കെഎസ്ഇ കാലിത്തീറ്റ കമ്പനി കിടാരികള്ക്കായി കെഎസ് പുഷ്ടിമ എന്ന തീറ്റ വിപണിയില് ഇറക്കി
ഇരിങ്ങാലക്കുട കെഎസ്ഇ കമ്പനി കിടാരികള്ക്കും കറവ വറ്റിയ പശുക്കള്ക്കുമായി പുറത്തിറക്കിയ കെഎസ് പുഷ്ടിമ കാലിത്തീറ്റ മാനേജിംഗ് ഡയറക്ടര് എം.പി. ജാക്സണ് ഉദ്ഘാടനം ചെയ്യുന്നു.
ഇരിങ്ങാലക്കുട: കേരളത്തിലെ പ്രമുഖ കാലിത്തീറ്റ നിര്മാതാക്കളായ കെഎസ്ഇ കമ്പനി കിടാരികള്ക്കും കറവ വറ്റിയ പശുക്കള്ക്കുമായി കെഎസ് പുഷ്ടിമ എന്ന തീറ്റ വിപണിയില് ഇറക്കി. ഉത്പാദനചെലവ് ഏറിയതോടെ വിലകുറഞ്ഞ തീറ്റകള് ലഭ്യമാക്കണമെന്ന ക്ഷീരകര്ഷകരുടെ ആവശ്യം പരിഗണിച്ചാണിത്. കമ്പനിയുടെ എജിഎം ഹാളില് നടന്ന ചടങ്ങില് കെഎസ്ഇ ലിമിറ്റഡ് മാനേജിംഗ് ഡയറക്ടര് എം.പി. ജാക്സണ് കെഎസ്ഇ ലിമിറ്റഡിന്റെ പുതിയ ഉല്പന്നമായ കെഎസ് പുഷ്ടിമയുടെ ആദ്യബാഗ് സമഗ്ര ക്ഷീരസംഘടനയുടെ സംസ്ഥാന സമിതിയംഗം പ്രദീപ് കുമാറിന് നല്കിക്കൊണ്ട് വിതരണോദ്ഘാടനം നിര്വഹിച്ചു. ജനറല് മാനേജര് എം. അനില്, കമ്പനി ബോര്ഡ് അംഗങ്ങളായ പി.ഡി. ആന്റോ, ഡോണി ജോര്ജ് അക്കരക്കാരന്, ക്ഷീരകര്ഷകന് എന്. സത്യന് എന്നിവര് പ്രസംഗിച്ചു. തുടര്ന്ന് നടന്ന ബോധവത്കരണ ക്ലാസില് മുന്നൂറോളം ക്ഷീരകര്ഷകര് പങ്കെടുത്തു.
About Author
ഇരിങ്ങാലക്കുട ഉപജില്ല സ്കൂള് ഗെയിംസ് ബാസ്കറ്റ്ബോള് ടൂര്ണമെന്റില് മികച്ച നേട്ടവുമായി സെന്റ് മേരീസ് ഹയര്സെക്കന്ഡറി സ്കൂള് ടീം 
എന്എസ്എസ് കരയോഗ യൂണിയന് സാഹിതീയം ദ്വൈമാസ ചര്ച്ച നടത്തി 
ഇരിങ്ങാലക്കുട ബ്ലോക്ക് പഞ്ചായത്ത് ഹരിത വസന്തം പച്ചക്കറി കൃഷി പദ്ധതി ഉദ്ഘാടനം ചെയ്തു 
ജിജെ ഇന്ഫോടെക് പ്രൈവറ്റ് ലിമിറ്റഡിന്റെ രജത ജൂബിലി ആഘോഷം നടത്തി 
സ്നേഹയോഗ പരിശീലകനും സാഹിത്യകാരനുമായ ഫ്രാന്സിസ് അസീസി അന്തരിച്ചു 
ആദരിച്ചു 
