ക്രൈസ്റ്റ് കോളജില്‍ നിന്നും വിരമിക്കുന്ന അധ്യാപകര്‍ക്കും അനധ്യാപകര്‍ക്കും യാത്രയയപ്പ് നല്‍കി
ക്രൈസ്റ്റ് കോളജില്‍ നിന്നും വിരമിക്കുന്ന അധ്യാപകര്‍ക്കും അനധ്യാപകര്‍ക്കും യാത്രയയപ്പ് നല്കുന്ന ചടങ്ങില് കാലിക്കട്ട് യൂണിവേഴ്‌സിറ്റി വൈസ് ചാന്‍സലര്‍ പ്രഫ. ഡോ. പി. രവീന്ദ്രന്‍ മുഖ്യാതിഥിയായി പങ്കെടുത്തു സംസാരിക്കുന്നു.
ഇരിങ്ങാലക്കുട: ക്രൈസ്റ്റ് കോളജില്‍ വിരമിക്കുന്ന അധ്യാപകര്‍ക്കും അനധ്യാപകര്‍ക്കും യാത്രയയപ്പ് പരിപാടി സംഘടിപ്പിച്ചു. കാലിക്കട്ട് യൂണിവേഴ്‌സിറ്റി വൈസ് ചാന്‍സലര്‍ പ്രഫ. ഡോ. പി. രവീന്ദ്രന്‍ മുഖ്യാതിഥിയായി പങ്കെടുത്തു. കോളേജ് മാനേജര്‍ ഫാ. ജോയ് പീണിക്കപ്പറമ്പില്‍ അധ്യക്ഷത വഹിച്ചു. വിരമിക്കുന്നവരുടെ ഛായാചിത്രം വൈസ് ചാന്‍സലര്‍ അനാച്ഛാദനം ചെയ്തു. സീറോ മലബാര്‍ സഭയുടെ കൂരിയ ബിഷപ്പ് മാര്‍. സെബാസ്റ്റ്യന്‍ വാണിയപുരക്കല്‍ അനുഗ്രഹ പ്രഭാഷണം നടത്തി. സിഎംഐ തൃശൂര്‍ ദേവമാതാ പ്രവിശ്യയുടെ പ്രൊവിന്‍ഷ്യല്‍ റവ.ഡോ. ജോസ് നന്തിക്കര വിരമിക്കുന്നവര്‍ക്ക് ഉപഹാരം നല്‍കി. പ്രിന്‍സിപ്പല്‍ റവ.ഡോ. ജോളി ആന്‍ഡ്രൂസ്, ഡോ. കെ. ജെ. വര്‍ഗീസ്, ഡോ. എന്‍. അനില്‍ കുമാര്‍, ഷാജു വര്‍ഗീസ്, ഡോ. സേവ്യര്‍ ജോസഫ് എന്നിവര്‍ സംസാരിച്ചു.
മുപ്പത്തിയെട്ടാമത് ദേശീയ ഗെയിംസില്‍ കേരളത്തിനായി മെഡല്‍ നേടിയ ക്രൈസ്റ്റിലെ വിദ്യാര്‍ഥികളെ ചടങ്ങില്‍വച്ച് ആദരിച്ചു. സോഷ്യല്‍വര്‍ക്ക് വിഭാഗം അധ്യാപകനായ പ്രഫ. സൈജിത് രചിച്ച ഗാന്ധിയന്‍ ഫിലോസഫി ഇന്‍ സോഷ്യല്‍ വര്‍ക്ക് എന്ന പുസ്തകത്തിന്റെ പ്രകാശനം വൈസ് ചാന്‍സലര്‍ നിര്‍വഹിച്ചു. ക്രൈസ്റ്റിന്റെ ശ്രവ്യം ഓഡിയോ ലൈബ്രറിയുടെ വെബ്‌സൈറ്റ് ഉദ്ഘാടനവും അദ്ദേഹം നടത്തി. കോളജിന്റെ വൈസ് പ്രിന്‍സിപ്പലും ഇംഗ്ലീഷ് വിഭാഗം അധ്യാപികയുമായ അസോ. പ്രഫ. പള്ളിക്കാട്ടില്‍ മേരി പത്രോസ്, ഫിസിക്കല്‍ എജുക്കേഷന്‍ വിഭാഗം മേധാവി ഡോ. സോണി ടി. ജോണ്‍, സീനിയര്‍ ക്ലര്‍ക്ക്മാരായ കെ. ഡി. ആന്റണി, സി.ടി ജോഷി, ലാബ് അറ്റന്‍ഡര്‍ എം.പി ഷാബു എന്നിവരാണ് സര്‍വീസില്‍ നിന്നും വിരമിക്കുന്നത്.
About Author
ആനന്ദപുരം ശ്രീകൃഷ്ണ ഹയര്‍സെക്കന്ററി സ്‌കൂളിന്റെ എഴുപത്തിരണ്ടാമത് വാര്‍ഷികാഘോഷം 
മികച്ച വില്ലേജ് ഓഫീസര്‍ക്കുള്ള സംസ്ഥാന സര്‍ക്കാരിന്റെ പുരസ്‌കാരം നേടി കാട്ടൂര്‍ വില്ലേജ് ഓഫീസര്‍ ആഷ ഇഗ്നേഷ്യസ് 
മികച്ച വില്ലേജ് ഓഫീസര്‍ക്കുള്ള സംസ്ഥാന സര്‍ക്കാരിന്റെ പുരസ്‌കാരം നേടി മുരിയാട് വില്ലേജ് ഓഫീസര്‍ സിജു ജോസഫ് 
ക്രൈസ്റ്റ് കോളജിലെ കാര്‍ഷിക ഉദ്യാനത്തിന് അക്ഷയശ്രീ പുരസ്‌കാരം 
കേന്ദ്രബജറ്റ് ജനകീയം; ഇരിങ്ങാലക്കുടയില്‍ പ്രധാനമന്ത്രിക്ക് പോസ്റ്റ് കാര്‍ഡുകള്‍ അയച്ച് ബിജെപി 
ചാലക്കുടി നഗരസഭ ചെയര്‍മാന്‍ ചെയര്‍മാന്‍ ഷിബു വാലപ്പന് വാലപ്പന് ട്രസ്റ്റിന്റെ സ്വീകരണം 
