പോക്സോ കേസില് കൊടുങ്ങല്ലൂര് സ്വദേശിക്ക് 20 വര്ഷം കഠിന തടവും രണ്ടുലക്ഷം പിഴയും വിധിച്ചുകൊണ്ട് കോടതി വിധി
ഇരിങ്ങാലക്കുട: പ്രായപൂര്ത്തിയാവാത്ത ബാലികയെ ലൈംഗികമായി പീഡിപ്പിച്ച കേസില് പ്രതിക്ക് 20 വര്ഷം കഠിനതടവും രണ്ടുലക്ഷം രൂപ പിഴയും വിധിച്ചു. കൊടുങ്ങല്ലൂര് പോലീസ് രജിസ്റ്റര് ചെയ്ത കേസില് മാള പള്ളിപ്പുറത്ത് പൊയ്യ ഷാപ്പുംപടി കളത്തില് വീട്ടില് ആന്സിലിന് (35) എന്നയാളെയാണ് ഇരിങ്ങാലക്കുട ഫാസ്റ്റ് ട്രാക്ക് സ്പെഷ്യല് കോടതി ജഡ്ജ് കെ.പി. പ്രദീപ് ശിക്ഷ വിധിച്ചത്. ഇന്ത്യന് ശിക്ഷ നിയമം 376 (2) വകുപ്പ് പ്രകാരവും പോക്സോ നിയമപ്രകാരവുമാണ് പ്രതി കുറ്റക്കാരനാണെന്ന് കണ്ടെത്തിയത്. പ്രോസിക്യൂഷനു വേണ്ടി സ്പെഷ്യല് പബ്ലിക് പ്രോസിക്യൂട്ടര് കെ.എന്. സിനിമോള് ഹാജരായി. നാലര വയസുകാരിയായ ബാലികയെ എക്സറേ റൂമില് വെച്ച് ലൈംഗികമായി പീഡിപ്പിച്ചു എന്നുള്ളതാണ് ചാര്ജ് ചെയ്ത കേസ്. പിഴത്തുക അടക്കാത്ത പക്ഷം രണ്ടുവര്ഷം തടവുശിക്ഷകൂടി അനുഭവിക്കേണ്ടിവരും. കൊടുങ്ങല്ലൂര് എസ്ഐ ആയിരുന്ന പി.കെ. പത്മരാജന് രജിസ്റ്റര് ചെയ്ത കേസില് അന്വേഷണം നടത്തിയത് ഇരിങ്ങാലക്കുട ഡിവൈഎസ്പി ആയിരുന്ന പി.എ. വര്ഗീസ് ആണ് എഎസ്ഐ ആയിരുന്ന എം.ടി. സന്തോഷ്, സീനിയര് സിവില് പോലീസ് ഓഫീസര് ടി.ആര്. രജനി എന്നിവര് കേസില് പ്രോസിക്യൂഷനെ സഹായിച്ചു.
About Author
നാലര കോടിയുടെ ഡിജിറ്റല് അറസ്റ്റ് തട്ടിപ്പ്: മലപ്പുറം സ്വദേശി അറസ്റ്റില് 
ഇരിങ്ങാലക്കുട നഗരസഭയില് ദിവസ കളക്ഷന് തുക ബാങ്കിലടക്കാതെ വ്യാജ രേഖയുണ്ടാക്കി 46 ലക്ഷം രൂപയുടെ ക്രമക്കേടുനടത്തിയ നഗരസഭ ജീവനക്കാരന് പിടിയില് 
ഓണ്ലൈന് ഷെയര് ട്രേഡിങ്ങിലൂടെ ഒരു കോടി എട്ട് ലക്ഷം രൂപയുടെ സൈബര് തട്ടിപ്പ് ഒരാള് അറസ്റ്റില് 
ഓണ്ലൈന് ജോലി വാഗ്ദാനം ചെയ്ത് കടുപ്പശ്ശേരി സ്വദേശിയില് നിന്ന് 5,28,000 രൂപയും, കല്ലേറ്റുംകര സ്വദേശിയില് നിന്ന് 11,80,933 രൂപയും തട്ടിയെടുത്ത കേസിലെ പ്രതിയെ പിടികൂടി 
കൂടല്മാണിക്യം ക്ഷേത്രമുറ്റത്ത് പരസ്യ മദ്യപാനം: നാല് പ്രതികള് അറസ്റ്റില് 
ഡ്രൈ ഡേ ദിനത്തില് 33 ലിറ്റര് ഇന്ത്യന് നിര്മിത വിദേശമദ്യവുമായി പിടിയില് 
