വിവാഹ വാര്ഷിക ദിനത്തില് തെരുവില് കഴിയുന്നവര്ക്കു ബിരിയാണി നല്കി
Warning: Attempt to read property "post_excerpt" on null in /var/www/wptbox/wp-content/themes/magnitude/inc/hooks/hook-single-header.php on line 109
ഇരിങ്ങാലക്കുട: കണ്ടെയ്ന്മെന്റ് സോണായ ഇരിങ്ങാലക്കുടയില് തെരുവില് കഴിയുന്നവര്ക്കു കഴിഞ്ഞ ദിവസം ലഭിച്ചതു സുഭിക്ഷമായ ചിക്കന് ബിരിയാണി. കോവിഡ് രോഗ വ്യാപനത്തെ തുടര്ന്നു ഇരിങ്ങാലക്കുട നഗരസഭ പൂര്ണമായും കണ്ടെയ്ന്മെന്റ് സോണാണ്. ഹോട്ടലുകള് ഒന്നും തന്നെ തുറന്നു പ്രവര്ത്തിക്കുന്നില്ല. തെരുവില് കഴിയുന്ന ഒട്ടനവധി പേരാണു ഇരിങ്ങാലക്കുടയില് ഉളളത്. കഴിഞ്ഞ രണ്ടു വര്ഷകാലമായി നിത്യവും ഇവര്ക്കു ഉച്ചക്ഷണം നല്കുന്ന ഒരു ഫ്രിഡ്ജ് ഉണ്ട്. ഇരിങ്ങാലക്കുടയില് ഫ്രണ്ട്സ് ഫോര് എവര് എന്ന കൂട്ടായ്മയുടെ നേതൃത്വത്തില് ബോയ്സ് സ്കൂളിനു മുന്നിലാണു ഇത്തരത്തില് തെരുവില് കഴിയുന്നവര്ക്കു ഭക്ഷണവിതരണം നടത്തുന്നത്. കൂട്ടായ്മയിലെ അംഗമായ നൗഫല് ചെന്ത്രാപ്പിന്നിയുടെയും ഭാര്യ മസിഹത്തിന്റെയും ഒന്നാം വിവാഹ വാര്ഷിക ദിനമായിരുന്ന കഴിഞ്ഞ ദിവസമാണു ഭക്ഷണം നല്കിയത്. ഈ സുദിനം കൊറോണ കാലത്തു തെരുവില് കഴിയുന്നവര്ക്കു അന്നം നല്കി കൊണ്ടാകാമെന്നു ഇവര് തീരുമാനിക്കുകയായിരുന്നു. പെരിഞ്ഞനം മുതല് ചെന്ത്രാപ്പിന്നി വരെ തെരുവില് കഴിയുന്നവര്ക്കും ഇരിങ്ങാലക്കുടയിലെ തെരുവോരത്ത് കഴിയുന്നവര്ക്കും ചിക്കന് ബിരിയാണിയാണു ഇവര് വിളമ്പിയത്. കോവിഡ് നിയന്ത്രണങ്ങള് പാലിച്ച് ബിരിയാണി വിളമ്പുവാന് ഫ്രണ്ട്സ് ഫോര് എവര് എന്ന കൂട്ടായ്മയ്ക്കു നേതൃത്വം നല്കുന്ന പി.എം. നൗഷാദ്, ഹരി ലോറ, അഷറഫ് എന്നിവരും ഉണ്ടായിരുന്നു.

കുച്ചിപ്പുടിയില് പാരമ്പര്യത്തിലൂന്നിയ പുതുമകള് അനിവാര്യം: നവ്യം 2026 സമാപനത്തില് പദ്മവാണി മോസലികണ്ടി
പി.കെ. ചാത്തന് മാസ്റ്റര് സ്മൃതിസഭയോട് അനുബന്ധിച്ച് ബിജെപിയുടെ നേതൃത്വത്തില് ഉന്നതികളില് ഗൃഹസന്ദര്ശനം നടത്തി
കാട്ടൂരിലെ സ്പിരിറ്റ് വേട്ട; അന്വേഷണം എക്സൈസ് അസി. കമ്മീഷണര്ക്ക്
ഓരോ കുഞ്ഞിലും ഒരു സൂപ്പര്ഹീറോ; സ്വപ്നങ്ങള്ക്ക് ചിറകേകി ചിറക് 2026
യുവപ്രതിഭകള്ക്ക് വേദിയൊരുക്കാന് നവ്യം പോലുള്ള അരങ്ങുകള് അനിവാര്യമെന്ന് ജി. വേണുഗോപാല്
അഡ്വ. തോമസ് ഉണ്ണിയാടന് എംഎല്എ സന്ദര്ശിച്ചു