വയനാടിന് തണലൊരുക്കി ജനകീയ തട്ടുകടയുമായി എഐവൈഎഫ്
ഇരിങ്ങാലക്കുട: ദുരിതബാധിതര്ക്ക് തണലൊരുക്കാന് ഇരിങ്ങാലക്കുടയുടെ ഹൃദയത്തില് എഐവൈഎഫ് ഇരിങ്ങാലക്കുട മണ്ഡലം കമ്മിറ്റി സംഘടിപ്പിച്ച ജനകീയ തട്ടുകടയും ഗസല് സന്ധ്യയും മുന് കൃഷി വകുപ്പ് മന്ത്രിയും സിപിഐ സംസ്ഥാന കൗണ്സില് അംഗവുമായ അഡ്വ. വി.എസ്. സുനില്കുമാര് ഉദ്ഘാടനം ചെയ്തു.
തുടര്ന്ന് ഫുഡ് കോര്ണറില് വിവിധ തരം രുചി വിഭവങ്ങള്ക്കൊപ്പം പ്രശസ്ത ഗസല് ഗായകള് റഫീഖ് യൂസഫിന്റെ ഗസല് സന്ധ്യയും അരങ്ങേറി. ഇരിങ്ങാലക്കുട മണ്ഡലം പ്രസിഡന്റ് എം.പി. വിഷ്ണു ശങ്കര് അധ്യക്ഷത വഹിച്ചു. എഐവൈഎഫ് ജില്ലാ സെക്രട്ടറി പ്രസാദ് പാറേരി, ജില്ലാ പ്രസിഡന്റ് ബിനോയ് ഷബീര്, സിപിഐ മുതിര്ന്ന നേതാവ് കെ. ശ്രീകുമാര്, സിപിഐ ജില്ലാ എക്സിക്യൂട്ടീവ് അംഗം ടി.കെ. സുധിഷ്, സിപിഐ മണ്ഡലം സെക്രട്ടറി പി. മണി, അസി. സെക്രട്ടറി എന്.കെ. ഉദയപ്രകാശ്, കേരള മഹിള സംഘം ജില്ലാ സെക്രട്ടറി കെ.എസ്. ജയ, കൂടല്മാണിക്യം ചെയര്മാന് സി.കെ. ഗോപി എന്നിവര് സംസാരിച്ചു.
സിപിഐ ജില്ലാ കൗണ്സില് അംഗം അനിതാ രാധാകൃഷ്ണന്, ഐഎഎല് ജില്ലാ പ്രസിഡന്റ് പി.ജെ. ജോബി, എഐഡി ആര്എം ജില്ലാ സെക്രട്ടറി ബാബു ചിങ്ങാരത്ത്, എഐഎസ്എഫ് സംസ്ഥാന കമ്മിറ്റി അംഗം മിഥുന് പോട്ടക്കാരന് എന്നിവര് സന്നിഹിതരായിരുന്നു. എഐവൈഎഫ് മണ്ഡലം സെക്രട്ടറി ടി.വി. വിപിന് സ്വാഗതവും മണ്ഡലം വൈസ് പ്രസിഡന്റ് ഗവരേഷ് നന്ദിയും പറഞ്ഞു. രാഷ്ട്രീയ സാമൂഹിക സാംസ്കാരിക രംഗത്തെ പ്രമുഖരും പങ്കെടുത്തു.

വോട്ടു ബചാവോ ദേശ് ബചാവോ; ഇന്ത്യ മുന്നണി സമരത്തിന് ഐക്യദാര്ഢ്യവുമായി കോണ്ഗ്രസ് രാഷ്ട്രീയ വിശദീകരണയോഗം നടത്തി
പി.കെ. ചാത്തന് മാസ്റ്ററുടെ രാഷ്ട്രീയ ജീവിതം കളങ്കപ്പെടുത്താനുള്ള ശ്രമം തിരിച്ചറിയണം: എഐവൈഎഫ്
ബിജെപി യുഡിഎഫ് ഡീലിനെതിരെ സിപിഎം പ്രകടനം നടത്തി
ഗൂഢാലോചനയുടെ ഭാഗമായാണ് പാര്ട്ടി യോഗത്തില് അക്രമണം അഴിച്ചുവിട്ടത്, കേരള കോണ്ഗ്രസ് ജില്ലാ പ്രസിഡന്റ് സി.വി. കുര്യാക്കോസ്
എന്റെ കണ്ണിന് കുത്തിയവനെ ഞാന് കാണിച്ചു തരാം, താക്കോല് വെച്ചാണ് ഇടിച്ചത്; ഇരിങ്ങാലക്കുടയില് കേരള കോണ്ഗ്രസ് പ്രവര്ത്തകര് തമ്മില് തെരുവില് കൂട്ടയടി
കേരള കോണ്ഗ്രസ് യോഗത്തില് ചേരിതിരിഞ്ഞ് സംഘര്ഷം