വിധിയെഴുത്ത് ഇന്ന്; നെഞ്ചിടിപ്പോടെ മുന്നണികള്, ആവേശത്തോടെ വോട്ടര്മാര്
സെന്റ് ജോസഫസ് കോളജില് നിന്നും തെരഞ്ഞടുപ്പു സാമഗ്രികള് ഏറ്റു വാങ്ങി പോളിംഗ് ബൂത്തിലേക്കു പോകുന്ന ഉദ്യോഗസ്ഥര്.
തെരഞ്ഞെടുപ്പ് സാമഗ്രികളുടെ വിതരണം നടന്നു
ഇരിങ്ങാലക്കുട: വോട്ടിംഗിനായി പോളിംഗ് സ്റ്റേഷനുകള് സജ്ജമായി, ജനവിധിക്കായി വോട്ടര്മാര് ഇന്ന് പോളിംഗ് ബൂത്തില്. ആടിയുലഞ്ഞു നില്ക്കുന്ന വോട്ടര്മാരെ നേരിട്ടുകണ്ട് വോട്ട് തങ്ങളുടെ പെട്ടിയിലേക്കു വീഴിക്കാനുള്ള സ്ഥാനാര്ഥികളുടെ നിശബ്ദ ശ്രമങ്ങളായിരുന്നു ഇന്നലെ. പ്രചാരണ വേളയില് പൊതുവേ ദൃശ്യമായ പോരായ്മകള് നികത്തുവാനുള്ള അവസാന ശ്രമങ്ങളും നടന്നു. പറഞ്ഞുറപ്പിച്ച വോട്ടുകള് തെറ്റിക്കാതെ നോക്കുകയും കൂടുതല് വോട്ട് അനുകൂലമാക്കുകയുമായിരുന്നു ഓരോ അവസാന മണിക്കൂറിലും നടന്നത്. തെരഞ്ഞെടുപ്പിനായുള്ള ഇലക്ട്രോണിക് വോട്ടിംഗ് യന്ത്രങ്ങളുടെയും മറ്റു തെരഞ്ഞെടുപ്പ് സാമഗ്രികളുടെയും വിതരണം നടന്നു.
ഇരിങ്ങാലവക്കുട നഗരസഭയിലെ 43 വാര്ഡുകളിലായി 49 ബൂത്തുകളിലേക്കുള്ള സാമഗ്രികള് സെന്റ് ജോസഫ്സ് കേളജില് നടന്നു. ഇരിങ്ങാലക്കുട ബ്ലോക്കിനു കീഴിലുള്ള കാട്ടൂര്, കാറളം, മുരിയാട്, പറപ്പൂക്കര പഞ്ചായത്തുകളിലെ പോളിംഗ് ബൂത്തുകളിലേക്കുള്ള തെരഞ്ഞെടുപ്പ് സാമഗ്രികളുടെ വിതരണം കരുവന്നൂര് സെന്റ് ജോസഫ്സ് സ്കൂളിലും വെള്ളാങ്കല്ലൂര് ബ്ലോക്ക് പഞ്ചായത്തിനു കീഴിലുള്ള പടിയൂര്, വെള്ളാങ്കല്ലൂര്, വേളൂക്കര, പൂമംഗലം, പുത്തന്ചിറ തുടങ്ങിയ അഞ്ചു പഞ്ചായത്തുകളിലേക്കുള്ള ഇലക്ട്രോണിക് വോട്ടിംഗ് യന്ത്രങ്ങള് നടവരമ്പ് സ്കൂളിലുമാണു വിതരണം ചെയ്തത്. പ്രിസൈഡിംഗ് ഓഫീസറുടെ നേതൃത്വത്തില് വിവിധ പോളിംഗ് ഓഫീസര്മാര് സാമഗ്രികള് ഏറ്റുവാങ്ങി.
പ്രമുഖരുടെ വോട്ട്…
ഇരിങ്ങാലക്കുട: ഇന്ന് നടക്കുന്ന തദ്ദേശ സ്വയംഭരണസ്ഥാപനങ്ങളിലേക്കുള്ള തെരഞ്ഞെടുപ്പില് ബിഷപ് മാര് പോളി കണ്ണൂക്കാടന് ലിറ്റില് ഫല്ര് വോട്ട് രേഖപ്പെടുത്തും. ചലചിത്രതാരങ്ങളായ ടൊവിനോ തോമസ് ഗവ. ഗേള്സ് സ്കൂളിലും അനുപമ പരമേശ്വരന് നാഷണല് സ്കൂളിലും, ഇടവേള ബാബു ഗവ. ഗേള്സ് സ്കൂളിലും ജൂണിയര് ഇന്നസെന്റ് ഡോണ്ബോസ്കോ സ്കൂളിലും വോട്ടു രേഖപ്പെടുത്തും. മുന് ഗവ. ചീഫ് വിപ്പ് അഡ്വ. തോമസ് ഉണ്ണിയാടന് ടൗണ് ഹാളിലും കെപിസിസി മുന് ജനറല് സെക്രട്ടറിയും നഗരസഭ മുന് ചെയര്മാനുമായ എം.പി. ജാക്സണ് എസ്എന് സ്കൂളിലും മുന് ലോകസഭാംഗം പ്രഫ. സാവത്രി ലക്ഷമണന് ഗവ. ഗേള്സ് സ്കൂളിലും വോട്ട് രേഖപ്പെടുത്തും.
വാർത്തകൾ വേഗത്തിലറിയാൻ ഇരിങ്ങാലക്കുട ന്യൂസ് ഫോളോ ചെയ്യൂ…..
https://www.facebook.com/newsirinjalakuda
join our Whatsapp group
https://chat.whatsapp.com/DELcIHjzm7WHn9hFF9h1jB
join our Whatsapp Channel
https://whatsapp.com/channel/0029Var2S4l0Vyc9XcuAMh1V
whatsapp/call: 9496663558
About Author
പ്രമുഖരുടെ വോട്ട്… 
നടിയെ ആക്രമിച്ച കേസിലെ കോടതി വിധിയില് പ്രതികരിച്ച് നടന് ടൊവിനോ തോമസ് 
ഇതു വോട്ടുത്സവം…. സുരക്ഷ കര്ശനം, വോട്ടെടുപ്പു ശാന്തം ജനം ആവേശത്തോടെ…. സുരക്ഷ കര്ശനം…..വോട്ടെടുപ്പ് ശാന്തം… 
തെരഞ്ഞെടുപ്പിനോടനുബന്ധിച്ച ഡ്രൈ ഡേയില് വില്പനയ്ക്കായി മദ്യം സൂക്ഷിച്ചയാള് പിടിയില് 
സ്വാന്തന സദന് വാര്ഷികാഘോഷം നടത്തി 
കാറളം വിഎച്ച്എസ് സ്കൂളിലെ വിഎച്ച്എസ്ഇ വിഭാഗം എന്എസ്എസ് യൂണിറ്റിന്റെ ആഭിമുഖ്യത്തില് ആന്റി ഡ്രഗ് വാള് അനാച്ഛാദനം ചെയ്തു 
