മുനയം പാലം എവിടെ ? കേരള കോണ്‍ഗ്രസ് ബണ്ടില്‍ നില്‍പ്പ് സമരം നടത്തി
കാട്ടൂര്‍ മുനയം ബണ്ട് കം ബ്രിഡ്ജ് നിര്മിക്കണമെന്നാവശ്യപ്പെട്ട് കേരള കോണ്‍ഗ്രസ് മണ്ഡലം കമ്മിറ്റി നടത്തിയ നില്‍പ്പ് സമരം ഡെപ്യൂട്ടി ചെയര്‍മാന്‍ തോമസ് ഉണ്ണിയാടന്‍ ഉദ്ഘാടനം ചെയ്യുന്നു.
കാട്ടൂര്‍: മുനയത്ത് റഗുലേറ്റര്‍ കം ബ്രിഡ്ജ് നിര്‍മിക്കാത്തതില്‍ പ്രതിഷേധിച്ച് കേരള കോണ്‍ഗ്രസ് മണ്ഡലം കമ്മിറ്റി നേതാക്കള്‍ മുനയത്തെ താത്കാലിക ബണ്ടില്‍ നില്‍പ്പ് സമരം നടത്തി. പാലം നിര്‍മാണത്തിന് ആവശ്യമായ ഭരണാനുമതിയും സാങ്കേതികാനുമതിയും ലഭിക്കുകയും ടെണ്ടര്‍ നടപടി പൂര്‍ത്തീകരിക്കുകയും ചെയ്തിട്ട് എട്ടു വര്‍ഷത്തിലധികമായിട്ടും ബണ്ട് നിര്‍മിക്കാതെ വര്‍ഷം തോറും താത്കാലിക ബണ്ട് നിര്‍മാണം മാത്രാണ് നടക്കുന്നത്. നാടിനോടുള്ള അനീതിയും ജനങ്ങളോടുള്ള വെല്ലുവിളിയുമാണ് സര്‍ക്കാര്‍ നടത്തിക്കൊണ്ടിരിക്കുന്നത്. യുഡിഎഫ് സര്‍ക്കാരിന്റെ കാലത്ത് നടപടികള്‍ പൂര്‍ത്തീകരിച്ച ഈ പദ്ധതിയാണ് ഇപ്പോള്‍ ഉപേക്ഷിക്കപ്പെട്ട നിലയില്‍ ആയിരിക്കുന്നത്.
പദ്ധതിയുടെ പൂര്‍ത്തീകരണം ആവശ്യപ്പെട്ട് കേരള കോണ്‍ഗ്രസ് മണ്ഡലം കമ്മിറ്റി തുടര്‍ച്ചയായി നടത്തിക്കൊണ്ടിരിക്കുന്ന പ്രക്ഷോഭ പരിപാടികളുടെ രണ്ടാം ഘട്ടമായാണ് നില്‍പ്പ് സമരം സംഘടിപ്പിച്ചത്. കാട്ടൂര്‍, താന്യം പഞ്ചായത്തുകളെ ബന്ധിപ്പിക്കുന്ന മുനയം ബണ്ട് കം ബ്രിഡ്ജ് നിര്‍മ്മിക്കുന്നത് വരെ കേരള കോണ്‍ഗ്രസ് സമരം നടത്തുമെന്ന് നില്‍പ്പ് സമരം ഉദ്ഘാടനം ചെയ്ത് ഡെപ്യൂട്ടി ചെയര്‍മാന്‍ അഡ്വ. തോമസ് ഉണ്ണിയാടന്‍ പറഞ്ഞു. പ്രസിഡന്റ് അഷറഫ് പാലിയത്താഴത്ത് അധ്യക്ഷത വഹിച്ചു. സംസ്ഥാന സെക്രട്ടറി മിനി മോഹന്‍ദാസ്, നിയോജക മണ്ഡലം പ്രസിഡന്റ് റോക്കി ആളൂക്കാരന്‍, വൈസ് പ്രസിഡന്റ് കെ. സതീഷ്, മണ്ഡലം ഭാരവാഹികളായ എഡ്വേര്‍ഡ് ആന്റണി, ലിജോ ചാലിശേരി, അശോകന്‍ ഷാരടി, സി.ബി. മുജീബ് റഹ്മാന്‍ എന്നിവര്‍ പ്രസംഗിച്ചു.
About Author
ആളൂര്‍ സെന്റ് ജോസഫ് ഇടവക ദേവാലയത്തില്‍ അമ്പുതിരുന്നാളിന് കൊടിയേറി. തിരുനാള്‍ 25, 26 തീയതികളില്‍ 
പോലീസ് പിടിച്ചെടുത്ത 50 ലക്ഷത്തിന്റെ ലഹരി വസ്തുക്കള്‍ നശിപ്പിച്ചു 
ജയചന്ദ്രനെ അനുസ്മരിച്ച് ഇരിങ്ങാലക്കുട പൗരാവലി; ജയചന്ദ്രന്‍ പാടിയത് ഹൃദയത്തില്‍നിന്ന്: ഔസേപ്പച്ചന്‍ 
കാറളം പഞ്ചായത്തില്‍ പുനര്‍നിര്‍മിച്ച പാറക്കടവ് ഉദ്ഘാടനം ചെയ്തു 
ക്രൈസ്റ്റ് കോളജില്‍ കൊമേഴ്‌സില്‍ അന്താരാഷ്ട്ര കോണ്‍ഫറന്‍സ് സംഘടിപ്പിച്ചു 
കൂട്ടുകാരിക്കൊരു കരുതല്‍ പദ്ധതിയുമായി ഗവ. മോഡല്‍ ബോയ്‌സ് വിഎച്ച്എസ്ഇ വിഭാഗം എന്‍എസ്എസ് വളണ്ടിയേഴ്‌സ് 
