പ്രതിഫലം ലക്ഷ്യം വെച്ചല്ല കത്തോലിക്ക സഭയുടെ സേവനം: മാര്‍ റാഫേല്‍ തട്ടില്‍
ഇരിങ്ങാലക്കുട: പ്രതിഫലം പ്രതീക്ഷിക്കാതെ ചെയ്യുന്ന സേവനങ്ങള്‍ ആണ് സഭയുടെ മുഖമുദ്ര എന്നും സഭാമക്കളുടെ കുലീനത്വം ആണ് അതിനു പിന്നിലെന്നും മേജര്‍ ആര്‍ച്ച് ബിഷപ്പ് മാര്‍ റാഫേല്‍ തട്ടില്‍. പാരമ്പര്യമായി ലഭിച്ച ആ കുലീനത്വം ശക്തിപ്പെടുത്താന്‍ കുടുംബങ്ങളെ ശക്തിപ്പെടുത്തണമെന്ന് ആര്‍ച്ച് ബിഷപ് ആഹ്വാനം ചെയ്തു. ഇരിങ്ങാലക്കുട രൂപത ദിന ആഘോഷം ഉദ്ഘാടനം ചെയ്ത് സംസാരിക്കുകയായിരുന്നു ആര്‍ച്ച് ബിഷപ്.
മേജര്‍ ആര്‍ച്ച് ബിഷപ്പായി സ്ഥാനമേറ്റതിനുശേഷം രൂപതാ ദിനത്തില്‍ ഇരിങ്ങാലക്കുട രൂപത ഔദ്യോഗീക സ്വീകരണം നല്‍കി. കുടുംബങ്ങള്‍ ഇന്ന് വിവിധ തലങ്ങളില്‍ വെല്ലുവിളികളും പ്രതിസന്ധികളും നേരിടുന്നുണ്ട്. അജപാലന ദൗത്യത്തിന്റെ മുഖ്യശ്രദ്ധ ഇനിയുള്ള കാലത്ത് കുടുംബങ്ങളില്‍ കേന്ദ്രീകരിക്കണം. വിശ്വാസികള്‍ ഏത് മേഖലകളില്‍ ആയിരുന്നാലും മൂല്യാധിഷ്ഠിതമായ ക്രൈസ്തവ സാക്ഷ്യം പ്രഘോഷിക്കണം.
ജീവകാരുണ്യ രംഗത്തും വിദ്യാഭ്യാസ ആതുര ശുശ്രൂഷ, അജപാലന രംഗങ്ങളിലും ഇരിങ്ങാലക്കുട രൂപത പ്രതിഫലം ഇച്ഛിക്കാതെ ദൈവ സ്‌നേഹവും പരസ്‌നേഹവും ജീവിക്കുന്ന പാരമ്പര്യമാണ് തുടരുന്നത് എന്നും ഇവിടത്തെ വൈദിക, സന്യസ്ത, അല്‍മായ സമൂഹമാണ് രൂപതയുടെ ഏറ്റവും വലിയ സമ്പത്തെന്നും ആര്‍ച്ച് ബിഷപ് പറഞ്ഞു. സമ്മേളനത്തില്‍ രൂപത മെത്രാന്‍ മാര്‍. പോളി കണ്ണൂക്കാടന്‍ അധ്യക്ഷത വഹിച്ചു.
ദൈവാരാധനയില്‍ അധിഷ്ഠിതമായ വിശ്വാസ ജീവിത പരിശീലനവും കുടുംബങ്ങളുടെ ശാക്തീകരണവും ആണ് രൂപത ലക്ഷ്യമിടുന്നതെന്ന് അദ്ദേഹം ചൂണ്ടിക്കാട്ടി. വയനാട്ടിലെ ഭവന നിര്‍മ്മാണ പുനരധിവാസ പ്രവര്‍ത്തനങ്ങള്‍ക്കായി രൂപതയില്‍ നിന്ന് ഒരു കോടി ഇരുപത് ലക്ഷം രൂപ കെ.സി.ബി.സി. പ്രതിനിധി ഫാ. ജേക്കബ് മാവുങ്കലിന് കൈമാറി.
രൂപതയുടെ 2023 വര്‍ഷത്തെ കേരള സഭ താരം അവാര്‍ഡ് കൊച്ചിന്‍ ഇന്റര്‍നാഷണല്‍ എയര്‍പോര്‍ട്ട് മുന്‍ എം.ഡി. ഡോ. വി. ജെ. കുര്യന്‍ ഐ.എ.എസ്. ന് മേജര്‍ ആര്‍ച്ച് ബിഷപ്പ് മാര്‍ റാഫേല്‍ തട്ടില്‍ സമ്മാനിച്ചു. ഹൊസൂര്‍ രൂപത ബിഷപ്പ് മാര്‍ സെബാസ്റ്റ്യന്‍ പൊഴോലിപറമ്പില്‍, ബെന്നി ബഹനാന്‍ എം.പി, സനീഷ് കുമാര്‍ ജോസഫ് എം.എല്‍.എ., വി. ജെ. കുര്യന്‍ ഐ.എ.എസ്., ഫാദര്‍ ആന്റണി മുക്കാട്ടുകരക്കാരന്‍, സുപ്പീരിയര്‍ സിസ്റ്റര്‍ ലൂസീന സി എസ് സി , പാസ്റ്ററല്‍ കൗണ്‍സില്‍ സെക്രട്ടറി ഡേവിസ് ഊക്കന്‍, വികാരി ജനറല്‍മാരായ മോണ്‍. ജോസ് മാളിയേക്കല്‍, മോണ്‍. വില്‍സന്‍ ഈരത്തറ, മോണ്‍ ജോളി വടക്കന്‍, കത്തീഡ്രല്‍ വികാരി റവ.ഡോ ലാസര്‍ കുറ്റിക്കാടന്‍ തുടങ്ങിയവര്‍ പ്രസംഗിച്ചു. രൂപതയുടെ സുവര്‍ണ്ണ ജൂബിലിക്ക് ഒരുക്കമായി ആരംഭിക്കുന്ന സുവര്‍ണ്ണഗേഹം പദ്ധതി ഉദ്ഘാടനം ചെയ്തു.
About Author
പിടികിട്ടാപ്പുള്ളി 26 വര്‍ഷത്തിന് ശേഷം അറസ്റ്റില്‍ 
നവജാതശിശു സംരക്ഷണ വാരാചരണത്തിന് തുടക്കമായി 
ക്രൈസ്റ്റ് ആശ്രമ ദേവാലയത്തില്‍ ക്രിസ്തുരാജന്റെ തിരുനാളിന് കൊടിയേറി 
ഐടി മേളയില്‍ രണ്ടാം സ്ഥാനം എ ഗ്രേഡ് നേടിയ ജെസ്‌ലെറ്റ് ജോബി 
മുനമ്പം ജനതയുടെ റവന്യൂ അവകാശങ്ങള്‍ പുന:സ്ഥാപിക്കും വരെ സമരം തുടരും സി.എല്‍.സി. 
മണ്ണിനടിയിലെ മൃതദേഹങ്ങള്‍ മണത്തറിയും; നായപരിശീലകര്‍ക്ക് പരിശീലനവുമായി കെ. നയന്‍ സ്‌ക്വാഡ് 
