കോന്തിപുലം പാടത്തും തോടുകളിലും റോഡരികുകളിലുമെല്ലാം മാലിന്യം തള്ളുന്നത് വ്യാപകമാകുന്നു

September 26, 2023

Social media

മാടായിക്കോണം: പാടത്തും തോടുകളിലും റോഡരികുകളിലുമെല്ലാം മാലിന്യം തള്ളുന്നത് വ്യാപകമാകുന്നു. കഴിഞ്ഞ ദിവസം താണിശേരി കെഎല്‍ഡിസി കനാലില്‍ ഇറച്ചിമാലിന്യം തള്ളിയതിനുപിന്നാലെ കോന്തിപുലം പാടത്തും മാലിന്യം തള്ളിയതായി കണ്ടെത്തി. മാടായിക്കോണത്തുനിന്ന് ആനന്ദപുരം റോഡ് ആരംഭിക്കുന്നിടത്ത് റോഡരികിലാണ് രാത്രിയില്‍ മാലിന്യം തള്ളിയിരിക്കുന്നത്. ഈ ഭാഗത്ത് മാലിന്യം ചാക്കുകളിലാക്കി തള്ളുന്നത് പതിവായിരിക്കുകയാണെന്ന് നാട്ടുകാര്‍ പറഞ്ഞു. ഇതോടെ പ്രദേശത്ത് തെരുവുനായ്ക്കളുടെ ശല്യവും രൂക്ഷമാണ്. നേരത്തെ പോലീസ് പട്രോളിംഗ് നടന്നിരുന്ന സമയത്ത് മാലിന്യം തള്ളുന്നതു കുറവായിരുന്നു. മാലിന്യംതള്ളുന്ന സാമൂഹ്യവിരുദ്ധരെ കണ്ടെത്തി നിയമപരമായി ശിക്ഷിക്കാന്‍ അടിയന്തരമായി ഈ പ്രദേശങ്ങളില്‍ കാമറകള്‍ സ്ഥാപിക്കണമെന്ന് നാട്ടുകാര്‍ ആവശ്യപ്പെട്ടു.