ചിറയോരം ടൂറിസത്തിന് മാറ്റുകൂട്ടാന്‍ ബോട്ടിംഗും
മുരിയാട് പഞ്ചായത്തിലെ പുല്ലൂര്‍ ചിറയോരം ടൂറിസത്തിന്റെ ഭാഗമായി പൊതുമ്പുചിറയില് പൂമല ഡാമില്‍ നിന്നുള്ള രണ്ടു ബോട്ടുകള്‍ പരീക്ഷണത്തിന്റെ ഭാഗമായി ബോട്ടിംഗ് നടത്തുന്നു.
മുരിയാട്: ഇരിങ്ങാലക്കുട മണ്ഡലത്തിലെ പ്രഥമ ടൂറിസം ഡെസ്റ്റിനേഷന്‍ ആയ മുരിയാട് പഞ്ചായത്തിലെ പുല്ലൂര്‍ ചിറയോരം ടൂറിസത്തിന്റെ മൂന്നാം ഘട്ടത്തിന്റെ പ്രവര്‍ത്തനത്തിന് ആരംഭം കുറിക്കുന്നു. 2026 മാര്‍ച്ചില്‍ പൂര്‍ത്തീകരിക്കാന്‍ ഉദ്ദേശിക്കുന്ന മൂന്നാം ഘട്ടത്തില്‍ കുട്ടികളുടെ പാര്‍ക്കും ബോട്ടിംഗുമാണ് ഉണ്ടാകുക. ബോട്ടിംഗ് ആരംഭിക്കുന്നതിന്റെ പ്രാഥമിക ഘട്ടം എന്ന നിലയ്ക്ക് തൃശൂര്‍ ജില്ലാ കളക്ടര്‍ അര്‍ജുന്‍ പാണ്ഡ്യന്‍ ഐഎഎസിന്റെ നിര്‍ദ്ദേശാനുസരണം തൃശൂര്‍ ജില്ലാ ടൂറിസം പ്രമോഷന്‍ കൗണ്‍സിലിന്റെ ഇടപെടലില്‍ പൂമല ഡാമില്‍ നിന്നും രണ്ടു ബോട്ടുകള്‍ പുല്ലൂര്‍ പൊതുമ്പുച്ചിറയില്‍ എത്തിക്കുകയുണ്ടായി. ഏറ്റവും വെള്ളം കുറഞ്ഞ അവസ്ഥയില്‍ പരീക്ഷണാടിസ്ഥാനത്തില്‍ ബോട്ടിംഗ് നടത്തുകയും പരീക്ഷണ പരിശോധനകള്‍ വിജയകരമായി പൂര്‍ത്തീകരിച്ചതിന്റെ അടിസ്ഥാനത്തില്‍ ബോട്ടിംഗ് ആരംഭിക്കുന്നതിനുള്ള സാധ്യത തെളിഞ്ഞു.
ഒന്ന് രണ്ട് മാസത്തിനുള്ളില്‍ ബോട്ടിംഗ് ആരംഭിക്കാന്‍ കഴിയുമെന്നും, ഇരിങ്ങാലക്കുട എംഎല്‍എയും ഉന്നത വിദ്യാഭ്യാസ സാമൂഹിക നീതി വകുപ്പ് മന്ത്രിയുമായ ഡോ. ആര്‍. ബിന്ദുവിന്റെ പ്രാദേശിക വികസന ഫണ്ട് ഉപയോഗിച്ച് ചില്‍ഡ്രന്‍സ് പാര്‍ക്കിന്റെ നിര്‍മ്മാണവും ഉടന്‍ ആരംഭിക്കുമെന്നും മുരിയാട് പഞ്ചായത്ത് പ്രസിഡന്റ് ജോസ് ജെ. ചിറ്റിലപ്പിള്ളി അറിയിച്ചു. ട്രയല്‍ റണ്ണിന് പഞ്ചായത്ത് പ്രസിഡന്റിനും പൂമല ഡാമിലെ ബോട്ട് ഓപ്പറേറ്റര്‍സിനുമൊപ്പം ആരോഗ്യ വിദ്യാഭ്യാസ സ്റ്റാന്‍ഡിംഗ് കമ്മിറ്റി ചെയര്‍മാന്‍ കെ.യു. വിജയന്‍ പഞ്ചായത്തംഗം സേവ്യര്‍ ആളൂക്കാരന്‍ സെക്രട്ടറി എം. ശാലിനി അസി: എന്‍ജിനീയര്‍ സിമി സെബാസ്റ്റ്യന്‍ പാടശേഖരസമിതി ഭാരവാഹി ചാര്‍ളി ഓവര്‍സിയര്‍ ഗ്രീഷ്മ എന്നിവരും പങ്കെടുത്തു.
About Author
മുരിയാടിന്റെ മുടിച്ചിറ മുടിഞ്ഞു തന്നെ; വീണ്ടും ഫണ്ട് അനുവദിച്ചിട്ട് ഒരു വര്‍ഷം, കോണ്‍ഗ്രസ് പ്രക്ഷോഭത്തിലേക്ക് 
ക്രൈസ്തവ ജീവിത പൂര്‍ണത സ്‌നേഹം പങ്ക് വയ്ക്കുന്നതിലൂടെ: ബിഷപ് മാര്‍ പോളി കണ്ണുക്കാടന്‍ 
അപകട യാത്രക്ക് പ്രോത്സാഹനം നല്‍കാനാകരുത്ത് പകരം സുരക്ഷിത യാത്രക്ക് വേണ്ടിയാകണം- റെയില്‍വേ സ്റ്റേഷന്‍ വികസന സമിതി 
കൈരളി നാട്യ കലാക്ഷേത്രം നൃത്ത വിദ്യാലയം- ഓട്ടന്‍തുള്ളല്‍ പഠന കളരിയുടെ നാല്‍പ്പത്തിമൂന്നാം വാര്‍ഷികം സംഘടിപ്പിച്ചു 
ഇരിങ്ങാലക്കുട നഗരസഭ പരിധിയിലെ കുടിവെള്ള ശ്യംഖല ശക്തിപ്പെടുത്താന്‍ ലക്ഷ്യമിട്ടുള്ള 13.5 കോടി രൂപയുടെ അമൃത് പദ്ധതി അന്തിമഘട്ടത്തില്‍ 
പൂമംഗലം ഗവ. ആയുര്‍വേദ ഡിസ്പെന്‍സറിയുടെ നേതൃത്വത്തില്‍ വനിതകളുടെ സൗജന്യ യോഗ പരിശീലന പദ്ധതി ആരംഭിച്ചു 
