നിയന്ത്രണം വിട്ട ആംബുലന്സ് വൈദ്യുതി പോസ്റ്റുകളിലിടിച്ച് റോഡില് മറിഞ്ഞു
ഇരിങ്ങാലക്കുട: നിയന്ത്രണം വിട്ട ആംബുലന്സ് വൈദ്യുതി പോസ്റ്റിലിടിച്ച് റോഡില് മറിഞ്ഞു. ഇന്നലെ പുലര്ച്ച 6.30 ഓടെ ഇരിങ്ങാലക്കുട ചന്തക്കുന്ന്-മൂന്നുപീടിക റോഡിലാണ് സംഭവം. കോട്ടയം മെഡിക്കല് കോളജില്നിന്നും മൃതദേഹവുമായ് ചാവക്കാട്ടേക്കു പോയ ആംബുലന്സ് തിരിച്ചു വരുമ്പോഴാണ് അപകടം നടന്നത്. അപകടം നടക്കുന്ന സമയം ചെറിയ തോതില് ചാറ്റല് മഴ ഉണ്ടായിരുന്നു. ആംബുലന്സ് ഡ്രൈവര് ഈരാട്ടുപേട്ട സ്വദേശി തന്നാലപറമ്പില് വീട്ടില് അല്താഫ് പരിക്കുകളില്ലാതെ രക്ഷപ്പെട്ടു. എതിരെ വന്ന ബൈക്കിന് സൈഡ് നല്കുന്നതിനിടയില് ആംബുലന്സിന്റെ നിയന്ത്രണം പോകുകയും റോഡരികിലെ ഇലക്ട്രിക് പോസ്റ്റുകളില് ഇടിക്കുകയും റോഡിനു കുറുകെ മറിയുകയുമായിരുന്നു. നാല് ഇലക്ട്രിക് പോസ്റ്റുകളും കേബിള് ടിവികളുടെ പോസ്റ്റുകളും തകര്ന്നു. ഈ സമയം ഇതുവഴി യാത്രക്കാര് ഇല്ലാതിരുന്നതിനാല് വലിയ അപകടം ഒഴിവായി. ഇരിങ്ങാലക്കുട പോലീസ് സ്ഥലത്തെത്തി മേല്നടപടികള് സ്വീകരിച്ചു.
ഇരിങ്ങാലക്കുട ചന്തക്കുന്ന് – മൂന്നുപീടിക റോഡില് നിയന്ത്രണം വിട്ട് അപകടത്തില്പ്പെട്ട ആംബുലന്സ് റോഡില് മറിഞ്ഞ നിലയില്.

ആള്ക്കൂട്ട അരാജകത്വത്തിനെതിരെ ഇരിങ്ങാലക്കുടയില് ബിജെപി തെരുവ് ജനസഭ സംഘടിപ്പിച്ചു
കുച്ചിപ്പുടിയില് പാരമ്പര്യത്തിലൂന്നിയ പുതുമകള് അനിവാര്യം: നവ്യം 2026 സമാപനത്തില് പദ്മവാണി മോസലികണ്ടി
പി.കെ. ചാത്തന് മാസ്റ്റര് സ്മൃതിസഭയോട് അനുബന്ധിച്ച് ബിജെപിയുടെ നേതൃത്വത്തില് ഉന്നതികളില് ഗൃഹസന്ദര്ശനം നടത്തി
കാട്ടൂരിലെ സ്പിരിറ്റ് വേട്ട; അന്വേഷണം എക്സൈസ് അസി. കമ്മീഷണര്ക്ക്
മുരിയാട് പഞ്ചായത്ത് കേരളോത്സവം സമാപിച്ചു
ദേശീയ മാധ്യമദിന0; ക്രൈസ്റ്റ് കോളജ് മാധ്യമ ശില്പശാല സംഘടിപ്പിച്ചു