വീടെന്ന സ്വപ്നം യാഥാര്‍ഥ്യമാക്കി മന്ത്രി ഡോ. ആര്‍. ബിന്ദുവിന്റെ സ്‌നേഹക്കൂട് പദ്ധതി
സ്‌നേഹക്കൂട് വീടിന്റെ ഗൃഹപ്രവേശം ഉന്നത വിദ്യാഭ്യാസ സാമൂഹ്യനീതി വകുപ്പ് മന്ത്രി ഡോ. ആര്‍. ബിന്ദു നിര്‍വഹിക്കുന്നു.
ഇരിങ്ങാലക്കുട: വീടെന്ന സ്വപ്നം യാഥാര്‍ഥ്യമായ സന്തോഷത്തിലാണ് നടവരമ്പ് സ്‌കൂളിലെ മൂന്ന് സഹോദരങ്ങള്‍. അവര്‍ക്കായി ഒരുക്കിയ സ്‌നേഹക്കൂട് വീടിന്റെ ഗൃഹപ്രവേശം ഉന്നത വിദ്യാഭ്യാസ സാമൂഹ്യനീതി വകുപ്പ് മന്ത്രി ഡോ. ആര്‍. ബിന്ദു നിര്‍വ്വഹിച്ചു. സ്‌നേഹക്കൂട് ഭവന പദ്ധതിയിലെ നാലാമത്തെ വീടിന്റെ നിര്‍മ്മാണമാണ് ഇതോടെ പൂര്‍ത്തിയായത്. ഏറെ നാളായി സ്വന്തമായി തല ചായ്ക്കാന്‍ വീടില്ലാതെ കഷ്ടപ്പാടും ബുദ്ധിമുട്ടും നിറഞ്ഞ ജീവിതം നയിക്കുകയായിരുന്ന കുരുന്നുകള്‍ക്ക് കൈത്താങ്ങ് ആയിരിക്കയാണ് ഇരിങ്ങാലക്കുട എംഎല്‍എയും ഉന്നത വിദ്യാഭ്യാസ സാമൂഹ്യനീതി വകുപ്പ് മന്ത്രി കൂടിയായ ഡോ. ആര്‍. ബിന്ദു നേതൃത്വം നല്‍കുന്ന സ്‌നേഹക്കൂട് പദ്ധതി.
ഇരിങ്ങാലക്കുട മണ്ഡലത്തിലെ ഭവനരഹിതരായ മുഴുവന്‍ കുടുംബങ്ങള്‍ക്കും വീട് വെച്ച് നല്‍കുക എന്ന ലക്ഷ്യത്തോടെ നടപ്പിലാക്കുന്ന പദ്ധതിയാണ് സ്‌നേഹക്കൂട്. നടവരമ്പ് അംബേദ്കര്‍ കോളനിയിലെ പരേതനായ നാടന്‍പാട്ട് കലാകാരനായ സുരേന്ദ്രന്റെ കുടുംബത്തിനാണ് സ്‌നേഹക്കൂടിലൂടെ ആശ്വാസ തണല്‍ ഒരുങ്ങിയത്. നടവരമ്പ് സ്‌കൂളിലെ വിഎച്ച്എസ്ഇ, ഹയര്‍സെക്കന്‍ഡറി, എല്‍പി എന്നീ ക്ലാസുകളിലാണ് മൂന്ന് സഹോദരങ്ങള്‍ പഠിക്കുന്നത്. മൂന്ന് കുട്ടികളെയും ഏറെ കഷ്ടപ്പെട്ടാണ് അമ്മയായ സജിനി നോക്കിവരുന്നത്.
