തിരുവോണനാളുകളില് സ്വന്തം മുറ്റത്ത് പൂക്കള് ഒരുക്കാന് ഇരിങ്ങാലക്കുട നഗരസഭ വാര്ഡ് 35
ഇരിങ്ങാലക്കുട: തിരുവോണനാളുകളില് അന്യസംസ്ഥാന പൂക്കളെ ആശ്രയിക്കാതെ സ്വന്തം മുറ്റത്ത് പൂക്കള് ഒരുക്കാന് ഇരിങ്ങാലക്കുട നഗരസഭ വാര്ഡ് 35. സംസ്ഥാന സര്ക്കാരിന്റെ ഞങ്ങളും കൃഷിയിലേക്ക് എന്ന പദ്ധതിയുടെ ഭാഗമായി തൊഴിലുറപ്പ് തൊഴിലാളികളുടെയും കുടുംബശ്രീ പ്രവര്ത്തകരുടെയും സഹായത്തോടെ 10 സെന്റ് സ്ഥലത്ത് 1000 ചെണ്ടുമല്ലി തൈകള് നടുകയാണ്. കഴിഞ്ഞ സീസണില് പച്ചക്കറി കൃഷി ചെയ്ത് മിതമായ നിരക്കില് ജൈവ പച്ചക്കറി പ്രദേശവാസികള്ക്ക് നല്കിയിരുന്നു. മണ്ണ് കിളച്ച് വാരം എടുത്തു ജൈവ വളം ഇട്ട് മള്ച്ചിങ് പൊതിഞ്ഞതിന് ശേഷം തൈകള് നട്ട് ആധുനിക രീതിയില് ആണ് കൃഷി ചെയ്യുന്നത്. വാര്ഡ് കൗണ്സിലറും നഗരസഭ ക്ഷേമകാര്യ ചെയര്മനുമായ സി.സി. ഷിബിന് അധ്യക്ഷത വഹിച്ച ചടങ്ങില് നഗരസഭ ചെയര്പേഴ്സണ് സോണിയ ഗിരി തൈ നട്ടുകൊണ്ട് ഉദ്ഘാടനം ചെയ്തു. പൊറത്തിശേരി കൃഷിഭവന് ഓഫീസര് അന്സി മുഖ്യാതിഥിയായി. യുവജന കമ്മീഷന് ജില്ല കോര്ഡിനേറ്റര് ശ്രീലാല്, തൊഴിലുറപ്പ് വിഭാഗം എന്ജിനീയര് സിജിന്, സുനിത പ്രദീപ് എന്നിവര് ആശംസകള് അര്പ്പിച്ചു. വി.എസ്. സജി സ്വാഗതവും ശോഭന ടീച്ചര് നന്ദിയും പറഞ്ഞു. തൊഴിലുറപ്പ് മേറ്റ് ബീന കാടശേരി, ആശ വര്ക്കര് ഷിജി അനിലന്, ലിജി സുനില്, ഷീജ നോക്കര, ബേബി മണപ്പെട്ടി എന്നിവര് നേതൃത്വം നല്കി.

തൃശൂര് റൂറല് ജില്ലാ പോലീസ് ജനമൈത്രി പോലീസിന്റെ പ്രസിഡന്റായി ടെല്സണ് കോട്ടോളി തെരഞ്ഞെടുക്കപ്പെട്ടു
മാലിന്യക്കൂമ്പാരത്തില്നിന്ന് കിട്ടിയ സ്വര്ണലോക്കറ്റ് ഉടമയ്ക്ക് തിരികെ നല്കി; സത്യസന്ധതയുടെ തിളക്കമായി ഹരിതകര്മസേനാംഗം
പ്രഥമ സേവന് ജ്യോതി പുരസ്കാരം ഫാ. ജോണ് കവലക്കാട്ടിന്
ശാസ്ത്രസ്വപ്നങ്ങള്ക്ക് ചിറകുനല്കി കുരുന്നുപ്രതിഭകള്നൂതന ആശയങ്ങളും വിസ്മയാവിഷ്കാരങ്ങളുമായി തൃശൂര് റവന്യൂ ജില്ലാ സ്കൂള് ശാസ്ത്രോത്സവത്തിന് തുടക്കം
ജില്ലാ ശാസ്ത്രമേളയില് ഹരിതസന്ദേശവുമായി സ്റ്റുഡന്റ് പോലീസ് കേഡറ്റുകള്
16-ാം മത് തൃശൂര് റവന്യൂ ജില്ല സ്കൂള് ശാസ്ത്രോത്സവം നാളെയും മറ്റന്നാളും ഇരിങ്ങാലക്കുടയില്