അഗ്‌നി രക്ഷാ സേനയ്ക്ക് അഭിമാനമായി അനില്‍രാജിന് ദേശീയ പുരസ്‌കാരം
ഇരിങ്ങാലക്കുട: 2024-ലെ കേന്ദ്ര ആഭ്യന്തര മന്ത്രാലയത്തിന്റെ ഡയറക്ടര്‍ ജനറല്‍ പുരസ്‌കാരം ഇരിങ്ങാലക്കുട അഗ്‌നി രക്ഷാ സേനയിലെ സീനിയര്‍ ഫയര്‍ ആന്‍ഡ് റെസ്‌ക്യൂ ഓഫീസര്‍ വി.പി. അനില്‍ രാജിനു ലഭിച്ചു. പുരസ്‌കാരം നേടുന്ന സംസ്ഥാനത്തെ ഒന്‍പത് അഗ്‌നി രക്ഷാ ഉദ്യോഗസ്ഥരില്‍ ഒരാളാണ് അനില്‍ രാജ്. കേരളത്തില്‍ നിന്ന് ആദ്യമായിട്ടാണ് അഗ്‌നി രക്ഷാ സേനയ്ക്ക് കേന്ദ്ര ആഭ്യന്തരമന്ത്രാലയത്തിന്റെ ഈ പുരസ്‌കാരം ലഭിക്കുന്നത്. പത്തനംതിട്ട സ്‌കൂബ ടീമിന്റെ ഭാഗമായി പമ്പാനദി, അച്ചന്‍കോവിലാര്‍, മണിമലയാര്‍ എന്നീ ജലാശയ അപകടങ്ങളിലെ രക്ഷാപ്രവര്‍ത്തനങ്ങളും പരിഗണിച്ചാണ് പുരസ്‌കാരം. 2007-ലാണ് അനില്‍രാജ് സേനയില്‍ കയറിയത്. ഇതിനകം 20 തവണ സര്‍വീസ് അവാര്‍ഡുകള്‍ ലഭിച്ചിട്ടുണ്ട്. കഴിഞ്ഞ ജനുവരിയിലാണ് ഇരിങ്ങാലക്കുടയിലേക്ക് സീനിയര്‍ ഫയര്‍ ആന്‍ഡ് റെസ്‌ക്യൂ ഓഫീസറായി സ്ഥാനക്കയറ്റംനേടി എത്തിയത്. തിരുവനന്തപുരം കല്ലറ മിതൃമല സ്വദേശിയാണ്. ഭാര്യ കൃഷ്ണയും മകന്‍ ശിവകാര്‍ത്തിക്കും അടങ്ങുന്നതാണ് കുടുംബം.
About Author
ദീപ്തി ബ്രെയിലി സാക്ഷരത പദ്ധതിയുടെ ആദ്യക്ലാസ് മന്ത്രി ഡോ.ആര്‍. ബിന്ദു ഉദ്ഘാടനം ചെയ്തു 
ആര്‍എംഎസ് ഓഫീസുകള്‍ അടച്ചുപൂട്ടുന്നതിനെതിരെ എന്‍എഫ്പിഇ പ്രതിഷേധ കൂട്ടായ്മ സംഘടിപ്പിച്ചു 
ക്രൈസ്റ്റ് കോളജ് എന്‍എസ്എസ് യൂണിറ്റ് കുസൃതി 14 സ്‌കൂളുകളിലേക്ക് എന്ന പരിപാടി സംഘടിപ്പിച്ചു 
നിക്ഷേപ സമാഹരണ യജ്ഞം: കാട്ടൂര്‍ സര്‍വീസ് സഹകരണബാങ്കിന് പുരസ്‌കാരം 
വയലാര്‍ പുരസ്‌കാര ജേതാവ് അശോകന്‍ ചരുവിലിനെ കാട്ടൂര്‍ കലാസദനം അനുമോദിച്ചു 
സെന്റ് ജോസഫ്‌സ് കോളജിലെ സുവോളജി വിഭാഗം ശില്‍പ്പശാല സംഘടിപ്പിച്ചു 
