ക്രൈസ്റ്റ് കോളജില് മോഡല് യുണൈറ്റഡ് നേഷന്സ്2025 അരങ്ങേറി
ക്രൈസ്റ്റ് കോളജ് ഗ്ലോബല് ഡിബേറ്റേഴ്സ് സമ്മിറ്റിന്റെ സഹകരണത്തോടെ സംഘടിപ്പിച്ച ഗ്ലോബല് ഡിബേറ്റേഴ്സ് സമ്മിറ്റ് മോഡല് യുണൈറ്റഡ് നേഷന്സ് (എംയുഎന്) പങ്കെടുത്ത വിദ്യാര്ഥികള്.
ഇരിങ്ങാലക്കുട: ക്രൈസ്റ്റ് കോളജ് ഗ്ലോബല് ഡിബേറ്റേഴ്സ് സമ്മിറ്റിന്റെ സഹകരണത്തോടെ സംഘടിപ്പിച്ച ഗ്ലോബല് ഡിബേറ്റേഴ്സ് സമ്മിറ്റ് മോഡല് യുണൈറ്റഡ് നേഷന്സ് (എംയുഎന്) വിദ്യാര്ഥികള്ക്ക് പുതിയ അനുഭവമായി. ഐക്യരാഷ്ട്രസഭയുടെ സംവിധാനത്തെ മാതൃകയാക്കി ആഗോളതലത്തിലെ നയനിര്മ്മാണവും അന്തര്ദേശീയ നയതന്ത്രവും അനുകരിക്കുന്ന രീതിയിലുള്ള ഈ സമ്മേളനം, സംസ്ഥാനത്തെ വിവിധ വിദ്യാഭ്യാസ സ്ഥാപനങ്ങളിലെ വിദ്യാര്ഥികളെ ഒരു വേദിയിലേക്കു കൊണ്ടുവന്നതിലൂടെ വ്യത്യസ്തമായ പഠനാനുഭവത്തിന് വാതില് തുറന്നു.
കേരളത്തിലെ വിവിധ സ്കൂളുകളില് നിന്നുള്ള നൂറോളം വിദ്യാര്ഥികള് അന്താരാഷ്ട്ര പ്രതിനിധികളെന്ന നിലയില് പങ്കെടുത്ത ഈ സമ്മേളനത്തില് ആഗോള പ്രതിസന്ധി മാനേജ്മെന്റ്, പ്രമേയരചന, നയതന്ത്ര ചര്ച്ചകള്, ഗ്ലോബല് നയനിര്മ്മാണം തുടങ്ങിയ മേഖലകളിലെ പ്രവര്ത്തനങ്ങളെ അനുകരിച്ചുകൊണ്ട് അവര് യഥാര്ത്ഥ അനുഭവം സമ്പാദിച്ചു.
ഭാവിയിലെ ലോകപൗരന്മാര്ക്ക് അനിവാര്യമായ വിമര്ശനാത്മക ചിന്തക്ഷമത, ഗവേഷണശേഷി, കൂട്ടായ പ്രവര്ത്തനം, പ്രശ്നപരിഹാര നൈപുണ്യം എന്നിവ വികസിപ്പിക്കാനുള്ള ഒരു മികച്ച അവസരമായിരുന്നു ഈ പരിപാടി. കോളജ് മാനേജര് ഫാ. ജോയി പീനിക്കപ്പറമ്പില്, പ്രിന്സിപ്പാല് റവ.ഡോ. ജോളി ആന്ഡ്രൂസ്, ഐക്യുഎസി കോ- ഓര്ഡിനേറ്റര് ഡോ. കെ.ജി.ഷിന്റോ, തവനിഷ് കോ- ഓര്ഡിനേറ്റര് കെ.എം. മൂവിഷ് എന്നിവര് പ്രസംഗിച്ചു. ഡോ. ലിന്ഡ മേരി സൈമണ്, വി.ബി. പ്രിയ, തൗഫീഖ് ആന്സാരി, സ്റ്റാഫ് കോ- ഓര്ഡിനേറ്റര്മാരായ ഡോ. വിഷ്ണു മോഹന്, സി.എം. മീര, ധിനില് സെന്, ഡോ. കെ.എം. മഞ്ജു, വിദ്യാര്ഥി കോ- ഓര്ഡിനേറ്റര്മാരായ സജല് മാലിക്, കെ.വി. ലക്ഷ്മി, അമല്, ലിയാന സദഫ് എന്നിവര് നേതൃത്വം നല്കി.
About Author
കലകളിലൂടെ ക്രൈസ്തവ സന്ദേശങ്ങള് മറ്റുള്ളവരിലേക്ക് പകരുവാന് ബൈബിള് കലോത്സവങ്ങള് സഹായകരമാകണം, ബിഷപ് മാര് പോളി കണ്ണൂക്കാടന് 
ബഹിരാകാശത്ത് ഇന്ത്യന് യുഗം; ശാസ്ത്ര പാടവ പോഷണ പരിപാടി സംഘടിപ്പിച്ചു 
സെന്റ് തോമസ് കത്തീഡ്രലില് കുരിശിന്റെ പുകഴ്ചയുടെ തിരുനാള് ഭക്തിസാന്ദ്രമായി 
41-ാമത് ഡോണ് ബോസ്കോ അഖില കേരള ബാസ്കറ്റ്ബോള് ടൂര്ണമെന്റ് 
മുന് എംപി കെ. മോഹന്ദാസിന്റെ സാമൂഹ്യ പ്രതിബദ്ധത സ്മരിക്കപ്പെടണം- അഡ്വ. തോമസ് ഉണ്ണിയാടന് എംഎല്എ 
ഫുട്ബോള് മത്സരത്തില് ഓവറോള് ചാംപ്യന്മാരായി അവിട്ടത്തൂര് എല്ബിഎസ്എം ഹയര് സെക്കന്ഡറി സ്കൂള് 
