പുതുതലമുറയെ വാര്‍ത്തെടുക്കാന്‍ ഡോണ്‍ബോസ്‌കോ വിദ്യാഭ്യാസ സ്ഥാപനങ്ങള്‍ വഹിക്കുന്ന പങ്ക് അനന്യം: ടി.എന്‍. പ്രതാപന്‍ എം പി
ഇരിങ്ങാലക്കുട: നവീന ആശയങ്ങളും വ്യത്യസ്ത ചിന്താധാരകളും കൈമുതലായ ഒരു പുതു തലമുറയെ വാര്‍ത്തെടുക്കാന്‍ ഡോണ്‍ ബോസ്‌കോ വിദ്യാഭ്യാസ സ്ഥാപനങ്ങള്‍ വഹിക്കുന്ന പങ്ക് അനന്യമെന്ന് ടി.എന്‍. പ്രതാപന്‍ എം.പി. ഡോണ്‍ ബോസ്‌കോ വജ്ര ജൂബിലി ആഘോഷങ്ങളുടെ സ്വാഗത സംഘം ഓഫീസ് ഉദ്ഘാടനം ചെയ്ത് പ്രസംഗിക്കുകയായിരുന്നു അദ്ദേഹം. ശരിയായ മനോഭാവങ്ങളെ രൂപപ്പെടുത്തലാണ് വിദ്യാഭ്യാസത്തിന്റെ ലക്ഷ്യം. ഇത് നൂറു ശതമാനം നിറവേറ്റുന്ന സ്ഥാപനമാണ് ഡോണ്‍ ബോസ്‌കോ. വിശുദ്ധ ഡോണ്‍ ബോസ്‌കോയുടെ നാമധേയത്തിലുള്ള സ്ഥാപനങ്ങള്‍ക്ക് തനിമയും സ്വത്വവും ഉണ്ടെന്നു അദ്ദേഹം കൂട്ടിചേര്‍ത്തു. റെക്ടറും മാനേജരുമായ ഫാ. ഇമ്മാനുവല്‍ വട്ടക്കുന്നേല്‍ അധ്യക്ഷത വഹിച്ചു. നഗരസഭ ചെയര്‍പേഴ്സണ്‍ സോണിയ ഗിരി, മുരിയാട് പഞ്ചായത്ത് പ്രസിഡന്റ് ജോസ് ചിറ്റിലപ്പിള്ളി, മുന്‍ നഗരസഭ ചെയര്‍മാന്‍ന്മാരായ അഡ്വ. എ.പി ജോര്‍ജ്, എം.പി ജാക്സണ്‍ എന്നിവര്‍ ആശംസകളര്‍പ്പിച്ചു. ഫാ. മനു പീടികയില്‍ , ഫാ. ജോസിന്‍ താഴത്തേറ്റ്, ലൈസ സെബാസ്റ്റ്യന്‍, സെബി മാളിയേക്കല്‍ എന്നിവര്‍ പ്രസംഗിച്ചു. ശിവപ്രസാദ് ശ്രീധരന്‍, സജിത്ത് ബാലന്‍, സിബി പോള്‍, ടെല്‍സന്‍ കോട്ടോളി, കെ.ജെ. ബീന എന്നിവര്‍ പരിപാടികള്‍ക്കു നേതൃത്വം നല്‍കി.
About Author
കരൂപ്പടന്ന എന്‍എസ്എസ് വളണ്ടിയര്‍മാര്‍ പല്ലൊട്ടി സിനിമയുടെ അണിയറ പ്രവര്‍ത്തകരുമായി സംവദിച്ചു 
സെന്റ് ജോസഫ്‌സ് കോളജിലെ സുവോളജി വിഭാഗം ശില്‍പ്പശാല സംഘടിപ്പിച്ചു 
വാര്‍ഡ് വിഭജനം; കരട് വിജ്ഞാപനമായി; ഇരിങ്ങാലക്കുട നഗരസഭയില്‍ ഇനി 43 വാര്‍ഡുകള്‍ 
കരുതിയിരിക്കുക, ഓണ്‍ലൈന്‍ തട്ടിപ്പുകളില്‍ വീഴരുതേ……ആദ്യം ഫോണ്‍ വിളി, താങ്ങളുടെ പേരില്‍ ക്രൈം കേസുകളുണ്ടെന്നു മുന്നറിയിപ്പ് 
ടൂര്‍ണ്ണമെന്റില്‍ ജേതാക്കളായ കാരുമാത്ര ഗവ. യുപി സ്‌കൂള്‍ ഫുട്‌ബോള്‍ ടീമിനെ അനുമോദിച്ചു 
ഐടി മേളയില്‍ രണ്ടാം സ്ഥാനം എ ഗ്രേഡ് നേടിയ ജെസ്‌ലെറ്റ് ജോബി 
