അവയവദാതാക്കളുടെ കുടുംബങ്ങള്‍ക്കുള്ള ആദരണ സമ്മേളനവും ഗാനമേള മത്സരവും ജനുവരി നാലിന്
ഇരിങ്ങാലക്കുട: ഇരിങ്ങാലക്കുട വെസ്റ്റ് ലയണ്‍സ് ക്ലബിന്റെ ആഭിമുഖ്യത്തില്‍ അവയവദാതാക്കളുടെ കുടുംബങ്ങള്‍ക്കുള്ള ആദരണ സമ്മേളനവും ഗാനമേള മത്സരവും ജനുവരി നാലിന് വൈകീട്ട് ആറ് മണിക്ക് മുനിസിപ്പല്‍ മൈതാനത്ത് നിയമസഭ സ്പീക്കര്‍ എ.എന്‍. ഷംസീര്‍ ഉദ്ഘാടനം ചെയ്യും. 2015 ആഗസ്റ്റ് 18ന് മസ്തിഷ്‌ക മരണത്തോടനുബന്ധിച്ച് ആറ് അവയവങ്ങള്‍ ദാനം ചെയ്ത ആദിത് പോള്‍സന്റെ കുടുംബത്തേയും, 2022 ഡിസംബര്‍ 13ന് മരണമടഞ്ഞ് അഞ്ച് അവയവങ്ങള്‍ ദാനം ചെയ്ത ധീരജ് തേറാട്ടിലിന്റെ കുടുംബത്തേയും യോഗത്തില്‍ ആദരിക്കും. ബിഷപ്പ് മെത്രാന്‍ മാര്‍ പോളി കണ്ണൂക്കാടന്‍ അനുഗ്രഹ പ്രഭാഷണം നിര്‍വഹിക്കും. ലയണ്‍സ് ക്ലബ് 318 ഡി ഡിസ്ട്രിക്റ്റ് ഗവര്‍ണര്‍ സുഷമ നന്ദകുമാര്‍ മുഖ്യ അതിഥിയായിരിക്കും. വെസ്റ്റ് ലയണ്‍സ് ക്ലബ് പ്രസിഡന്റ് സതീശന്‍ നീലങ്കാട്ടില്‍ അധ്യക്ഷത വഹിക്കും. മുന്‍ മള്‍ട്ടിപ്പിള്‍ കൗണ്‍സില്‍ ചെയര്‍മാന്‍ സാജു ആന്റണി പാത്താടന്‍ മുഖ്യപ്രഭാഷണം നിര്‍വഹിക്കും. മുന്‍ ഗവ. ചീഫ് വിപ്പ് അഡ്വ. തോമസ് ഉണ്ണിയാടന്‍ അവയവദാന പ്രതിജ്ഞ ചൊല്ലികൊടുക്കും. മുന്‍ ഡിസ്ട്രിക്റ്റ് ഗവര്‍ണര്‍ ജോര്‍ജ് മൊറോലി അവയവദാന സമ്മതപത്രം വിതരണം നടത്തും. ഫസ്റ്റ് വൈസ് ഡിസ്ട്രിക്റ്റ് ഗവര്‍ണര്‍ ടോണി ആനോക്കാരന്‍, സെക്കന്റ് വൈസ് ഡിസ്ട്രിക്റ്റ് ഗവര്‍ണര്‍ ജെയിംസ് വളപ്പില, നഗരസഭ ചെയര്‍പേഴ്‌സണ്‍ സോണിയ ഗിരി, ലയണ്‍സ് ക്ലബ് ഏരിയ ചെയര്‍മാന്‍ വില്‍സന്‍ ഇലഞ്ഞിക്കല്‍, റീജിയന്‍ ചെയര്‍മാന്‍ ഷാജന്‍ ചക്കാലക്കല്‍, സോണ്‍ ചെയര്‍മാന്‍ വി.ആര്‍. പ്രേമന്‍, പബ്ലിസിറ്റി കണ്‍വീനര്‍ അഡ്വ. കെ.ജി. അജയ്കുമാര്‍, വെസ്റ്റ് ലയണ്‍സ് ക്ലബ് സെക്രട്ടറി ഷാജു കണ്ടംകുളത്തി എന്നിവര്‍ സംസാരിക്കും. ആദരണ സമ്മേളനത്തോടനുബന്ധിച്ച് ലയണ്‍സ് ക്ലബ് ഇന്റര്‍നാഷണല്‍ ബെസ്റ്റ് ബിസിനസ് മാന്‍ അവാര്‍ഡ് മാര്‍വെല്‍ ഏജന്‍സീസ് ഉടമ ബാബു മാര്‍വെല്‍, ജെ.പി. ട്രേഡിംഗ് കമ്പനി ഉടമ ബിനോയ് സെബാസ്റ്റിയന്‍ എന്നിവര്‍ക്ക് സമര്‍പ്പിക്കുമെന്ന് ഇരിങ്ങാലക്കുട വെസ്റ്റ് ലയണ്‍സ് ക്ലബ് പ്രസിഡന്റ് സതീശന്‍ നീലങ്കാട്ടില്‍, സെക്രട്ടറി ഷാജു കണ്ടംകുളത്തി, ട്രഷറര്‍ പി.സി. ജോര്‍ജ്, ജനറല്‍ കണ്‍വീനര്‍ ഷാജന്‍ ചക്കാലക്കല്‍, പബ്ലിസിറ്റി കണ്‍വീനര്‍ അഡ്വ. കെ.ജി. അജയ്കുമാര്‍ എന്നിവര്‍ അറിയിച്ചു.
About Author
കേരള വ്യാപാരി വ്യവസായി ഏകോപനസമിതി എം.ഓ. ജോണ്‍ ഓര്‍മ്മദിനം ആചരിച്ചു 
നവജാതശിശു സംരക്ഷണ വാരാചരണത്തിന് തുടക്കമായി 
സെന്റ് ജോസഫ്‌സ് കോളജില്‍ ഫിസിക്‌സ് വിഭാഗം, ഐഎസ്ആര്‍ഒ സ്‌പേസ് എക്‌സ്‌പോ ഒരുക്കി 
റോഡ് സുരക്ഷ: മാതൃകയായി അവിട്ടത്തൂര്‍ സ്‌കൂളിലെ ഗൈഡ്‌സ് വിദ്യാര്‍ഥിനികള്‍ 
ക്രൈസ്റ്റ് എന്‍ജിനീയറിംഗ് കോളജില്‍ ഹയര്‍ സെക്കന്‍ഡറി അധ്യാപകര്‍ക്ക് ആദരം ഗ്രെയ്‌സ് 2024 നടന്നു 
ദോഹ ഖത്തറില്‍ ഡ്രൈവര്‍മാരായി ജോലി ചെയ്തവരുടെ ഖത്തര്‍ പ്രവാസി കൂട്ടായ്മ സംഗമം നടന്നു 
