മുരിയാട് നിയന്ത്രണം വിട്ട ക്രൈയിന്‍ സ്‌കൂട്ടറില്‍ ഇടിച്ച് മറിഞ്ഞു: സ്‌കൂട്ടര്‍ യാത്രക്കാരി രക്ഷപ്പെട്ടത് തലനാരിഴയ്ക്ക്
മുരിയാട് നിയന്ത്രണം വിട്ട് മറിഞ്ഞ ക്രൈയിന്‍ ഉയര്‍ത്തുന്നു.
ഇരിങ്ങാലക്കുട: മുരിയാട് നിയന്ത്രണം വിട്ട ക്രൈയിന്‍ സ്‌കൂട്ടറില്‍ ഇടിച്ച് മറിഞ്ഞു. സ്‌കൂട്ടര്‍ യാത്രക്കാരി രക്ഷപ്പെട്ടത് തലനാരിഴയ്ക്ക്. മുരിയാട് വല്ലക്കുന്ന് റോഡ് അണ്ടികമ്പനിക്കു സമീപം ഇന്നലെ ഉച്ച്ക്ക് 1.30 ഓടെയാണ് അപകടം നടന്നത്. അണ്ടികമ്പനി ഭാഗത്തുനിന്നും ഇറക്കം ഇറങ്ങി വന്നിരുന്ന ക്രെയിന്‍ ബ്രേക്ക് നഷ്ടപ്പെടുകയും എതിരെ വന്നിരുന്ന മുരിയാട് സ്വദേശി ഷാന്റി എന്ന സ്ത്രീ സഞ്ചരിച്ചിരുന്ന സ്‌കൂട്ടറില്‍ തട്ടതിരിക്കാന്‍ ക്രെയിന്‍ വെട്ടിച്ചതിനെ തുടര്‍ന്ന് മറിയുകയായിരുന്നു. സ്‌കൂട്ടറില്‍ നിന്ന് ഷാന്റി കാനയിലേക്ക് തെറിച്ച് വീഴുകയും ചെയ്തതിനെത്തുടര്‍ന്ന് ഗുരുതര പരിക്കേല്‍ക്കാതെ രക്ഷപ്പെടുകയായിരുന്നു. ഇവരെ തൃശൂര്‍ മെഡിക്കല്‍ കോളജിലേക്ക് പ്രവേശിപ്പിച്ചു. വല്ലക്കുന്ന് നെല്ലായി റോഡില്‍ രണ്ടു മണിക്കൂറോളം ഗതാഗതം തടസപ്പെട്ടു. പിന്നീട് ഇരിങ്ങാലക്കുടയില്‍ നിന്നും മറ്റൊരു ക്രെയിന്‍ എത്തിച്ചാണ് ക്രെയിന്‍ ഉയര്‍ത്തി ഗതാഗതം പുനസ്ഥാപിച്ചത്. അപകടത്തെത്തുടര്‍ന്ന് റോഡില്‍ ഒലിച്ചിറങ്ങിയ ഓയിലും ഡീസലും ഇരിങ്ങാലക്കുട ഫയര്‍ ഫോഴ്‌സ് കഴുകി വൃത്തിയാക്കി. ആളൂര്‍ പെലീസ് സ്ഥലത്തെത്തി ഗതാഗതം നിയന്ത്രിച്ചു.
About Author
വെള്ളാനി സെന്റ് ഡൊമിനിക് കോണ്‍വെന്റ് ഇംഗ്ലീഷ് മീഡിയം സ്‌കൂളില്‍ ഡോക്ടേഴ്‌സ് ഡേ ആഘോഷിച്ചു 
സ്‌നേഹവും കരുതലുമുള്ളവരാണ് സ്ത്രീകള്‍- ജയരാജ് വാര്യര്‍ 
സെന്റ് ജോസഫ്‌സ് കോളജില്‍ നാലു വര്‍ഷ ബിരുദ പഠനത്തിന്റെയും ബിരുദാനന്തര പഠനത്തിന്റെയും ഉദ്ഘാടനം 
ലയണ്‍സ് ക്ലബ് ഓഫ് ഇരിങ്ങാലക്കുട ഭാരവാഹികളുടെ സ്ഥാനാരോഹണ ചടങ്ങും ജീവകാരുണ്യ പ്രവര്‍ത്തനങ്ങളുടെ ഉദ്ഘാടനവും 
പോട്ട ബാങ്ക് കവര്‍ച്ച; അന്വേഷണ മികവിന് സംസ്ഥാന പോലീസ് മേധാവിയുടെ അംഗീകാരം 
നഗര്‍കോവില്‍ നൂറുല്‍ ഇസ്ലാം സര്‍വകലാശാലയില്‍ നിന്നും ഇലക്ട്രോണിക്‌സ് എന്‍ജിനീയറിങ്ങില്‍ പിഎച്ച്ഡി നേടി അനു ബാബു 
