിക്കുന്നത്.

കാലിക്കട്ട് സര്വകലാശാല എന്എസ്എസ് അവാര്ഡില് ക്രൈസ്റ്റ് കോളജിന് അഭിമാന നേട്ടം
സെന്റ് ജോസഫ്സ് കോളജ് യൂണിയന് പ്രൗഢഗംഭീര തുടക്കം
സെന്റ് ജോസഫ്സ് കോളജില് കലാരവം 2026നു തിരിതെളിഞ്ഞു
ഇന്ദിരാഗാന്ധിജിയുടെ ജന്മദിനത്തിനോടനുബന്ധിച്ച് പുഷ്പാര്ച്ചനയും അനുസ്മരണ സമ്മേളനവും സംഘടിപ്പിച്ചു
പുരുഷദിനത്തില് ജീവനക്കാരെ ആദരിച്ച് ക്രൈസ്റ്റ് കോളജ് എന്എസ്എസ് വിദ്യാര്ഥികള്
കെസിബിസി മദ്യലഹരി വിരുദ്ധ സമിതി ബോധവല്ക്കരണ ക്ലാസ് നടത്തി