പുരസ്‌കാരപ്പെരുമഴയില്‍ ക്രൈസ്റ്റ് എന്‍ജിനീയറിംഗ് കോളജ് ഐഇഡിസി
ഇരിങ്ങാലക്കുട: വിദ്യാര്‍ഥി യുവജനസംരംഭകര്‍ക്കു വേണ്ടി കേരള സ്റ്റാര്‍ട്ട് അപ്പ് മിഷന്‍ സംഘടിപ്പിച്ച വാര്‍ഷിക സംരംഭക ഉച്ചകോടിയായ ഐഇഡിസി സമ്മിറ്റില്‍ പുരസ്‌കാരത്തിളക്കവുമായി ക്രൈസ്റ്റ് എന്‍ജിനീയറിംഗ് കോളജ് ഐഇഡിസി വിഭാഗം. കേരളത്തിലെ 340 ഓളം കോളജുകളിലെ ഐഇഡിസി വിഭാഗങ്ങളെ പങ്കെടുപ്പിച്ചു കൊണ്ടു കേരള സ്റ്റാര്‍ട്ട് അപ്പ് മിഷന്‍ കഴിഞ്ഞ മൂന്നു മാസങ്ങളായി നടത്തി വരുന്ന ഇന്നവേറ്റേഴ്‌സ് പ്രീമിയര്‍ ലീഗില്‍ (ഐപിഎല്‍) സംസ്ഥാന തലത്തില്‍ മൂന്നാം സ്ഥാനവും ജില്ലാ തലത്തില്‍ ഒന്നാം സ്ഥാനവും നേടിയാണു കോളജ് ശ്രദ്ധേയമായത്. വിദ്യാര്‍ഥികളുടെ സാങ്കേതിക, സംരംഭകത്വ ശേഷികള്‍ വര്‍ധിപ്പിക്കാന്‍ ലക്ഷ്യം വെച്ചു നടത്തിയ വിവിധ പരിശീലന പരിപാടികളുടെയും മത്സരങ്ങളുടെയും മികവു കണക്കിലെടുത്തണ് അവാര്‍ഡ്. ക്രൈസ്റ്റ് എന്‍ജിനീയറിംഗ് കോളജ് സംഘടിപ്പിച്ച വാര്‍ഷിക ഹാക്കത്തോണായ ‘ലൈഫത്തോണിന്’ പ്രത്യേക പുരസ്‌കാരവും ലഭിച്ചു. വിദ്യാര്‍ഥികളും സംരംഭകരും നിക്ഷേപകരുമുള്‍പ്പെടെ 5000 ഓളം പ്രതിനിധികള്‍ സംബന്ധിച്ചു. സംരംഭകത്വ മേഖലയിലെ പ്രമുഖരുമായി സംവദിക്കാനും വിദ്യാര്‍ഥികള്‍ക്കു തങ്ങളുടെ ആശയങ്ങളും സംരംഭങ്ങളും പ്രദര്‍ശിപ്പിക്കാനുമുള്ള അവസരങ്ങള്‍ ഉച്ചകോടിയുടെ ഭാഗമായി ഒരുക്കിയിരുന്നു. ജോയിന്റ് ഡയറക്ടര്‍ ഫാ. ആന്റണി ഡേവിസ്, ഐഇഡിസി നോഡല്‍ ഓഫീസര്‍ ഒ. രാഹുല്‍ മനോഹര്‍, ഡോ. എ. ശ്രീദേവി, ജസ്റ്റിന്‍ ജെ. താന്നിക്കല്‍, വിദ്യാര്‍ഥി പ്രതിനിധികള്‍ എന്നിവര്‍ ചേര്‍ന്നു പുരസ്‌കാരങ്ങള്‍ ഏറ്റുവാങ്ങി. നാലാം വര്‍ഷ കംപ്യൂട്ടര്‍ സയന്‍സ് വിദ്യാര്‍ഥിയും ക്രൈസ്റ്റ് എന്‍ജിനീയറിംഗ് കോളജ് ഐഇഡിസിസി ഇഒയുമായ തോമസ് സെബി ഐപിഎല്ലിലെ മികച്ച സ്റ്റുഡന്റ് കോ-ഓര്‍ഡിനേറ്റര്‍ക്കുള്ള പ്രത്യേക പരാമര്‍ശത്തിനും അര്‍ഹനായി.
About Author
കേരള വ്യാപാരി വ്യവസായി ഏകോപനസമിതി എം.ഓ. ജോണ്‍ ഓര്‍മ്മദിനം ആചരിച്ചു 
ടൂര്‍ണ്ണമെന്റില്‍ ജേതാക്കളായ കാരുമാത്ര ഗവ. യുപി സ്‌കൂള്‍ ഫുട്‌ബോള്‍ ടീമിനെ അനുമോദിച്ചു 
നവജാതശിശു സംരക്ഷണ വാരാചരണത്തിന് തുടക്കമായി 
ഐടി മേളയില്‍ രണ്ടാം സ്ഥാനം എ ഗ്രേഡ് നേടിയ ജെസ്‌ലെറ്റ് ജോബി 
ഇരിങ്ങാലക്കുട ഗവ. എല്‍പി സ്‌കൂളില്‍ കിഡ്‌സ് ഫെസ്റ്റ് നടത്തി 
സെന്റ് ജോസഫ്‌സ് കോളജില്‍ ഫിസിക്‌സ് വിഭാഗം, ഐഎസ്ആര്‍ഒ സ്‌പേസ് എക്‌സ്‌പോ ഒരുക്കി 