ഇരിങ്ങാലക്കുട നടവരമ്പ് ഗവ. മോഡല്‍ ഹയര്‍ സെക്കന്‍ഡറി സ്‌കൂള്‍ എന്‍എസ്എസ് (നാഷണല്‍ സര്‍വ്വീസ് സ്‌കീം) യൂണിറ്റിന്റെ നേതൃത്വത്തിലാണ് സ്‌നേഹക്കൂട് ഒരുക്കിയത്. എന്‍എസ്എസ് വിദ്യാര്‍ഥികള്‍ വിവിധ ചലഞ്ചുകളിലൂടെ സമാഹരിച്ചതും സുമനസുകളുടെ സഹായങ്ങളും ചേര്‍ത്താണ് സ്‌നേഹക്കൂട് ഭവനം നിര്‍മ്മിച്ചത്. ഉന്നത വിദ്യാഭ്യാസ വകുപ്പിന് കീഴിലുള്ള നാഷണല്‍ സര്‍വീസ് സ്‌കീമിന്റെ യൂണിറ്റുകളുടെ മുന്‍കൈയില്‍, പൊതുജനങ്ങളുടെ സഹായങ്ങളും സംയോജിപ്പിച്ചാണ് ഇരിങ്ങാലക്കുട മണ്ഡലത്തില്‍ സ്‌നേഹക്കൂട് പദ്ധതി നടപ്പിലാക്കുന്നത്. സാങ്കേതിക കാരണങ്ങളാല്‍ മറ്റു ഭവനനിര്‍മ്മാണ പദ്ധതികളില്‍ ഉള്‍പ്പെടാതെ പോയവര്‍ക്ക് വീടെന്ന സ്വപ്നം സാക്ഷാത്കരിക്കാന്‍ സഹായിക്കുകയാണ് സ്‌നേഹക്കൂട്.
കല്ലംകുന്നില്‍ നിര്‍മ്മിച്ച വീടിന്റെ ഗൃഹപ്രവേശ ചടങ്ങില്‍ വേളൂക്കര ഗ്രാമപ്പഞ്ചായത്ത് പ്രസിഡന്റ് കെ.എസ്. ധനീഷ് അധ്യക്ഷത വഹിച്ചു. വെള്ളാങ്ങല്ലൂര്‍ ബ്ലോക്ക് പഞ്ചായത്ത് പ്രസിഡന്റ് സുധ ദീലീപ് മുഖ്യാതിഥിയായിരുന്നു. ഭവന നിര്‍മ്മാണം ഏററെടുത്ത സുരേഷ് അമ്മനത്തിനേയും ഇംഗ്ലീഷ് അധ്യാപികയും ദീര്‍ഘകാലം നടവരമ്പ് സ്‌കൂളിലെ എന്‍എസ്എസ് കോ ഓര്‍ഡിനേറ്ററുമായിരുന്ന ഷക്കീല എന്നിവരെ പൊന്നാട അണിയിച്ച് ആദരിച്ചു. വാര്‍ഡ് മെമ്പര്‍ മാത്യു പാറേക്കാടന്‍, ജില്ലാ എന്‍എസ്എസ് പ്രതിനിധികളായ ഡോ. ടി.വി. ബിനു, ഇ.ആര്‍. രേഖ, പിടിഎ പ്രസിഡന്റ് ശ്രീഷ്മ സലീഷ്, ഒഎസ്എ പ്രസിഡന്റ് പ്രദീപ് മേനോന്‍, ടി.എസ്. സജീവന്‍, അരവിന്ദാക്ഷന്‍, പ്രിന്‍സിപ്പല്‍ എം.കെ. പ്രീതി, എന്‍എസ്എസ്. പ്രോഗ്രാം ഓഫീസര്‍ ഡോ. എസ്. സുമ എന്നിവര്‍ സംസാരിച്ചു.
About Author
മൂന്നാമത് വിമല ഇന്റര്‍ സ്‌കൂള്‍ സ്‌കേറ്റിംഗ് ചാമ്പ്യന്‍ഷിപ്പ് ഫെബ്രുവരി ഒന്നിന് 
ഇരിങ്ങാലക്കുട ക്രൈസ്റ്റ് കോളജില്‍ ഇംഗ്ലീഷ് അന്തര്‍ദേശീയ സെമിനാര്‍ 
പടിയൂര്‍ മേഖലയില്‍ കാട്ടുപന്നിശല്യം രൂക്ഷം; നാട്ടുകാര്‍ ആശങ്കയില്‍ 
മലയാളികളുടെ സാംസ്‌കാരിക ജീവിതത്തില്‍ വിലയേറിയ സംഭാവനകള്‍ നല്‍കാന്‍ ഗ്രന്ഥശാല പ്രവര്‍ത്തനത്തിന് സാധിച്ചിട്ടുണ്ട്-മന്ത്രി ഡോ. ആര്‍. ബിന്ദു 
അരിപ്പാലം സേക്രട്ട് ഹാര്‍ട്ട് കോണ്‍വെന്റിന്റെയും വിദ്യാജ്യോതി ഇംഗ്ലീഷ് മീഡിയം സ്‌കൂളിന്റെയും സുവര്‍ണ്ണ ജൂബിലി ആഘോഷം 
മുകുന്ദപുരം പബ്ലിക് സ്‌കൂളില്‍ റോഡ് സുരക്ഷ ബോധവല്‍ക്കരണം 
