സെന്റ് ജോസഫ്‌സ് കോളജില്‍ ഇന്റഗ്രേറ്റഡ് ബയോളജി ഡിപ്പാര്‍ട്‌മെന്റ് അസോസിയേഷന്‍ ഡേ നടത്തി
ഇരിങ്ങാലക്കുട സെന്റ് ജോസഫ്‌സ് കോളജില്‍ ഇന്റഗ്രേറ്റഡ് ബയോളജി ഡിപ്പാര്ട്മെന്റിന്റെ നേതൃത്വത്തില് സംഘടിപ്പിച്ച അസോസിയേഷന്‍ ഡേ.
ഇരിങ്ങാലക്കുട: ഇരിങ്ങാലക്കുട സെന്റ് ജോസഫ്‌സ് കോളജില്‍ ഇന്റഗ്രേറ്റഡ് ബയോളജി ഡിപ്പാര്‍ട്‌മെന്റ് അസോസിയേഷന്‍ ഡേ നടത്തി. കേരള വനഗവേഷണ കേന്ദ്രത്തിലെ ബയോടെക്‌നോളജി ഡിപ്പാര്‍ട്ട്‌മെന്റിലെ സയന്റിസ്റ്റ് ബി, ഡോ. ഡൊണാള്‍ഡ് ജെയിംസ് ആണ് മുഖ്യാതിഥിയായി എത്തിയത്. ജീവശാസ്ത്രത്തിലെ നൂതന സാങ്കേതിക വിദ്യകളും സൗകര്യങ്ങളുമടങ്ങിയ പുതിയ ബയോളജി ലാബിന്റെ ഉദ്ഘാടനവും അദ്ദേഹം നിര്‍വഹിച്ചു.
വിദ്യാര്‍ഥികള്‍ക്ക് വിവിധ ബയോളജിക്കല്‍ സയന്‍സുകളില്‍ അനുഭവപരിചയം നല്‍കാനും അത്യാധുനിക ഗവേഷണത്തെ പ്രോത്സാഹിപ്പിക്കാനും ഈ ലാബ് ലക്ഷ്യമിടുന്നു. ജീനോം എഡിറ്റിംഗിനെക്കുറിച്ചും വൈദ്യശാസ്ത്രത്തിലും കൃഷിയിലുമുള്ള അതിന്റെ പ്രായോഗിക തലങ്ങളെക്കുറിച്ചും ഡോ. ഡൊണാള്‍ഡ് ജെയിംസിന്റെ ക്ലാസും സംഘടിപ്പിച്ചു.
ഉദ്ഘാടന ചടങ്ങില്‍ കോളജ് പ്രിന്‍സിപ്പല്‍ സിസ്റ്റര്‍ ഡോ. ബ്ലെസി, വൈസ് പ്രിന്‍സിപ്പല്‍ സിസ്റ്റര്‍ ഡോ. അഞ്ജന, ഇന്റഗ്രേറ്റഡ് ബയോളജി ഡിപ്പാര്‍ട്ട്‌മെന്റ് മേധാവി ആന്‍ ആന്റണി, ഐക്യുഎസി കോര്‍ഡിനേറ്റര്‍ ഡോ. ടി.വി. ബിനു എന്നിവര്‍ സന്നിഹിതരായിരുന്നു. രാവിലെ 10.30ന് ആരംഭിച്ച യോഗത്തില്‍ അസിസ്റ്റന്റ് പ്രഫ. പി.കെ. കീര്‍ത്തന സ്വാഗതം ആശംസിച്ചു. വിദ്യാര്‍ഥികളും ഇന്റഗ്രേറ്റഡ് ബയോളജി ഡിപ്പാര്‍ട്ട്‌മെന്റിലെ അധ്യാപകരായ എം. സുജിത, ഡോ. റ്റന്‍സിയ റോസലിന്‍, ഡോ. വി.ടി. അഞ്ചു എന്നിവരും പങ്കെടുത്തു.
About Author
കരൂപ്പടന്ന എന്‍എസ്എസ് വളണ്ടിയര്‍മാര്‍ പല്ലൊട്ടി സിനിമയുടെ അണിയറ പ്രവര്‍ത്തകരുമായി സംവദിച്ചു 
സെന്റ് ജോസഫ്‌സ് കോളജിലെ സുവോളജി വിഭാഗം ശില്‍പ്പശാല സംഘടിപ്പിച്ചു 
വാര്‍ഡ് വിഭജനം; കരട് വിജ്ഞാപനമായി; ഇരിങ്ങാലക്കുട നഗരസഭയില്‍ ഇനി 43 വാര്‍ഡുകള്‍ 
കരുതിയിരിക്കുക, ഓണ്‍ലൈന്‍ തട്ടിപ്പുകളില്‍ വീഴരുതേ……ആദ്യം ഫോണ്‍ വിളി, താങ്ങളുടെ പേരില്‍ ക്രൈം കേസുകളുണ്ടെന്നു മുന്നറിയിപ്പ് 
ടൗണ്‍ അമ്പ് ഫെസ്റ്റ് 2025 സ്വാഗത സംഘം ഓഫീസ് ഉദ്ഘാടനം ചെയ്തു 
ടൂര്‍ണ്ണമെന്റില്‍ ജേതാക്കളായ കാരുമാത്ര ഗവ. യുപി സ്‌കൂള്‍ ഫുട്‌ബോള്‍ ടീമിനെ അനുമോദിച്ചു 
