അവിട്ടത്തൂരില്‍ മധ്യവയസ്‌കരെ അക്രമിച്ച കേസില്‍ ഒളിവിലായിരുന്ന പ്രധാന പ്രതി അറസ്റ്റില്‍
ഇരിങ്ങാലക്കുട: അവിട്ടത്തൂരില്‍ മദ്യത്തിന്റെയും കഞ്ചാവിന്റേയും ലഹരിയില്‍ മധ്യവയസ്‌കരെ ആക്രമിച്ച കൗമാരക്കാരടക്കമുള്ള പ്രതികളില്‍ ഒളിവിലായിരുന്ന അവിട്ടത്തൂര്‍ സ്വദേശി അമ്പാടത്ത് വീട്ടില്‍ സായ് കൃഷ്ണയെ (31) റൂറല്‍ എസ്.പി. ഐശ്വര്യ ഡോങ്ങ്‌ഗ്രേയുടെ നിര്‍ദ്ദേശപ്രകാരം ഇരിങ്ങാലക്കുട ഡി.വൈ.എസ്.പി. ബാബു കെ.തോമസ്, ആളൂര്‍ ഇന്‍സ്‌പെക്ടര്‍ എം.ബി. സിബിന്‍ എന്നിവരുടെ സംഘം അറസ്റ്റു ചെയ്തു. കഴിഞ്ഞ ദിവസം പുലര്‍ച്ചെ മൂന്നു മണിയോടെയാണ് സായ്കൃഷ്ണയെ പോലീസ് സംഘം പിടികൂടിയത്. ഇക്കഴിഞ്ഞ ക്രിസ്മസ് ദിനത്തില്‍ വൈകിട്ട് ഏഴരയോടെയായിരുന്നു കേസ്സിനാസ്പദമായ സംഭവം. അവിട്ടത്തൂര്‍ സ്വദേശികളായ ബാബു, സിജേഷ് എന്നിവര്‍ക്കാണ് പരുക്കേറ്റത്. ബന്ധുവിന്റെ വീട്ടു മതിലില്‍ കയറിയിരുന്ന് മദ്യത്തിനും മയക്കുമരുന്നിനും ലഹരിയിലായിരുന്ന പ്രതികള്‍ ബഹളമുണ്ടാക്കുന്നത് ഇവര്‍ വിലക്കിയിരുന്നു. ആ സമയം അവിടെ നിന്നു പോയ പ്രതികള്‍ അല്പസമയത്തിനുള്ളില്‍ സംഘടിച്ചെത്തി റോഡരികില്‍ നില്‍ക്കുകയായിരുന്ന ബാബുവിനേയും, സിജേഷിനേയും ബിയര്‍ കുപ്പി കൊണ്ടും മരവടി കൊണ്ടും തലയ്ക്കടിച്ചു വീഴ്ത്തി ആക്രമിക്കുകയായിരുന്നു. ഗുരുതര പരുക്കുകളോടെ ബാബു അങ്കമാലി അപ്പോളോ ആശുപത്രിയില്‍ അത്യാസന്ന നിലയില്‍ ചികിത്സയിലാണ്. സിജേഷിനും സാരമായ പരുക്കുകള്‍ ഉണ്ട്. പ്രതികളില്‍ പ്രായപൂര്‍ത്തിയാകാത്തവരും ഉണ്ടായിരുന്നു. പ്രതികള്‍ക്കെതിരെ പോലീസ് ശക്തമായ നടപടികള്‍ സ്വീകരിച്ചു വരികയാണ്. പ്രധാന പ്രതികളില്‍ രണ്ട് പേര്‍ ഒളിവാണ്. അറിസ്റ്റിലായ സായ് കൃഷ്ണയെ കോടതിയില്‍ ഹാജരാക്കി റിമാന്റ് ചെയ്തു. ആളൂര്‍ എസ്.ഐ. കെ.എസ് സുബിന്ത്, എം.എസ്.പ്രദീപ്, ദാസന്‍ മുണ്ടയ്ക്കല്‍, എ.എസ്.ഐ.മാരായ കെ.ടി.ജോഷി, ടി.ആര്‍.ബാബു (സ്‌പെഷ്യല്‍ ബ്രാഞ്ച്)സീനിയര്‍ സി.പി.ഒ മാരായ മനോജ്, ഇ.എസ്.ജീവന്‍ , സോണി സേവ്യര്‍ , സി.പി.ഒ കെ.എസ്.ഉമേഷ് എന്നിവരടങ്ങിയ സംഘമാണ് പ്രതിയെ പിടികൂടിയത്.
About Author
സെന്റ് ജോസഫ്‌സ് കോളജിലെ സുവോളജി വിഭാഗം ശില്‍പ്പശാല സംഘടിപ്പിച്ചു 
കേരള വ്യാപാരി വ്യവസായി ഏകോപനസമിതി എം.ഓ. ജോണ്‍ ഓര്‍മ്മദിനം ആചരിച്ചു 
പിടികിട്ടാപ്പുള്ളി 26 വര്‍ഷത്തിന് ശേഷം അറസ്റ്റില്‍ 
നവജാതശിശു സംരക്ഷണ വാരാചരണത്തിന് തുടക്കമായി 
സെന്റ് ജോസഫ്‌സ് കോളജില്‍ ഫിസിക്‌സ് വിഭാഗം, ഐഎസ്ആര്‍ഒ സ്‌പേസ് എക്‌സ്‌പോ ഒരുക്കി 
റോഡ് സുരക്ഷ: മാതൃകയായി അവിട്ടത്തൂര്‍ സ്‌കൂളിലെ ഗൈഡ്‌സ് വിദ്യാര്‍ഥിനികള്‍ 
