കാല്‍ നൂറ്റാണ്ടായി ഇരിങ്ങാലക്കുട നഗരസഭ ഭരിച്ചത് ദിശാബോധമില്ലാത്ത ഭരണാധികാരികള്‍- മന്ത്രി ഡോ ആര്‍ ബിന്ദു
ഇരിങ്ങാലക്കുട നഗരസഭ എല്‍ഡിഎഫ് കണ്‍വെന്‍ഷന്‍ മന്ത്രി ഡോ. ആര്‍ ബിന്ദു ഉദ്ഘാടനം ചെയ്യുന്നു.
ഇരിങ്ങാലക്കുട: കാല്‍ നൂറ്റാണ്ടായി ഇരിങ്ങാലക്കുട നഗരസഭ ഭരണം കയ്യാളിയത് ദിശാബോധമില്ലാത്ത ഭരണാധികാരികളാണെന്ന് ഉന്നത വിദ്യാഭ്യാസ വകുപ്പ് മന്ത്രി ഡോ ആര്‍ ബിന്ദു. ഒരു ക്രിമിറ്റോറിയമോ അറവുശാലയോ ഇല്ലാത്ത നഗരസഭയായി ഇരിങ്ങാലക്കുട മാറി. ഇരിങ്ങാലക്കുട നഗരസഭ എല്‍ഡിഎഫ് കണ്‍വെന്‍ഷന്‍ എസ്എന്‍ ക്ലബ് ഹാളില്‍ ഉദ്ഘാടനം ചെയ്തു സംസാരിക്കുകയായിരുന്നു മന്ത്രി.
ഇത്രയും തകര്‍ന്ന് കിടക്കുന്ന റോഡുകള്‍ എത് നഗരസഭയിലാണ് കാണാന്‍ കഴിയുക. ഞാറ്റുവേല മഹോല്‍സവത്തിന്റെ പേരില്‍ മലമൂത്ര വിസര്‍ജ്ജ്യങ്ങള്‍ മൈതാനത്ത് നിക്ഷേപിച്ച ഗുരുതരമായ തെറ്റാണ് നഗരസഭ ചെയ്തത്. വികസനവുമായി ബന്ധപ്പെട്ട് കൊണ്ട് വന്ന പദ്ധതികള്‍ തടസ്സപ്പെടുത്താനാണ് നഗരസഭ ഭരണകൂടം ശ്രമിച്ചത്. ഗേള്‍സ് ഹയര്‍ സെക്കന്‍ഡറി സ്‌കൂളിലെ മതില്‍, കെട്ടിട നിര്‍മ്മാണ വേളയില്‍ ഒട്ടേറെ പ്രതിബന്ധങ്ങളാണ് നഗരസഭ സൃഷ്ടിച്ചത്.
തകര്‍ന്ന് കിടക്കുന്ന ബൈപ്പാസ് റോഡ് അഞ്ച് കോടി രൂപ ചിലവഴിച്ച് പുനര്‍നിര്‍മ്മിക്കാനുള്ള പദ്ധതിയുടെ കാര്യത്തിലും നഗരസഭ ഭരണാധികാരികള്‍ അനാസ്ഥ കാണിച്ചതായി മന്ത്രി പറഞ്ഞു. സിപിഐ മണ്ഡലം അസി. സെക്രട്ടറി അഡ്വ പി ജെ ജോബി അധ്യക്ഷത വഹിച്ചു. ജില്ലാ പഞ്ചായത്ത് മുന്‍ പ്രസിഡന്റ് പി കെ ഡേവിസ് മാസ്റ്റര്‍, എല്‍ഡിഎഫ് നേതാക്കളായ ഉല്ലാസ് കളക്കാട്ട് , പി മണി, എം ബി രാജു മാസ്റ്റര്‍, അഡ്വ കെ ആര്‍ വിജയ , ടി കെ വര്‍ഗ്ഗീസ്, രാജു പാലത്തിങ്കല്‍ , അഡ്വ പാപ്പച്ചന്‍ വാഴപ്പിള്ളി, ഗിരീഷ് മണപ്പെട്ടി, റഷീദ് കാട്ടൂര്‍, എ ടി വര്‍ഗ്ഗീസ് തുടങ്ങിയവര്‍ സംസാരിച്ചു.
About Author
ക്വാണ്ടം മെക്കാനിക്‌സിന്റെ നിഗൂഢതകള്‍ ശാസ്ത്ര വിജ്ഞാന ക്ലാസ് നടത്തി 
കരുവന്നൂര്‍ സെന്റ് മേരീസ് പള്ളിയില്‍ ജപമാല രാജ്ഞിയുടെ തിരുനാളിന് കൊടികയറി 
പനി ബാധിച്ച് വിദ്യാര്‍ഥിനി മരിച്ചു 
കാലിക്കറ്റ് യൂണിവേഴ്‌സിറ്റി ഡി സോൺ ഫുട്ബോൾ: ക്രൈസ്റ്റ് കോളേജ് ജേതാക്കൾ 
ഇരിങ്ങാലക്കുട ഉപജില്ലാ ശാസ്‌ത്രോത്സവം: ലോഗോ പ്രകാശനം ചെയ്തു 
വിദ്യാരംഗം കലാസാഹിത്യ വേദി ഇരിങ്ങാലക്കുട ഉപജില്ല സര്‍ഗോത്സവം ആരഭി സമാപിച്ചു 
