അരിപ്പാലത്ത് നാടന്‍ ബോംബുകളും കഞ്ചാവും മാരകായുധങ്ങളുമായി യുവാക്കള്‍ പിടിയില്‍
ഇരിങ്ങാലക്കുട: പൂമംഗലം പഞ്ചായത്തിലെ അരിപ്പാലം തോപ്പിലെ വീട്ടില്‍ നിന്നും നാടന്‍ ബോംബുകളും കഞ്ചാവും പന്നിപ്പടക്കവും കമ്പി വടികളും അര കിലോ കഞ്ചാവുമായി യുവാക്കള്‍ പിടിയില്‍. തോപ്പ് പരിസരത്തുള്ള നടുവത്ത്പറമ്പില്‍ വിനു സന്തോഷ് (22)
എടക്കുളം ഈശ്വരമംഗലത്ത് അഖിനേഷ് (23) എന്നിവരെയാണ് കാട്ടൂര്‍ സിഐ മഹേഷ്‌കുമാറിന്റെ നേതൃത്വത്തിലുള്ള പോലീസ് സംഘം പിടികൂടിയത്. പോലീസിന് ലഭിച്ച രഹസ്യ വിവരത്തിന്റെ അടിസ്ഥാനത്തില്‍ വിനു സന്തോഷിന്റെ വീട്ടില്‍ ഉച്ചയോടെ നടത്തിയ പരിശോധനയിലാണ് ആദ്യം കഞ്ചാവ് കണ്ടെടുത്തത്. മുറ്റത്തെ മണ്ണ് ഇളകി കിടക്കുന്നതായി കണ്ട പോലീസ് തുടര്‍ന്ന് ബോംബ് സ്‌ക്വാഡിന്റെയും ഡോഗ് സ്‌ക്വാഡിന്റെയും ഫോറന്‍സിക് വിഭാഗത്തിന്റെയും സഹായത്തോടെ നടത്തിയ പരിശോധനയിലാണ് മൂന്ന് നാടന്‍ ബോംബുകളും രണ്ട് കമ്പി വടികളും വടിവാളും പന്നിപ്പടക്കങ്ങളും പിടിച്ചെടുത്തത്. ഇതേ സമയം വിനുവും സുഹൃത്ത് അഖിനേഷും വീട്ടില്‍ ഉണ്ടായിരുന്നു. ഇരുവരും നിരവധി കേസുകളിലെ പ്രതികളാണെന്ന് പോലീസ് പറഞ്ഞു.
About Author
കരുതിയിരിക്കുക, ഓണ്‍ലൈന്‍ തട്ടിപ്പുകളില്‍ വീഴരുതേ……ആദ്യം ഫോണ്‍ വിളി, താങ്ങളുടെ പേരില്‍ ക്രൈം കേസുകളുണ്ടെന്നു മുന്നറിയിപ്പ് 
ടൗണ്‍ അമ്പ് ഫെസ്റ്റ് 2025 സ്വാഗത സംഘം ഓഫീസ് ഉദ്ഘാടനം ചെയ്തു 
പിടികിട്ടാപ്പുള്ളി 26 വര്‍ഷത്തിന് ശേഷം അറസ്റ്റില്‍ 
നവജാതശിശു സംരക്ഷണ വാരാചരണത്തിന് തുടക്കമായി 
ക്രൈസ്റ്റ് ആശ്രമ ദേവാലയത്തില്‍ ക്രിസ്തുരാജന്റെ തിരുനാളിന് കൊടിയേറി 
ഐടി മേളയില്‍ രണ്ടാം സ്ഥാനം എ ഗ്രേഡ് നേടിയ ജെസ്‌ലെറ്റ് ജോബി 
