സിപിഎം പൊറത്തിശേരി ലോക്കല്‍ കമ്മിറ്റി നിര്‍മിച്ചുനല്‍കുന്ന സ്നേഹവീടിന്റെ നിര്‍മാണം ആരംഭിച്ചു
മാപ്രാണം: സിപിഎം പൊറത്തിശേരി ലോക്കല്‍ കമ്മിറ്റി നിര്‍ധന കുടുംബത്തിന് നിര്‍മിച്ചുനല്‍കുന്ന സ്നേഹവീടിന്റെ നിര്‍മാണം ആരംഭിച്ചു. സിപിഎം ജില്ലാ സെക്രട്ടറി എം.എം. വര്‍ഗീസ് വീടിന്റെ തറക്കല്ലിട്ടു. ചടങ്ങില്‍ ഏരിയാ കമ്മിറ്റിയംഗം എം.ബി. രാജു അധ്യക്ഷത വഹിച്ചു. ഏരിയാ സെക്രട്ടറി വി.എ. മനോജ്കുമാര്‍ ആശംസകളര്‍പ്പിച്ചു. ലോക്കല്‍ കമ്മിറ്റി സെക്രട്ടറി ആര്‍.എല്‍. ശ്രീലാല്‍ സ്വാഗതവും സ്നേഹവീട് നിര്‍മാണകമ്മിറ്റി കണ്‍വീനര്‍ കെ.ജെ. ജോണ്‍സണ്‍ നന്ദിയും പറഞ്ഞു. 22-ാം പാര്‍ട്ടി കോണ്‍ഗ്രസിന്റെ ഭാഗമായി തൃശൂരില്‍ ചേര്‍ന്ന സിപിഎം സംസ്ഥാന സമ്മേളനത്തിലാണ് കേരളത്തിലെ പാര്‍ട്ടി ലോക്കല്‍ കമ്മിറ്റികള്‍ കുറഞ്ഞത് ഒരു നിര്‍ധന കുടുംബത്തിനെങ്കിലും ഒരു വീട് നിര്‍മിച്ചു നല്‍കണമെന്ന് തീരുമാനിച്ചത്. ആയതിന്റെ ഭാഗമായാണ് പാര്‍ട്ടി പൊറത്തിശേരി ലോക്കല്‍ കമ്മിറ്റി മാടായിക്കോണം പരേതനായ ആലിങ്ങപ്പറമ്പില്‍ ആനന്ദന്റെ മകള്‍ ആതിരയ്ക്കും, അമ്മ രമയ്ക്കുമായി സ്നേഹവീട് നിര്‍മിച്ചുനല്‍കാന്‍ തീരുമാനിച്ചത്. വളരെ നിര്‍ധനകുടുംബമായ ആതിരയ്ക്കും, അമ്മ രമയ്ക്കുമായി മാടായിക്കോണത്ത് സ്വന്തമായുള്ള മൂന്ന് സെന്റ് സ്ഥലത്താണ് സ്നേഹവീട് ഒരുക്കുന്നത്. നിര്‍മാണം തുടങ്ങുന്നതിനുള്ള പ്രാഥമിക ധനസമാഹരണം പാര്‍ട്ടി പ്രവര്‍ത്തകര്‍ ആക്രി ശേഖരിച്ചുവിറ്റും, പായസചാലഞ്ചുവഴിയുമാണ് ശേഖരിച്ചത്. തുടര്‍ന്ന് സുമനസുകള്‍ സ്പോണ്‍സര്‍ വഴി നല്‍കുന്ന നിര്‍മാണ സാമഗ്രികള്‍ ശേഖരിച്ചും, പാര്‍ട്ടി പ്രവര്‍ത്തകരുടെ സന്നദ്ധസേവനം ഉപയോഗിച്ചും വീടുനിര്‍മാണം പൂര്‍ത്തീകരിക്കാനാണ് ഉദ്ദേശിക്കുന്നത്. മാള ഐടിഐയില്‍ ആര്‍ക്കിട്ടെക്ച്ചര്‍ വിദ്യാര്‍ഥിനിയായ ആതിരയ്ക്ക് 650 ച. അടി തറ വിസ്തീര്‍ണമുള്ള വീടാണ് ഒരുങ്ങുന്നത്.
About Author
നവീകരിച്ച ഇരിങ്ങാലക്കുട ക്രൈസ്റ്റ് ആശ്രമദേവാലയത്തിന്റെ വെഞ്ചിരിപ്പ് നിര്‍വഹിച്ചു 
ഇരിങ്ങാലക്കുട ടൗണ്‍ ലയണ്‍സ് ക്ലബ്ബ് വാക്കറുകള്‍ ഹൃദയ പാലിയേറ്റീവ് കെയറിന് വിതരണം ചെയ്തു 
പടിയൂര്‍ പുളിക്കലച്ചിറ പഴയപാലം പൊളിച്ചുതുടങ്ങി, പായമ്മല്‍ പടിയൂര്‍ റോഡില്‍ ഭാരവാഹനങ്ങള്‍ നിരോധിച്ചു 
അഖിലേന്ത്യാ സഹകരണ വാരാഘോഷത്തിന് തുടക്കമായി 
സംസ്ഥാനതല ശാസ്ത്രപ്രശ്‌നോത്തരി മത്സരത്തില്‍ ഇരിങ്ങാലക്കുട ഭാരതീയ വിദ്യാഭവന്‍ ജേതാക്കളായി 
ദ്വിദിന ലോക്‌സ് 11 ഹാര്‍ഡ്‌ബോള്‍ ക്രിക്കറ്റ് ലീഗ് മുന്‍ നഗരസഭാ ചെയര്‍പേഴ്‌സണ്‍ സോണിയ ഗിരി ഉദ്ഘാടനം ചെയ്തു 
