മികച്ച ചികിത്സയ്ക്ക് ജനറല്‍ ആശുപത്രി : മാതൃ-ശിശു സംരക്ഷണവിഭാഗത്തില്‍ വരുന്നത് 4.75 കോടി രൂപയുടെ വിപുലീകരണം
ഇരിങ്ങാലക്കുട: ജനറല്‍ ആശുപത്രിയിലെ മാതൃശിശു സംരക്ഷണ വിഭാഗം വിപുലീകരണത്തിനൊരുങ്ങുന്നു. മുന്നൊരുക്കങ്ങള്‍ പൂര്‍ത്തിയാക്കി കെട്ടിടം പൊളിക്കാനുള്ള പണികള്‍ ആരംഭിച്ചു. 4.75 കോടി രൂപ എന്‍എച്ച്എം ഫണ്ട് ഉപയോഗിച്ചാണ് മാതൃശിശു സംരക്ഷണ വിഭാഗം വിപുലീകരണ പ്രവര്‍ത്തനങ്ങള്‍ നടത്തുന്നത്. കെട്ടിടം പൊളിക്കുന്നതിന്‍റെ മുന്നോടിയായി ഇതില്‍ പ്രവര്‍ത്തിച്ചിരുന്ന കുട്ടികളുടെ വിഭാഗവും ഗൈനക്കോളജി ഒപി വിഭാഗം, തിയേറ്റര്‍, മറ്റ് യൂണിറ്റുകള്‍ എന്നിവയും ആശുപത്രിയിലെ മറ്റ് കെട്ടിടങ്ങളിലേക്ക് മാറ്റി പ്രവര്‍ത്തനം തുടങ്ങി. ഒപി യൂണിറ്റുകളും പൊതുജന ആരോഗ്യവിഭാഗവും ആശുപത്രി കോമ്പൗണ്ടിലേക്ക് കടക്കുമ്പോള്‍ വലതുഭാഗത്തുള്ള പഴയ ജനറല്‍ ഒപി കെട്ടിടത്തിലേക്ക് മാറ്റി.
2017 വരെ ഈ കെട്ടിടത്തില്‍ തന്നെയായിരുന്നു ആശുപത്രിയിലെ എല്ലാ ഒപി കളും പ്രവൃത്തിച്ചിരുന്നത്. പിന്നീട് കൊറോണയെത്തുടര്‍ന്ന് പുതിയ ഒപി കെട്ടിടം സജമാക്കി ചില ഒപി വിഭാഗങ്ങള്‍ അതിലേക്ക് മാറ്റുകയായിരുന്നു. നിലവിലുള്ള കെട്ടിടം വിപുലീകരിക്കുന്നതോടൊപ്പം മുകളില്‍ ഒരു നിലകൂടി പണിയാനാണ് പദ്ധതി. കൂടുതല്‍ വാര്‍ഡുകള്‍, പേ വാര്‍ഡ് റൂമുകള്‍, റാമ്പ് റൂം, സ്റ്റെയര്‍ റൂം എന്നിവക്ക് പുറമേ അത്യാധുനിക സൗകര്യങ്ങളോടുകൂടിയ എന്‍ഐസിയുവും അനുബന്ധ സൗകര്യങ്ങളും പുതിയ കെട്ടിടത്തില്‍ ലഭ്യമാക്കും. ഒന്നര വര്‍ഷം കൊണ്ട് നിര്‍മാണം പൂര്‍ത്തിയാക്കാനാണ് ലക്ഷ്യമിടുന്നത്.
About Author
കരൂപ്പടന്ന എന്‍എസ്എസ് വളണ്ടിയര്‍മാര്‍ പല്ലൊട്ടി സിനിമയുടെ അണിയറ പ്രവര്‍ത്തകരുമായി സംവദിച്ചു 
വാര്‍ഡ് വിഭജനം; കരട് വിജ്ഞാപനമായി; ഇരിങ്ങാലക്കുട നഗരസഭയില്‍ ഇനി 43 വാര്‍ഡുകള്‍ 
കരുതിയിരിക്കുക, ഓണ്‍ലൈന്‍ തട്ടിപ്പുകളില്‍ വീഴരുതേ……ആദ്യം ഫോണ്‍ വിളി, താങ്ങളുടെ പേരില്‍ ക്രൈം കേസുകളുണ്ടെന്നു മുന്നറിയിപ്പ് 
ടൗണ്‍ അമ്പ് ഫെസ്റ്റ് 2025 സ്വാഗത സംഘം ഓഫീസ് ഉദ്ഘാടനം ചെയ്തു 
പിടികിട്ടാപ്പുള്ളി 26 വര്‍ഷത്തിന് ശേഷം അറസ്റ്റില്‍ 
നവജാതശിശു സംരക്ഷണ വാരാചരണത്തിന് തുടക്കമായി 
