തീരദേശവാസികളുടെ സമരത്തിന് കത്തീഡ്രല്‍ സിഎല്‍സി ഐക്യദാര്‍ഢ്യം പ്രഖ്യാപിച്ചു
തീരദേശജനങ്ങളുടെ ആകുലതകളെ അകറ്റുവാന്‍ സര്‍ക്കാര്‍ മുന്നോട്ടുവരണം-ബിഷപ് മാര്‍ പോളി കണ്ണൂക്കാടന്‍
ഇരിങ്ങാലക്കുട: വിഴിഞ്ഞം തുറമുഖത്തിന്റെ നിര്‍മാണ പ്രവര്‍ത്തനങ്ങളുമായി ബന്ധപ്പെട്ട് തീരദേശജനങ്ങളുടെ ആകുലതകളെ അകറ്റുവാന്‍ സര്‍ക്കാര്‍ മുന്നോട്ടുവരണമെന്ന് ബിഷപ് മാര്‍ പോളി കണ്ണൂക്കാടന്‍ ആവശ്യപ്പെട്ടു. അതിജീവനത്തിനായി തീരദേശവാസികള്‍ നടത്തുന്ന സമരത്തിന് പിന്തുണ പ്രഖ്യാപിച്ച് ഇരിങ്ങാലക്കുട കത്തീഡ്രല്‍ സിഎല്‍സിയുടെ നേതൃത്വത്തില്‍ സംഘടിപ്പിച്ച ഐക്യദാര്‍ഢ്യ സദസ് ഉദ്ഘാടനം ചെയ്തു പ്രസംഗിക്കുകയായിരുന്നു ബിഷപ്.
മത്സ്യതൊഴിലാളികള്‍ അനുഭവിക്കുന്ന കഷ്ടതകള്‍ ഏറെയാണ്. കടല്‍തീരം ഇല്ലാതാകുമ്പോള്‍, പാവപ്പെട്ട തൊഴിലാളികളുടെ കുടുംബങ്ങളും വീടുകളും കടല്‍ കയറി നശിപ്പിക്കപ്പെടുമ്പോള്‍ അതിനു പരിഹാരം കണ്ടെത്തേണ്ടത് തുറമുഖ നിര്‍മാണത്തില്‍ ഏര്‍പ്പെട്ടിരിക്കുന്നവരാണ്. പുനരധിവാസം എങ്ങുമെത്താത്ത അവസ്ഥയാണ് ഇപ്പോഴുള്ളത്. വര്‍ഷങ്ങളായി സിമന്റ് ഗോഡൗണില്‍ കഴിയുന്ന പാവപ്പെട്ട തീരദേശവാസികള്‍ക്ക് പുനരധിവാസത്തിന് സര്‍ക്കാര്‍ ഒന്നും തന്നെ ചെയ്തിട്ടില്ല എന്നുള്ളത് ദുഖകരമായ കാര്യമാണെന്ന് ബിഷപ് കൂട്ടിച്ചേര്‍ത്തു. ചിക്കാഗോ രൂപത ബിഷപ് മാര്‍ ജോയ് ആലപ്പാട്ട്, ഹൊസൂര്‍ രൂപത ബിഷപ് മാര്‍ സെബാസ്റ്റ്യന്‍ പൊഴോലിപറമ്പില്‍ എന്നിവര്‍ മുഖ്യപ്രഭാഷണം നടത്തി. കത്തീഡ്രല്‍ സിഎല്‍സി പ്രസിഡന്റ് ഡേവിസ് ഷാജു ചടങ്ങില്‍ അധ്യക്ഷത വഹിച്ചു. ഡയറക്ടര്‍ ഫാ. അനൂപ് പാട്ടത്തില്‍, സംസ്ഥാന പ്രസിഡന്റ് ഷോബി കെ. പോള്‍, ഫൊറോന ഓര്‍ഗനൈസര്‍ ജിജു കോട്ടോളി, ആനിമേറ്റര്‍ റോസിലി ജെയിംസ്, സെക്രട്ടറി ടെല്‍വിന്‍ ജോസഫ്, ഓര്‍ഗനൈസര്‍ മെല്‍വിന്‍ ചേര്യേക്കര, വൈസ് പ്രസിഡന്റ് അജയ് ബിജു, ജൂണിയര്‍ സിഎല്‍സി ഓര്‍ഗനൈസര്‍ റോഷന്‍ ജോഷി, പ്രീന പയസ്, അഞ്ജന ബിജു, അജില്‍ രഞ്ചി, സിറില്‍ പോള്‍, ജോസ്റ്റിന്‍ ജോയ് എന്നിവര്‍ പ്രസംഗിച്ചു.
About Author
കരൂപ്പടന്ന എന്‍എസ്എസ് വളണ്ടിയര്‍മാര്‍ പല്ലൊട്ടി സിനിമയുടെ അണിയറ പ്രവര്‍ത്തകരുമായി സംവദിച്ചു 
വാര്‍ഡ് വിഭജനം; കരട് വിജ്ഞാപനമായി; ഇരിങ്ങാലക്കുട നഗരസഭയില്‍ ഇനി 43 വാര്‍ഡുകള്‍ 
കരുതിയിരിക്കുക, ഓണ്‍ലൈന്‍ തട്ടിപ്പുകളില്‍ വീഴരുതേ……ആദ്യം ഫോണ്‍ വിളി, താങ്ങളുടെ പേരില്‍ ക്രൈം കേസുകളുണ്ടെന്നു മുന്നറിയിപ്പ് 
നവീകരിച്ച ഇരിങ്ങാലക്കുട ക്രൈസ്റ്റ് ആശ്രമദേവാലയത്തിന്റെ വെഞ്ചിരിപ്പ് നിര്‍വഹിച്ചു 
ടൗണ്‍ അമ്പ് ഫെസ്റ്റ് 2025 സ്വാഗത സംഘം ഓഫീസ് ഉദ്ഘാടനം ചെയ്തു 
നഗരസഭയുടെ ഭരണപരാജയം; ആം ആദ്മി പാര്‍ട്ടി പന്തംകൊളുത്തി പ്രകടനം നടത്തി 
