പിപിഇ കിറ്റ് അഴിമതിക്കാരില്‍ നിന്നും അഴിമതി പണം മുഴുവന്‍ ഈടാക്കി സര്‍ക്കാരിലേക്ക് മുതല്‍കൂട്ടണം ആര്‍എച്ച്‌ഐഎ
ഇരിങ്ങാലക്കുട: പിപിഇ കിറ്റ് അഴിമതിക്കു വേണ്ടി കുറഞ്ഞവിലയ്ക്കുള്ള ടെണ്ടര്‍ ഒഴിവാക്കി ഒന്നിന്റെ വിലയുടെ മൂന്നിരട്ടി വിലയ്ക്ക് പിപിഇ കിറ്റ് വാങ്ങിയത് ആരാണോ, ആര്‍ക്ക് വേണ്ടിയാണോ അവരില്‍ നിന്നും പിഴ ഈടാക്കുകയും അഴിമതി പണം മുഴുവന്‍ തിരിച്ചു പിടിക്കുകയും ഇവരെയെല്ലാം സംസ്ഥാന സര്‍വ്വീസില്‍നിന്നും പുറത്താക്കുകയും അഴിമതിക്കാരായ രാഷ്ട്രീയ നേതാക്കള്‍ക്കെതിരെ ശിക്ഷാ നടപടികള്‍ സ്വീകരിക്കുകയും ചെയ്യണമെന്ന് പിപിഇ കിറ്റ് അഴിമതി ആദ്യം പുറത്തുവിട്ട റിട്ടയേര്‍ഡ് ഹെല്‍ത്ത് ഇന്‍സ്‌പെക്ടേര്‍സ് അസോസിയേഷന്‍ സംസ്ഥാന കമ്മിറ്റി ആവശ്യപ്പെട്ടു.
കോവിഡിന്റെ പേരു പറഞ്ഞു പുര കത്തുമ്പോള്‍ വാഴവെട്ടുന്ന സമീപനം സ്വീകരിച്ച സര്‍ക്കാര്‍ കോവിഡ് രോഗികളുടെ എണ്ണവും മരണവും കൃത്യമായി ജനങ്ങളുടെ മുന്‍പാകെ എത്തിക്കാതെ അവരുടെ അറിയുവാനുള്ള അവകാശത്തെപ്പോലും ഹനിച്ച സര്‍ക്കാരില്‍ നിന്നും ഇതില്‍ കൂടുതല്‍ ഒന്നും പ്രതീക്ഷിക്കാനില്ല. കോവിഡ് വാക്‌സിന്‍ എടുത്ത ജനങ്ങളിലുണ്ടാകുന്ന ആരോഗ്യ പ്രശ്‌നങ്ങള്‍ പഠിക്കുവാനോ അവയ്ക്ക് പരിഹാരം കാണുവാനോ കേന്ദ്രസംസ്ഥാന സര്‍ക്കാരുകള്‍ ഇതുവരെ ശ്രമിച്ചിട്ടില്ല എന്നത് അവര്‍ക്ക് ജനങ്ങളോടുള്ള പ്രതിബദ്ധത ഇല്ലായ്മയാണ് കാണിക്കുന്നത്.
കോവിഡ് വാക്‌സിന്‍ എടുത്തതിനു ശേഷം മരണപ്പെട്ടവരുടെ കണക്കും അവരുടെ പ്രായവും പരിശോധിച്ചാല്‍ അതില്‍ 30 വയസു മുതല്‍ 50 വയസുവരെയുള്ളവരുടെ കണക്കും ശാസ്ത്രീയ പരിശോധനയ്ക്ക് വിധേയമാക്കണമെന്ന് ആര്‍എച്ച്‌ഐഎ സംസ്ഥാന കമ്മിറ്റി അഭിപ്രായപ്പെട്ടു. ഹെല്‍ത്ത് ഇന്‍സ്‌പെക്ടര്‍മാര്‍ക്ക് യൂണിഫോം അനുവദിക്കുകയും നേരിട്ട് ആരോഗ്യകേന്ദ്രം റസീപ്റ്റ് വഴി പിഴ ഈടാക്കുകയും ചെയ്താല്‍ ആ പണം കൊണ്ട് ആരോഗ്യ കേന്ദ്രങ്ങളിലേക്ക് ആവശ്യമായ മരുന്ന് ഉള്‍പ്പെടെ മറ്റ് അത്യാവശ്യങ്ങള്‍ക്ക് ഉപയോഗിക്കുകയും ചെയ്യാം.
സംസ്ഥാന പ്രസിഡന്റ് ടി.എസ്. പവിത്രന്‍ അധ്യക്ഷത വഹിച്ച യോഗത്തില്‍ റാബിയ സലിം ആലപ്പുഴ, പ്രഭാകരന്‍ വയനാട്, സോജന്‍ താമരശേരി, കൃഷ്ണനുണ്ണി പൊയ്യാറ, രാമകൃഷ്ണന്‍ മുല്ലനേഴി, പവിത്രമോഹന്‍ കണ്ണൂര്‍, നിര്‍മ്മലഹരി ഇരിങ്ങാലക്കുട, ജമാലുദ്ദീന്‍ കൊല്ലം, കട്ടാക്കട വേലപ്പന്‍ നായര്‍ എന്നിവര്‍ സംസാരിച്ചു. കെ.ബി. പ്രേമരാജന്‍ സ്വാഗതവും ആന്‍സി തോമാസ് കൂത്താട്ടുകുളം നന്ദിയും പറഞ്ഞു.
About Author
പൂമംഗലം ഗ്രാമപ്പഞ്ചായത്ത് വികസന സെമിനാര്‍ ഉദ്ഘാടനം ചെയ്തു 
തൃശൂര്‍ – കൊടുങ്ങല്ലൂര്‍ സംസ്ഥാനപാത നവീകരണം; മാപ്രാണം ജംഗ്ഷന്‍ മുതല്‍ പുത്തന്‍തോട് വരെയുള്ള റോഡ് നിര്‍മ്മാണം ആരംഭിക്കുന്നു; ഗതാഗത നിയന്ത്രണം തിങ്കളാഴ്ച മുതല്‍ 
ജൈവ മഞ്ഞള്‍ കൃഷിയുടെ വിളവെടുപ്പ് നടന്നു 
കെഎസ്ഇ കനിഞ്ഞു; കൊരുമ്പിശേരി പാറ ജംഗ്ഷനില്‍ മിനി ഹൈമാസ്റ്റ് മിഴി തുറന്നു 
അമിത ന്യായവില കോണ്‍ഗ്രസ് വില്ലേജ് ഓഫീസ് മാര്‍ച്ച് നടത്തി 
ഒരു കാലഘട്ടത്തിന്റെ പ്രകാശഗോപുരമായിരുന്നു എം.ടി. ഡോ. എന്‍.ആര്‍. ഗ്രാമപ്രകാശ് 
