എടക്കുളത്ത് യുവാവിനെ കുത്തിപ്പരിക്കേല്‍പ്പിച്ച സംഭവത്തില്‍ പ്രതി അറസ്റ്റില്‍
കാട്ടൂര്‍: എടക്കുളത്ത് യുവാവിനെ കുത്തിപ്പരിക്കേല്‍പ്പിച്ച സംഭവത്തില്‍ പ്രതി അറസ്റ്റില്‍. എടക്കുളം ഈശ്വരമംഗലത്ത് വീട്ടില്‍ അഖിലി (23) നെയാണ് കാട്ടൂര്‍ ഇന്‍സ്‌പെക്ടര്‍ വി.വി. അനില്‍കുമാര്‍, എസ്‌ഐ ആര്‍. രാജേഷ് എന്നിവരുടെ നേതൃത്വത്തിലുള്ള സംഘം അറസ്റ്റ് ചെയ്തത്. കഴിഞ്ഞ ദിവസം രാത്രി എട്ടരയോടെയായിരുന്നു സംഭവം. കുറച്ചുകാലമായി എടക്കുളത്ത് താമസിക്കുന്ന ചാലക്കുടി സ്വദേശിയായ വത്സ (55) നാണ് പരിക്കേറ്റത്. ഇയാള്‍ തൃശൂരിലെ സ്വകാര്യ ആശുപത്രിയില്‍ ചികിത്സയിലാണ്. സാമ്പത്തികത്തര്‍ക്കമാണ് സംഭവത്തിനു പിന്നിലെന്നു പോലീസ് പറഞ്ഞു. ഇരുവരും നേരത്തെ ഒരുമിച്ച് ജോലി ചെയ്തിരുന്ന സമയത്ത് ഉണ്ടായിരുന്ന സാമ്പത്തിക ഇടപാടുകളാണ് തര്‍ക്കത്തില്‍ കലാശിച്ചത്. സംഭവത്തിനുശേഷം പ്രതി തൊട്ടടുത്തുള്ള ചങ്ങനാന്ത്ര ഷൈജുവിന്റെ വീട്ടില്‍ കയറി സാധനങ്ങള്‍ തകര്‍ത്ത കേസില്‍ ഇയാളുടെ പേരില്‍ മറ്റൊരു കേസും എടുത്തിട്ടുണ്ടെന്നും ഇന്‍സ്‌പെക്ടര്‍ പറഞ്ഞു. പോലീസുകാരായ നിഖില്‍ ജോര്‍ജ്, വിജേഷ്, സനില്‍, പ്രസാദ്, സെയ്ഫുദ്ദീന്‍ എന്നിവരും അന്വേഷണ സംഘത്തിലുണ്ടായിരുന്നു.
About Author
നവീകരിച്ച ഇരിങ്ങാലക്കുട ക്രൈസ്റ്റ് ആശ്രമദേവാലയത്തിന്റെ വെഞ്ചിരിപ്പ് നിര്‍വഹിച്ചു 
ടൗണ്‍ അമ്പ് ഫെസ്റ്റ് 2025 സ്വാഗത സംഘം ഓഫീസ് ഉദ്ഘാടനം ചെയ്തു 
പിടികിട്ടാപ്പുള്ളി 26 വര്‍ഷത്തിന് ശേഷം അറസ്റ്റില്‍ 
ക്രൈസ്റ്റ് ആശ്രമ ദേവാലയത്തില്‍ ക്രിസ്തുരാജന്റെ തിരുനാളിന് കൊടിയേറി 
ഐടി മേളയില്‍ രണ്ടാം സ്ഥാനം എ ഗ്രേഡ് നേടിയ ജെസ്‌ലെറ്റ് ജോബി 
ക്രൈസ്റ്റ് കോളജില്‍ നടന്ന ജിയോ എക്‌സ്‌പോ 2024 സമാപിച്ചു 
