ക്രൈസ്റ്റ് കോളജില്‍ അന്തര്‍ദേശിയ ഗണിത ശാസ്ത്ര സമ്മേളനം ആരംഭിച്ചു
ഇരിഞ്ഞാലക്കുട: ക്രൈസ്റ്റ് കോളജ് ഗണിതശാസ്ത്ര വിഭാഗം സംസ്ഥാന ഉന്നത വിദ്യാഭ്യാസ കൗണ്‍സിലിന്റെയും കേരള മാത്തമറ്റിക്കല്‍ അസോസിയേഷന്റെയും സഹകരണത്തോടെ, ഗ്രാഫ് തിയറി ആന്‍ഡ് ഇറ്റ്‌സ് ആപ്ലിക്കേഷന്‍ എന്ന വിഷയത്തില്‍ സംഘടിപ്പിക്കുന്ന അന്തര്‍ദേശിയ സമ്മേളനം (ഐസിജിടിഎ 2024) ആരംഭിച്ചു. കേരള ഗണിതശാസ്ത്ര അസോസിയേഷന്‍ പ്രസിഡന്റും കുസാറ്റില്‍ മുന്‍ അധ്യാപകനുമായ ഡോ. എ. കൃഷ്ണമൂര്‍ത്തി സമകാലിക ഗവേഷണത്തില്‍ ഗ്രാഫ് തിയറിയുടെ വര്‍ദ്ധിച്ചുവരുന്ന പ്രസക്തിയെക്കുറിച്ച് വിവരിച്ചുകൊണ്ട് കോണ്‍ഫറന്‍സ് ഉദ്ഘാടനം ചെയ്തു.
പ്രിന്‍സിപ്പല്‍ റവ.ഡോ. ജോളി ആന്‍ഡ്രൂസ് അധ്യക്ഷനായിരുന്നു. കൊച്ചിന്‍ ആര്‍എസ്ഇടിയില്‍ നിന്നുള്ള ഡോ. പി.ബി. വിനോദ്കുമാര്‍, ക്രൈസ്റ്റ് കോളജിലെ ഐക്യുഎസി കോ ഓര്‍ഡിനേറ്റര്‍ ഡോ. കെ.ജി. ഷിന്റോ, ബംഗളൂരു ക്രൈസ്റ്റ് യൂണിവേഴ്‌സിറ്റിയിലെ ഡോ. എന്‍.കെ. സുദേവ് എന്നിവര്‍ പ്രസംഗിച്ചു. ഗണിതശാസ്ത്ര വിഭാഗം മേധാവിയും ഐസിജിടിഎ 2024 കണ്‍വീനറുമായ ഡോ. വി. സീന സ്വാഗതവും ഗണിത ശാസ്ത്ര വിഭാഗം കോ ഓര്‍ഡിനേറ്റര്‍ ഡോ. കെ.ടി. ജോജു നന്ദിയും പറഞ്ഞു.
അമേരിക്കന്‍ ഗണിത ശാസ്ത്രജ്ഞനും ഗ്രാഫ് തിയറി ഗവേഷണത്തിന് വളരെ സഹായകമായ ഇന്‍ട്രൊഡക്ഷന്‍ ടു ഗ്രാഫ് തിയറി എന്ന ഗ്രന്ഥത്തിന്റെ രചയിതാവുമായ ഡി.ബി. വെസ്റ്റ്, ലൈന്‍ ഗ്രാഫ്‌സ് ആന്‍ഡ് ലൈന്‍ ഡയഗ്രാഫ് എന്ന ഗ്രന്ഥത്തിന്റെ രചയിതാവായ ജയ്. ബഗ്ഗാ, ദക്ഷിണാഫ്രിക്കയിലെ വിറ്റ്‌സ് വിത് വാട്ടര്‍സ്‌റാന്‍ഡ് യൂണിവേഴ്‌സിറ്റി യിലെ പ്രൊഫസര്‍ യൂനിസ് എംഫകോ ബന്ദ, ബാംഗ്ലൂര്‍ ക്രൈസ്റ്റ് ഡീംഡ് ടു ബി യൂണിവേഴ്‌സിറ്റിയിലെ പ്രഫ. എന്‍.കെ. സുദേവ്, ഉത്തര്‍പ്രദേശിലെ ശിവനാടാര്‍ ഇന്‍സ്റ്റിറ്റ്യൂട്ട് ഓഫ് എമിനെന്‍സിലെ ഡോ. സത്യനാരായണ റെഡ്ഢി കൊല്‍ക്കത്ത വിദ്യാസാഗര്‍ യൂണിവേഴ്‌സിറ്റിയിലെ പ്രഫ. മധുമഗള്‍പാല്‍, കാസര്‍ഗോഡ് ഗവ. കോളജ് പ്രിന്‍സിപ്പല്‍ ഷാഹുല്‍ ഹമീദ്, എടത്വാ സെന്റ് അലോഷ്യസ് കോളജ് പ്രിന്‍സിപ്പാള്‍ ജി. ഇന്ദുലാല്‍, കോഴിക്കോട് എന്‍ഐടിയിലെ അസ്സോസിയേറ്റ് പ്രൊഫസര്‍ ആയ സുനില്‍ മാത്യു, യുഎഇ അമേരിക്കന്‍ യൂണിവേഴ്‌സിറ്റിയിലെ പ്രഫ. അയ്മാന്‍ ബഡാവി എന്നിവര്‍ പ്രഭാഷണം നടത്തുന്നു.
ദേശീയ അന്തര്‍ദേശീയ തലങ്ങളില്‍ നിന്ന് തെരഞ്ഞെടുക്കപ്പെട്ട നൂറോളം ആളുകള്‍ സമ്മേളനത്തിന്റെ ഭാഗമാകുന്നുണ്ട്. സമ്മേളനത്തില്‍ മുപ്പതോളം ഗവേഷണ പ്രബന്ധങ്ങള്‍ അവതരിപ്പിക്കപ്പെടും. മൂന്നുദിവസം നീ്ടുനില്‍ക്കുന്ന സമ്മേളനം ഒക്ടോബര്‍ അഞ്ചിന് സമാപിക്കും.
About Author
ഇരിങ്ങാലക്കുട സെന്റ് ജോസഫ്‌സ് കോളജില്‍ ആവേശമായി മെഗാ തൊഴില്‍ മേള പ്രയുക്തി 2024 
ക്രൈസ്റ്റ് കോളജ് എന്‍എസ്എസ് യൂണിറ്റ് കുസൃതി 14 സ്‌കൂളുകളിലേക്ക് എന്ന പരിപാടി സംഘടിപ്പിച്ചു 
സംസ്ഥാന ചെസ് ഇന്‍ സ്‌കൂള്‍ മത്സരങ്ങള്‍ സെന്റ് ജോസഫ് കോളജ് ഇന്‍ഡോര്‍ സ്റ്റേഡിയത്തില്‍ ആരംഭിച്ചു 
ഇരിങ്ങാലക്കുട സെന്റ് ജോസഫ്‌സ് കോളജിന് ഭിന്നശേഷി സൗഹാര്‍ദ്ദ സ്ഥാപനത്തിനുള്ള സംസ്ഥാന അംഗീകാരം 
കാര്‍മല്‍ മെലഡി 2024; ഹ്രസ്വചിത്ര അവാര്‍ഡ് ദാനം നടത്തി 
കരൂപ്പടന്ന എന്‍എസ്എസ് വളണ്ടിയര്‍മാര്‍ പല്ലൊട്ടി സിനിമയുടെ അണിയറ പ്രവര്‍ത്തകരുമായി സംവദിച്ചു 
