പോത്തിന്‍കുട്ടിയുടെ വാല്‍ സാമൂഹിക വിരുദ്ധര്‍ മുറിച്ചെടുത്ത നിലയില്‍

വേളൂക്കര: ക്രിസ്തുമസ് ദിനത്തില്‍ വേളൂക്കര ഗ്രാമപഞ്ചായത്തിന് സമീപം അഞ്ചാം വാര്‍ഡിലെ സ്ഥിരതാമസക്കാരനായ ചാനാടിക്കല്‍ ജയചന്ദ്രന്റെ ഉടമസ്ഥതയിലുള്ള പോത്തിന്‍കുട്ടിയുടെ വാല്‍ സാമൂഹിക വിരുദ്ധര്‍ മുറിച്ചെടുത്ത നിലയില്‍. വേളൂക്കര ഗ്രാമപഞ്ചായത്തില്‍ നിന്നും പദ്ധതി പ്രകാരം ലഭിച്ചതാണ് പോത്തിന്‍കുട്ടി. അവിട്ടത്തൂരില്‍ ബ്ലോക്ക് പഞ്ചായത്തിനുള്ള ഭൂമിയുടെ സമീപത്തുള്ള ഇദ്ദേഹത്തിന്റെ ഗോഡൗണിന് പുറകിലെ പറമ്പില്‍ തീറ്റിയ്ക്കാനായി കെട്ടിയ ഒന്നര വയസുള്ള പോത്തിന്‍കുട്ടിയോടാണ് ഈ ക്രൂര കൃത്യം ചെയ്യപ്പെട്ടത്. വാല്‍വട്ടത്തില്‍ മൂര്‍ച്ചയുള്ള ആയുധം കൊണ്ട് മുറിച്ചെടുത്ത നിലയിലാണ് കണ്ടെത്തിയത്. ആളൂര്‍ പോലീസില്‍ പരാതി നല്‍കിയിട്ടുണ്ട്.

About Author

IjkNews Office

See author's posts