പടിയൂര്‍ മേഖലയില്‍ കാട്ടുപന്നിശല്യം രൂക്ഷം; നാട്ടുകാര്‍ ആശങ്കയില്‍
എടതിരിഞ്ഞി ചെട്ടിയാല്‍ മേഖലയില്‍ കാട്ടുപന്നി നശിപ്പിച്ച കപ്പക്കൃഷിത്തോട്ടം.
എടതിരിഞ്ഞി: പടിയൂര്‍ പഞ്ചായത്തില്‍ ജനവാസമേഖലയില്‍ കാട്ടുപന്നിശല്യം രൂക്ഷം. കൂട്ടമായി എത്തുന്ന പന്നികള്‍ വ്യാപകമായി കൃഷി നശിപ്പിക്കുന്നു. ജനവാസമേഖലയില്‍ പന്നിക്കൂട്ടത്തെ കണ്ടതിന്‍റ ആശങ്കയിലാണ് നാട്ടുകാര്‍. ചെട്ടിയാല്‍ മരോട്ടിക്കല്‍ ഭാഗത്ത് തെക്കേതലയ്ക്കല്‍ നീലാംബരന്‍, തെക്കേതലയ്ക്കല്‍ ബിന്ദു, എടച്ചാലി വേലായുധന്‍ എന്നിവരുടെ കൃഷിയിടങ്ങളിലെ തെങ്ങിന്‍തൈകളും കപ്പയും നശിപ്പിച്ചു. എട്ടോളം പന്നികളെ കഴിഞ്ഞ മൂന്നുദിവസമായി മേഖലയില്‍ കാണുന്നതായി നാട്ടുകാര്‍ പറഞ്ഞു.
പടിയൂര്‍ നിലംപതി ഭാഗത്താണ് ആദ്യം ഇവയെ കണ്ടത്. പിന്നീട് എച്ച്ഡിപി സ്‌കൂള്‍ പരിസരത്ത് കണ്ടിരുന്നു. കാടുകയറിക്കിടക്കുന്ന പറമ്പുകളില്‍ തമ്പടിക്കുന്ന ഇവ രാത്രി ഇറങ്ങിയാണ് കൃഷി നശിപ്പിക്കുന്നത്. രാത്രി ജനവാസമേഖലയില്‍ ഇറങ്ങുന്ന ഇവ മനുഷ്യരെ ആക്രമിക്കുമെന്ന ഭയത്തിലാണ് നാട്ടുകാര്‍. നേരത്തെ കൃഷിനാശം സംഭവിച്ച സ്ഥലങ്ങളില്‍ കൃഷി ഓഫീസര്‍ ഉള്‍പ്പടെയുള്ളവര്‍ സന്ദര്‍ശനംനടത്തി. പന്നികളെ തുരത്താന്‍ അധികൃതര്‍ അടിയന്തരനടപടി സ്വീകരിക്കണമെന്നാണ് നാട്ടുകാരുടെ ആവശ്യം.
About Author
മൂന്നാമത് വിമല ഇന്റര്‍ സ്‌കൂള്‍ സ്‌കേറ്റിംഗ് ചാമ്പ്യന്‍ഷിപ്പ് ഫെബ്രുവരി ഒന്നിന് 
ഇരിങ്ങാലക്കുട ക്രൈസ്റ്റ് കോളജില്‍ ഇംഗ്ലീഷ് അന്തര്‍ദേശീയ സെമിനാര്‍ 
മലയാളികളുടെ സാംസ്‌കാരിക ജീവിതത്തില്‍ വിലയേറിയ സംഭാവനകള്‍ നല്‍കാന്‍ ഗ്രന്ഥശാല പ്രവര്‍ത്തനത്തിന് സാധിച്ചിട്ടുണ്ട്-മന്ത്രി ഡോ. ആര്‍. ബിന്ദു 
അരിപ്പാലം സേക്രട്ട് ഹാര്‍ട്ട് കോണ്‍വെന്റിന്റെയും വിദ്യാജ്യോതി ഇംഗ്ലീഷ് മീഡിയം സ്‌കൂളിന്റെയും സുവര്‍ണ്ണ ജൂബിലി ആഘോഷം 
മുരിയാട് പഞ്ചായത്തില്‍ ഹരിതോദ്യാന പദ്ധതി ആരംഭിച്ചു 
മുകുന്ദപുരം പബ്ലിക് സ്‌കൂളില്‍ റോഡ് സുരക്ഷ ബോധവല്‍ക്കരണം 
